29/10/2026
試下喺呢度搵新人先 😆送你哋一場「即場鋁線繞字服務」✨
事源係今個月迪士尼酒店裝修前,我同老公非常幸運,成為咗裝修前最後一對喺嗰度舉辦草地證婚嘅新人 👰🏻♀️🤵🏻♂️💒
嗰日天氣超級好! 但同所有新人一樣——真係忙到完全冇時間食現場嘅小食,亦冇機會以「賓客」嘅視角好好感受嗰份夢幻 🥹 (其實嗰日迪士尼 staff 超好,一早就 Pack 定一份小食俾我哋拎走。 好可惜嗰日真係太多嘢要打包,我老公漏咗幾袋嘢食喺唔知邊度 😭 我哋最後一件都冇食到呀😩!!)
所以!!! 等 2027 年迪士尼酒店裝修完開返之後,我想搵一對新人送我哋一個重新感受迪士尼婚禮嘅機會 😆 我哋會免費送出「即場鋁線繞字服務」一場俾呢對幸運新人作為回禮 🎁
免費「即場鋁線繞字服務」:
我們會喺你哋嘅婚禮晚宴現場,為賓客即場製作專屬人名鋁線匙扣(共4小時),等你地既來賓可以帶走一份獨一無二嘅手作紀念品!❤️
參加條件:
1. 準備喺 2027 年喺迪士尼酒店舉辦「草地證婚 + 晚宴」嘅新人。
同埋
2. 證婚環節請邀請我同老公作為賓客喺旁觀禮,等我哋體驗下當初冇機會感受嘅嘉賓視角,順便食返當日食唔到嘅小食 😋🍴
如果你哋(或者身邊朋友)有興趣,歡迎 DM 我 / 喺下面留言!期待喺 2027 年見證你哋嘅夢幻婚禮 ✨