Mïma mode

23/06/2026

شكون قال باللي المبتدئة ما تقدرش تخرج فينيسيون كيما هادي من أول شهر؟ 😉✨
​شوفوا هاد الموديل الأسود الأنيق الفخم.. التفصيل، القصة، وتناغُم الدونتيل مع لافينيسيون المحترفة اللي تبان تاع أكبر البوتيكات الراقية.. هاد المستوى وأكثر هو اللي راح تخرجي تتقنيه بيدكِ في دورة المبتدئات الشاملة من الصفر! 🥰👗
​بزاف بنات يبعثوا لنا خايفات ويقولوا: "أنا ما نعرفش حتى نشد الإبرة، كيفاش حابيني نخيط هكذا في شهر برك؟" السر كامل راهو في "الباترون الأكاديمي الصحيح" والمتابعة حبة بحبة مع الأستاذة ميمة! ✨
​👇 واش راح نطبقوا مع بعض في هاد الشهر المكثف؟
📐 المقاسات ورسم الباترون الأكاديمي من الصفر وأسرار التعامل مع الأقمشة والقصات.
انزاع الباترونات و التشريحات و البانسات و القصات.
التفصيل و الخياطة خطوة بخطوة مع الاستاذة mima👑👑
👗 فصالة وخياطة: التنورة المستقيمة (Jupe Droite)، السراويل، الروب، والقندورة.
🔥 وقنبلة الدورة: باترون وخياطة "فاست شانال" (Veste Chanel) الفخمة بجميع أسرارها وأكمامها!
​🎓 المفاجأة الكبرى؟ ماراحش تخيطي وتروحي برك! عندكِ شهادة معترف بها + استشارة مجانية بعد التخرج (يعني مام كي تروحي لداركِ وتفتحي مشروعكِ وتخصلي في كاش عفسة، أبواب الورشة ديما مفتوحة ليكِ والأستاذة تصحح لكِ خطوة بخطوة!).
​⏱️ معلومات تهمكِ:
​الدورة تطبيقية 100% (تفتحي القماش وتفصلي وتخيطي بيدكِ).
​المدة: شهر كامل (4 مرات في الأسبوع / الفوج الصباحي من 09:00 إلى 13:00).
​السعر: مليون ونص (15,000 دج) فقط (استثمار رمزي يرجع لكِ في جيبكِ من أول طلبية أو فاست تخيطيها للناس!).
​🎁 عرض الرفيقات: جيبي أختكِ أو صاحبتكِ وسجلوا معاً، ونقصوا لكم 200 ألف لكل واحدة فيكم!
​🛑 تنبيه: الأماكن جددد محدودة في الفوج لضمان الجودة والمتابعة الفردية لكل طالبة.
​📥 حابة تبدئي رحلتكِ وتكسبي حرفة ذهبية تعيشي بيها؟ > ابعتي لنا درك في المسنجر (اسمكِ الكامل + رقم هاتفكِ) وخلي الباقي علينا!
​👇 طاgي صاحبتكِ اللي تموت على الخياطة وقولي لها هاد الصيف لازم نديروا اليد في اليد! 🧵🖤

#فصالة #حرفة

20/06/2026

📍 إلى كل نساء وبنات خـنـشـلـة: صيف 2026 هو فرصتكِ للاحتراف وكسب حرفة العمر! 🌞✨
​في بلاصة ما تجوزي الصيف في الروتين بلا هدف، مدرسة Mima Mode تفتح لكِ الأبواب لدخول عالم الخياطة والأزياء من بابه الواسع، تحت إشراف أستاذة خبيرة (خبرة +20 سنة) تضمن لكِ المتابعة حتى بعد التخرج!
​اختاري مستواكِ وابدئي رحلتكِ الاحترافية اليوم: 👇
​1️⃣ المستوى الأول: دورة المبتدئات (من الصفر للاحتراف)
تخرجي منها قادرة تفصلي وتخيطي قشك وقش أولادك بيدك في شهر واحد برك!
📊 أبرز محاور الدورة: أسرار القياسات الدقيقة، رسم الباترون الإيطالي، قواعد قص القماش، وتفصيل (الحجاب العصري، الروب، القنادر، والفساتين،و الرقبات...).
​2️⃣ المستوى الثاني: دورة المحترفات (La Haute Couture)
دورة ملكية مخصصة للخياطات لي حابين يتميزوا في السوق بالفينيسيون الفخمة!
💎 أبرز محاور الدورة: هندسة الكورساج العالمي، لي سواري العرايس، قصات الصدر المتقدمة، تفصيل القفطان والكاراكو، وأسرار السحاب الخفي ، وكل اسرار لافينيسيون لي ما يقولهملك حتى واحد.
​💡 ملاحظة مهمة: هادو فقط أهم المحاور اللي حطيناهالكم، لكن البرنامج التدريبي داخل الورشة أغنى وأكثر تفصيلاً بكثير! و تطبيقي 100% مع الأستاذة راح تكتشفي أسراراً وتقنيات احترافية إضافية تُكسبك "اليد الذهبية" في الخياطة وتزيد من مستواك خطوة بخطوة.
​📜 مفاجأة الدورة:
تستفيدي من تكوين تطبيقي 100%، مع إمكانية الحصول على شهادة معتمدة من الدولة (وزارة السياحة والصناعة التقليدية والحرف) لفتح مشروعكِ الخاص (مقابل رسوم إضافية).
​🎁 عروض الصيف الحصرية:
👭 عرض الصديقات (قنبلة الصيف): جيبِي معاكِ أختك، جارتك أو صاحبتك وسجلو معاً.. ونقصوا 200 ألف لكل وحدة فيكم!
📞 مرافقة مجانية: استشارة ومتابعة مفتوحة حتى بعد انتهاء الدورة.
​📍 العنوان: خنشلة، ليزالي بالقرب من طبيب العيون (ڨرسيف).
⚠️ تنبيه: الأماكن محدودة جداً لضمان التطبيق الفردي لكل متربصة.
​📥 سجلي الآن واغتنمي الفرصة!
اتصلي بنا أو أرسلي رسالة واذكري مستواكِ:
📞 0656221135
📞 0559556934
​ #خياطة #خنشلة #حرفة

20/06/2026

كثير من البنات يلقاو مشكل كي يفصلوا قندورة أو تايور، يلقاوها ضيقة بزاف ولا واسعة، والسبب دائماً هو طريقة أخذ المقاسات!
​باه تخدمي خدمة متقونة وتخرجي "لافيناسيون" في كل بياس، لازم تتبعي هاد الخطوات الأساسية:
​دائماً استعملي شريط قياس مرن (متر): تأكدي أن الشريط غير مشدود بقوة ولا مرتخي بزاف باش ما تغلطيش في النتيجة.
​قياس محيط الصدر: ديريه في المنطقة الأكثر بروزاً في الصدر، وحطي صبعك تحت المتر باه ما تجيكش القطعة مزيرة.
​قياس الخصر: خذي القياس في أضيق نقطة في خصرك، هكذا تضمنين تفصيلة "مريحة" وتبرز قوامك.
​قياس الورك: هو أهم قياس للفساتين، خذيه في أعرض منطقة في الحوض باش ما تجيكش القطعة ضيقة عند الجلوس.
​هذه غير البداية! راني نوجدلكم في محتوى تعليمي ودورة تطبيقية راح نشرحلكم فيها كل شيء بالتفصيل، من أخذ القياسات حتى للتقفيل النهائي.
​حابة تتعلمي الخياطة باحترافية وتكوني من المحترفات في هاد المجال؟
✨ ديري أبوني (Follow) للصفحة، وفعلي جرس التنبيهات باش يوصلك كل درس جديد نشاركوا معاكم!
​💬 واش هو أكثر قياس دائماً يغلطكم كي تجيوا تخيطوا؟ خلولي في التعليقات ونحاول نجاوبكم كامل!

20/06/2026

بين الدقة واللمسة الفنية، هكذا نخدموا لي بياس تاوعنا في الورشة. 💎 الخدمة المتقونة هي الصح!
شاركوني في التعليقات، واش هي الحاجة اللي تهمكم بزاف كي تجوا تخيطوا قطعة جديدة؟ ولاي وحدة مهتمة، لاحقي الفيديو مع صديقتك!
رانا نوجدوا لورشة جديدة، اللي حابة تتعلم هاد الفن تخليلي تعليق ونبعثلها التفاصيل!

18/06/2026

لما تحولِ خيوط القماش إلى قطعة فنية تنبض بالحياة.. هكذا يكون الشغف بالخياطة والتفصيل! ❤️✨من ابداعات الاستاذة mima👑
​من فكرة بسيطة إلى فستان سهرة يسحر العيون، لأن السر دايماً يكمن في التفاصيل الصغيرة والـ Finition المتقونة اللي تصنع الفارق وتخليكِ متميزة. 😉👗
​الإبداع ماراهوش زهر، هو ثمرة سنوات من الحب والممارسة. واش رأيكم في الفستان والفصالة؟ شاركوني رأيكم في التعليقات! 👇 نموت على تشجيعاتكم.

#الجزائر

17/06/2026

النتيجة كي تكون الأستاذة والتلميذة يد واحدة! 🤝 خياطة نظيفة، قصة صيفية مريحة وعصرية (الأمام أقصر من الخلف).
الموديل من إبداع تلميذتي وتكْمِلتي.. الخياطة ماشي غير ماكينة، الخياطة حلول وشغف! 🪡❤️
للتسجيل في دورة الخياطة والفصالة، تواصلوا معنا في الخاص.

#جزائريات

17/06/2026