E&A Fashion

19/12/2025

各位姊妹，好耐冇同大家update下我嘅近況，大家仲記得我嗎？

唔知大家有冇留意，我喺2019年去烏克蘭學做餅，之後返嚟就一直從事烘焙嘅行業，一直經營住小小嘅工場同埋網店。 期間做過一啲唔同嘅產品，但始終都以烏克蘭嘅honey Cake為主軸。

最近，有幸受到銅鑼灣利園商場嘅邀請，喺利園二期LG 23開設我哋第一個Pop up Store， 可算係我哋一個小小嘅里程碑。

從前幫襯我買衫嘅客，當中都有一啲曾經幫襯過我，訂購我嘅蛋糕，真係相當感激。 依家有小小嘅Pop up，有切件嘅蛋糕出售，更加方便想淺嘗試食嘅朋友嚟支持我。 如果你係依家先知道我已經轉咗做烘焙師的話，一啲都唔遲，正正可以趁呢個機會，睇吓從前幫你哋扮靚嘅事頭婆，而家做出嚟嘅蛋糕係咪能夠貫徹我一貫嘅高要求。🤭👍🏻

Pop up 地點： 銅鑼灣利苑二期LG 23

P.S.: 因為我忙於做餅嘅緣故，通常都係店員幫我看鋪， 如果掛住我嘅話不妨WhatsApp我約個時間，哪怕你只係落嚟食件餅，我都一定會親身落嚟同你敘舊，等你呀！😉🫵🏻

05/11/2022

荃灣愉景新城Delifrance對出呀，快啲嚟搵我啦！🤭❤️

04/11/2022

各位姊妹，好耐無見喇！

大家有冇掛住我呀？😆😆

想唔想見吓我呢…..？ 機會嚟喇！🙌🏻🙌🏻

小妹今明兩日會喺荃灣D. park （愉景新城）擺市集賣韓國飾物，所有貨品都會以超超超級優惠價發售。歡迎大家嚟參觀選購，又或者嚟探吓我無任歡迎架。😚🙌🏻🙌🏻

日期：5/11、6/11
時間：下午12時-8時
地點：荃灣D. Park (愉景新城）L1 Delifrance對面 60號攤位

等你唷😚🫵🏻🫶🏻❤️

26/06/2021

話說有時候我都會去上其他老師的烘培課，學習一下人家優秀之處，順便溫習一下一些技巧。

尤其是一些港式餅點跟法式造法真的有很大分別，就如拿破崙為例，我喜歡取兩者之優點，改良成為合香港人口味而又更精緻的製成品。

有時會遇到挺有趣的情況，遇着是男導師，就會發現他們極受太太們歡迎。太太們見到阿Sir就如嗒糖一般😍，搭訕合照是等閒事，更甚者會出言調戲阿Sir，你一言我一語的氣氛相當高漲😆😆！

當阿Sir不容易，賣藝（手藝）不特止，還要賣笑😅，相信這是香港獨有現象。當年在外國學藝的時候，那位烏克蘭不羈浪子呀⋯⋯法國有型大廚呀⋯⋯又不覺得大家會如此瘋狂😅！反而是一種很欣賞和敬佩的感覺，還是這種比較含蓄的氛圍比較適合我😛。

#法式拿破崙 #港式拿破崙 #芒果拿破崙 #香港美食

25/04/2021

自從沒再經營時裝店生意之後，我和大家都一樣變成了顧客。偶爾也會逛逛街，想要買一兩件靚衫。

今天，不論是在葵芳又或是走到元朗去，放眼盡是數十元一件的貨色，而且款式千篇一律，連想花點錢買些高質素一點的衣服也十分困難。

走在葵涌廣場，以往逛開的店舖十室九空。剩餘的全是$40兩件的店舖佔大多數，韓國衫的店舖更為罕有。估不到短短兩年之間市場變化那麼大，難道賣衫真的是那麼難經營嗎？

一方面我又覺得好奇，買開靚衫的人現在又會到那裏購置新衣呢？看着看着，不是我自誇，我着實覺得自己從前拿的貨到現在看來還是很不錯😂。現在想找一間比較像樣的時裝店也變得如此困難，各位姊妹可以告訴我，你們現在會到哪裏買衣服嗎？

P.S.: 舊圖

10/12/2020

Hi! 各位姊妹，好耐無見喇！ 大家幾好嗎？無賣衫轉眼快一年了，大家有冇搵到新嘅好去處？🥴

今日無意中在一個fb friend嘅post度得知從前嘅一位熟客今天移民了，心理滿懷感慨。唔知呢位姊妹仲會唔會睇到我嘅post呢？🥺

喺呢度祝你新生活美滿，可以好好享受自由而有安全感嘅生活。見字可揮揮手喔！🙋🏻‍♀️

其他姊妹們，你地都幾好嗎？我時時都會想起你地架！大家都可以揮揮手，問候一下呢！😘

而我呢？都是忙於整餅啦！你地有冇幫襯我呀？Sweet Mama Erica🥰

有興趣又未follow嘅可以睇吓我ig 或者fb page架！🤗

無論如何，祝福大家平安、健康！☺️🙏🏻

18/01/2020

第四炮—連身裙

連身裙一向是銷量榜第一位產品，買開嘅姊妹都知質量檔次上乘，難得今次低至三折出清，有啱真係要快喇！

$400/件，$650/2件🙈🙈🙈

15/01/2020

第三炮：上身衫😆😆
俾姊妹們催到爆，要快啲睇吓有咩筍嘢喎！🤭🤭

$200/件，$300/2件，蝕到入骨在所不惜，最緊要大家買得開心🥳！

全部貨品不設退換，不包郵，祇寄順豐到付，不設到店取貨，敬請留意！💁🏻‍♀️

04/01/2020

https://www.facebook.com/Sweet-Mama-Erica-110040247183960/

Ukrainian honey cake production

04/01/2020

剛剛發現原來有啲姊妹無用ig，所以我剛開咗個新嘅專頁，請大家多多支持！🥰🙏🏻🙏🏻

新專頁： Sweet Mama Erica

https://www.facebook.com/Sweet-Mama-Erica-110040247183960/

03/01/2020

Hi，親愛嘅姊妹們新年快樂！好久不見喇，祝大家新一年都開心順意，身體健康。😊🙏🏻🙏🏻 過去嘅大半年𥚃面呢個專頁幾乎荒廢咗咁滯，真係要同大家講聲抱歉！🙇🏻‍♀️🙇🏻‍♀️

呢段期間我嘅鋪頭都處於休息狀態，我無再飛韓國，因為我去咗追我嘅另一個夢—烘焙師。

記得當初開設小店嘅原因，實在係因為要供養仔女。因為祇有自己經營一檔小生意才有時間和能力照顧我嘅小朋友（我一直係一位單親媽媽呢）。可能好多朋友仔都唔知道呢一點，一直以為我係玩票性質當個老闆娘打吓風流工，事實正正相反呢！🙈🙈

不過上天待我真係好好，我倚靠呢個檔口仔養大咗啲化骨龍又糊到口🤓。雖然未能致富，甚至經歷過好多難關，但慶幸喺鋪頭認識咗好多朋友同非常支持我嘅客人，呢點我真係非常之感恩。🥰🙏🏻

我人生嘅前半部都係不斷努力做同一件事，就係盡力俾安穩嘅生活環境俾我嘅小朋友。好不容易等到我最細嘅囝囝都剛剛滿十八歲了，我開始思考自己係咪應該趁還有少少魄力，去做啲自己想做嘅嘢呢？🤔🤔 於是，我開始放慢生意嘅步伐，花相對多嘅時間做我想做嘅事。

終於，我喺2019年11月飛去一個我非常陌生嘅國度—烏克蘭🇺🇦，進修我熱愛嘅烘培技術。🥰🥰 從未去過咁遠，更從未試過離開屋企咁長時間，對我嚟講真係一個不得了嘅挑戰！🤨🤨

隨住種種嘅變化，相信我應該會慢慢淡出賣衫生意。不過世事難料，如果見到有靚嘅嘢我仍然會介紹俾大家嘅！😚

我有一位要好嘅朋友，同我一樣開時裝店，早在我入呢行嘅時候已經認識佢，佢喺呢個行業經驗比我更資深，品味當然同我一樣咁好啦！😎😎 如果大家想買靚衫嘅話，佢係我極力推薦嘅@TWINT！睇啱佢啲靚衫可以話我知，我非常樂意為大家送上。😊💪🏻💪🏻

如果大家對我做緊嘅嘢都感興趣嘅話，歡迎去睇吓我嘅ig: sweet_mama_erica，
仲有剛新增嘅fb fanpage: https://www.facebook.com/Sweet-Mama-Erica-110040247183960/
支持支持！🙇🏻‍♀️🙇🏻‍♀️

無論如何，我都非常非常感謝大家對我嘅支持同關心，我愛你地每一位喔！😘😘😘