17/02/2026
وحدة كوموندات عليا هاذ الطقم و طفات التيليفون عليا و م بلوكاتنيش فالفايس، ايا بقيت نبعتلها وحد 10ايا حتى قلتلها (م تخلينيش نوكل عليك ربي) ايا مور هدوك ال70 ميساج، هاذا لي حركها، عيطتلي قاتلي و اسمحيلي و الواحد يحسن العون و منا و منهيك و عندي ظروف، ايا قتلها معلش مهم طمنيني نقدر نستناك عام نورمال مهم تديه، كيما كان لخال زادت جابت بيا سمانة، قالتلي م عنديش وش نفرش و لحق رمضان تفاهمنا نتلاقاو فالكار لي يجوز على حومتي، نخرج لطريق نعطيها امانتها و نحبط، ايا كتب المكتوب و طلعت معاها اليوم في نفس الكار، شوف ربي سبحانو، وصيت وليد جارنا يجيبلي الدوزان، قلتلها وجدي دراهم برك دك نحبط تمتم نرفدهم نجيبهملك و نعاود نحبط باسك لاري ديالي، قاتلي معلش مديهملي م التاقة، و سبحان الله التاقة م حبتش تتفتح، (كانت معولة تسرقهم و يديماري الكار و انا نبقى نجري) م تقولوليش سوء الظن بصح سيماهم على وجوههم، ايا حبطت شديتهم عاودت طلعت قلتلها هاكي ، و مديلي دراهم قاتلي نن اعطيني قلتلها اعطيني دراهم قبل، ايا والكار ديمارا، قاعدة تقطع فالصاشي امبعد م لحقتش مام پا مست لقماش قاتلي مش هكا تفاهمنا، و م حبتش تديهم خطفتهملها و قلتلها نتي من لول هكا كنتي ح ديري، و حبطت، وكلت عليها ربي حتى شبعت عيطتلها قتلها كيفاش ح تقابلي ربي رمضان هذا قاتلي م نشريش حوت ف بحر و كوبات، وانا والله ي لبنات غير فهمتها ف كلش بلي مشي اونتي طاش و اونتي طاش غالي و كذا، و كذا، هيا ناوية زعما ترجع السبة فالقماش، بش تهني ضميرها ولا م نعرف كيفاش، باسك من لول هيا تجرجر فيا، كي لحقت لوكيلك ربي روندات شوية، امبعد نوات تسرقهم، ربي يعافيكم من شر هاذ الناس، والله م نتمناها لحتى واحد، مذاري نبعت خويا صغير يوصل، كون راح راني متاكدة بلي كانت ح تسرقو... سبحان الله اليوم صعابت و م راحش هوا، ربي م يحبش لعبادو لخسارة.
المهم هاذ الطقم راه للبيع واجد و كامل مكمول : طوالسيري، 6كراسة، تع فريجيدار، غطاء اكل، ريدو 1,5\0,9متر و ريدو 1,5/1,1متر 😞🤲
