ბაღი მუშობს ორშაბათიდან შაბათამდე 9-დან 19 საათამდე. აქ ბავშვებს ელოდება მყუდრო, ოჯახური და მხიარული გარემო ძალიან ბევრი გასართობით და შემეცნებითი თამაშით. ნაძვებში ჩაფლული ეზო კი განსაკუთრებულ სასიამოვნო განწყობას ქმნის ბავშვებისთვის.
ჩვენს ბაღში დამკვიდრებულია ერთი საყვარელი ტრადიცია. ეს ეხება ნებისმიერი ჩვენი აღსაზრდელის დაბადების დღეს:
სპეციალურად ამ დღისთვის ირთვება ბაღი, გამოკრულია დიდი ფე
რადი ასოებით წარწერა :
„დღეს ...-ის დღეა!“ ამ დღეს ყველა უბედნიერესია, რადგან იმართება წარმოდგენა, სადაც მთავარი გმირის როლის შემსრულებელი იუბილარია. როლი და სიუჟეტი შერჩეულია კონკრეტული ტიპაჟის მიხედვით. ამ ამბავში ჩართულები არიან აღმზრდელებიც და სრული „აურზაურია“...
მერე ყველა ბავშვი ცდილობს იუბილარს მიუძღვნას ახალი შესწავლილი ლექსი, სიმღერა, ცეკვა...
მოკლედ, იმას, რასაც სხვა საბავშვო ბაღებში „ზეიმს“ ეძახიან და საგანგებოდ ემზადებიან, ჩვენთან სისტემატიური სახე აქვს.
ასეთი ღონისძიებისვის მზადების პროცესში ბავშვები უამრავ ახალ რამეს სწავლობენ და რაც მთავარია, ყველა ბედნიერია, განსაკუთრებით, კი , იუბილარია გახარებული. ბოლოს არის საჩუქრები, იჭრება ტორტი ...
