მიმდინარე წლის ივნისის თვეში, ატელიე “მაჩაბელი” წარმოადგენს ქალის სამოსის სადებიუტო კოლექციას - “Naphthalene” იშვიათი და ექსკლუზიური ქსოვილებისგან.
მაჩაბელთა გვარის საოჯახო ტრადიციები უკავშირდება სამშობლოზე ზრუნვას, განათლების, კულტურისა და ხელოვნების განვითარებას. სხვადასხვა დროს ამ გვარის წარმომადგენლების ნამოღვაწარმა დიდი კვალი დატოვა ჩვენი და სხვა ქვეყნების ისტორიაში.
კომპანია “მაჩაბელი ჯ
გუფის” სურვილი თანამედროვეობაში გაგრძელდეს საუკუნოვანი წარმატების ტრადიცია, გამოიხატა ატელიე "მაჩაბელის" დაარსებაში.
ძველ ტრადიციას ამყარებს ინოვაციასთან სინთეზი. სწორედ ამ მიმართულებით გადადგმული პირველი ნაბიჯია კოლექცია “Naphthalene”-ი, რომლის ფილოსოფიაც არის “ყველაფერი ახალი - კარგად დავიწყებული ძველია”.
კოლექცია “Naphthalene”-ის დიზაინერების, მარიამ მაჩაბლისა და ნელიკო კობახიძის, ნამუშევარი კარდინალურად ახალი ხედვაა ქართული მოდის განვითარების დღევანდელ ეტაპზე. მომავლის სილუეტები ვინტაჟის ელემენტების შერწყმით ელეგანტურ სამოსში განხორციელებულია დახვეწილი თარგით, რომელიც ქართველი ქალის ტრადიციულ სინატიფეს თანამედროვეობის ხატად აქცევს.
კოლექციაში გამოყენებულია გასული საუკუნის 90-ანი წლების გერმანული, იტალიური და ფრანგული ქსოვილების ნიმუშები, რომლებიც ატელიე “მაჩაბელის”-ს წარმომადგენლებმა თავად შეიძინეს პარიზისა და რომის ანტიკვარულ სალონებში.
განსაკუთრებულ ეფექტურობას კოლექციას ანიჭებს კონტრასტული ფერების შერწყმა, სხვადასხვა ღია და მუქ ფერთა გამის კომბინაცია და ორიგინალური პრინტები.
კოლექცია “Naphthalene”-ის მოდელები უნიკალურია და შესრულებულია ერთეულ ეგზემპლარებად.
