03/05/2025
Din que os oficios acábanse, que chegará un tempo no que atopar un albanel, un carpinteiro, unha modista ou un xastre será complicado. Penso que ese tempo xa chegou, só hai que ver o cargados de traballo que estamos as persoas que temos oficios ancestrais.
Hoxe en día a Intelixencia artificial ven con forza, con tanta que ata da medo, sustituirá man de obra e con ela acabaranse moitas profesións.
A evolución tecnolóxica e vertixinosa vai galopando a unha velocidade que agardo non nos escape das mans ós humanos, a ver... o paso do tempo iranos ensinando como irá transcurrindo todo.
Este luns pasado co apagón vimos as nosas debilidades, é certo que sin electricidade non facemos casi nada, pero non me digades que non daba gusto ver as nenas e nenos xogando, ós adolescentes en pandilla, moitos deles deseperados buscando cargadores, as rúas a tope de persoas; pensaba que Melide perdera poboación, pero canta xente vin e que alegría vela!
A mín apagouseme o teléfono cinco minutos despois de marchar a luz, que agusto estiven todo o día sen as notificacións tin tin, tin tin; sen agobios, sen berrar co fillo para que deixase o dichoso móbil, sentinme libre, e, aínda que me gusta a tecnoloxía, vin que sen o agobio de estar sempre localizable vívese mellor, de aí que os nosos maiores sexan tan lonxevos.
É certo que á noite fastidioume non ver a miña serie, pero que gozada ir tomar o café a casa de meus pais un luns ó mediodía, alí fora, sen ningún ruído, só o piar dos paxaros.
Non estamos tan preparados para era dixital, ou sí?
Espero que non, que a mín gústame pagar en efectivo, non depender do móbil e poder tomar un café tranquilos sen que ninguén saiba a nosa ubicación en tempo real mola.
Deixovos con esta foto que me fixo o meu neno cun teléfono moderno sí, pero facendo un traballo artesanal, que de seguro a IA chegará a facelo, pero nunca co agarimo e vocación que un artesá lle pon o seu traballo.
Moi boa noite amizades❤️
