30/06/2015
السلام عليكم و رحمة الله و بركاته
خاوتي لبارح تلاقينا برشيد حول الامور صفاء لهذا الموسم
الامور ماهيش تشكر خلاص الفريق سيعاني اكثر من الموسم الماضي
و لازم نوقفوا وقفة رجلة واحد مع الفريق كي المناصرين كي الادارة
و من أبرز المعيقات التي تعيق الفريق :
1 - الدراهم مكاش لا بلدية لا الولاية مكاش لي راه يدعم فالفريق و راهم مخليين ناس بسطاء وحدهم يغرقوا في مشكلة جلب اللاعبين و توفير الامور التربص الخ ..
2 - المشلكة الثانية هي الملعب الحمرة 99/100 هذا العام راح تروسوفي في عين الدفلى كيما لعام ليفات صح الملعب راه واجد لكن اللجنة طلبت من الادارة الفريق و الملعب باه يصبغوا صطاد من الداخل و من براا + تصليح غرفة تغيير الملابس
خاوتي لازم حنا المناصرين نديروا اليد في اليد الله يبارك مكاش حومة وحدة ولا زوج فخميس مليانة لازم قاع نحطوا شوي شوية و نشروا صبيغة و نخدموا صطاد بالتنسيق مع أعضاء الإلتراس و صفحات الفايس بوك
