Triple_Six_

16/05/2023

#淨灘 預告
自費淨灘呢回事，一直覺得我哋唔係特別識處理公眾活動，比較少公開召集！

多謝本地 🇭🇰各位潛水教練、學校、慈善機構多多少少鼓勵，慢慢開始試吓集合多啲人一齊淨灘！

有興趣嘅大家嚟聯絡我哋！scan圖上QR或bio link contact吖！

#自費淨灘

17/03/2023

你有見過 #向日葵海星嗎?

自2013年起佢哋受到命名為【海星消耗性症候群】(“climate-fueled pandemic”)嘅疾病攻擊，造成佢哋病變後組織腐爛，之後肢體脫落，會喺幾日內死亡， 只留下一堆黏液🫣向日葵海星總體數量受到嚴重衝擊，估計死亡多達57.5億隻，係有紀錄以來最大嘅野生海洋生態浩劫。😔

聯邦官員早幾日訪問時提到話向日葵海星係一種巨大嘅海星，直到最近都仲可以喺北美西海岸上下水域繁衍，但係佢哋正面臨滅絕嘅威脅，應該根據《瀕危物種法》受到保護。🫡

#科普
🔆向日葵海星可以擁有大約 24 個肢體，從尖端到尖端嘅尺寸大約超過1 米。📍由Baja California到Aleutian Islands都有記錄。

目前雖然科學家估計全世界仍有 6 億隻左右，但係呢個數字只係佔 2013年之前嘅數量不到 10%。🥺

雖然向日葵海星係有機會有較高承受較暖的水域嘅能力，但係極端氣候變化始終會加劇牠們滅絕的速度。呢種數字已經由好多年前開始以倍數咁增長，知道大家都身處城市內未切有好大感受，希望將呢種長篇新聞簡化，至少引起睇到呢度嘅你有一點意識！

#環保 #海星 #海洋 #保護地球 #保護海洋

10/03/2023

＃新聞分享 #思考
【今日為咗我哋子孫後代嘅利益，全世界齊心協力保護海洋,我們有能力在公海建立保護區，並實現2030年保護 30% 海洋嘅宏偉目標】美國助理國務Monica Medina喺聯合國
會議時發表。📢

經過 20 年嘅規劃同會談，終於喺過去幾日喺紐約舉行一場協議中獲得絕大多數國家就保護海洋生物多樣性嘅歷史性聯合國條約語言達成一致。

📝一般而言每個國家通常控制由其海岸延伸嘅 200 海裡水域及海底。但係世界上不受任何國家法律或控制嘅公海幾乎覆蓋了整個地球嘅一半。

🐠公海係食物鏈上游同下游物種嘅家園，由浮游植物到大白鯊等，在國家水域靠近海岸的地方也發現了很多海洋生物——包括金槍魚和鮭魚、海龜和鯨魚，而佢哋大部分生命時間都喺公海度過。

⚠️而呢一個事實強調咗國際間合作嘅必要，點樣去保護需要幫助嘅物種， 因為畢竟動物係不分國界嘅。

一系列國際協議同組織共同監管公海，但係佢哋嘅重點落在捕魚、航運、採礦同化石燃料開採。
環保倡導者話，雖然佢哋應該考慮到生物多樣性為主，但呢個傾向並唔符合各國自己嘅利益。即使做到，每方都傾向於關注自身對海洋生物嘅具體影響，而唔係考慮宏觀所有壓力嘅累積影響。

公海因虐待同無法無天而臭名昭著，包括人類奴役同謀殺，呢份協議唔會解決隨呢類罪行。所以如果獲得批准，新條約將創建一個主要關注保護海洋物種或生態系統嘅國際框架，希望將會能夠喺指定海洋保護區，限製或禁止捕魚同其他危害海洋生物嘅活動。

💭從來講到環保、氣候同經濟一脈相承，以前提到過環保團體喺國外有被殺或者被威脅等，雖然呢啲看似極端嘅事，但係其實不停上演緊！
就好似講到咁遠嘅公海事宜，其實
海洋喺地球其實係一體，我哋真係可以以國界去區分而將呢個話題置身事外嗎？

#環保

28/02/2023

距離上一次同大家分享已經差不多半年，嚟到今日呢個「口罩終結日前夕」，我哋終於回歸喇🫰🏼

今年準備緊新一輪淨灘之路！有興趣DM 📫 我哋留名啦！

#淨灘

14/10/2022

📣突發 #市集

聽日、後日荔枝角D2 place@痴住本地烘焙 擺市集｜限量產品｜要拎貨、交收可以DM先｜

15/09/2022

⚠️出沒注意：18/9中環海濱 汽車露營區 🏕️

係呀！係喺架車度擺檔呀，嚟一齊睇吓汽車露營係咩氣氛啦！
中秋後天氣仲好熱，氣候問題而家唔講住，有咩留返喺車先講！

今次同平時市集唔同，除咗有部份海洋友善產品（包括 環保女性用品），仲有資訊分享，包括自由潛水課程內容！
仲有，我哋平時折麵好少，今次有小活動送禮物‼️‼️千祈唔好錯過呀！

#汽車露營 #香港露營 #露營節 #露營祭 #海洋友善 #送禮 #月經杯 #月亮褲 #中環 #中環海濱 #自由潛水 #香港潛水

10/09/2022

拒絕埋拒絕你拒絕螢光棒嘅親朋戚友

咁先係中秋🥮月餅節快樂！

#源頭減廢

16/08/2022

辦公室或屋企垃圾分類｜到底可以點做？

圖中係店主最近出沒工作嘅一個辦公室，呢度有空間又有文化，回收真係做得好好！之但係明白到唔係間間都有呢個空間，同埋無高層推動，係難做嘅，以下小小分享係過去店主喺唔同地方試過嘅方法，睇吓有無咩刺激到你嘅靈感👇🏽

💚辦公室腳邊留一個箱仔（有蓋），放兩個袋，一個收膠類、一個收紙類，無袋嘅就係壓扁嘅鋁罐｜辦公室多數紙類都有得安排回收，自行拎去回收多數係啲包裝盒類，啲admin唔會幫你收㗎嘛😮‍💨

💚如果自己team同事都可以合作，可以買個有蓋垃圾桶，只放乾淨嘅膠，例如店主freelance公司會有一個寫明放洗乾淨回收嘅膠類，會分埋樽同其他膠嘅！然後每星期輪流去回收點，大家都公平！

💚如果係公司中高層，或者係committee team，可以建議公司做呢類回收活動，proposal多數以「社會責任」、「品牌/公司形象」、「與時俱進」、「公民/地球公民責任」為標題，當中仲可以做啲challenge ganes！一般中大型公司都好welcome嘅！

大家可以考慮自己嘅力量可以做到咩程度｜真係覺得做唔到嘅，至少由自身開始｜今年天氣特別熱，相對地多咗普羅大眾關注地球升溫同環保，以生命影響生命其實係最好嘅做法｜
當然更好嘅係做到 #源頭減廢

大家都可以留言或DM更多分享！店主都希望一直學習做得更多！

#環保不是口號 #走塑

07/08/2022

大家對大西洋颶風唔知有咩感受，係咪覺得好遙遠，唔關我事？
2017年店主去古巴旅行，正正係颶風之後，圖中見到嘅水位線仲清晰存在，大約2米左右，當時見識古巴🇨🇺環境同文化之外，最大感受就係自然災難嘅影響。
到香港有幾場大颱風、熱浪亦有明顯影響香港嘅氣侯，你仲係咪覺得事不關己？

5年後嚟到2022年，聯邦科學家上星期四表示大西洋颶風季節開始，並表示今年嘅颶風將“高於正常水平”。 如果呢啲預測成真，咁就會係連續第七年出現高於正常水平嘅季度。

美國國家海洋和大氣管理局颶風預報顯示可能有 14 到 20 場風暴，其中3到5場可能成為大颶風，風速為每小時 111 英里或更高，對應於 Saffir-Simpson （全球公認測量熱帶氣旋強度（颶風）嘅標準等級）的嘅第3、4 和 5 級。

海水變暖可能引發大嘅旋轉風暴，科學家s已經記錄到氣候變化正喺度改變氣旋風暴嘅多種方式，令風暴變得更強大、更具破壞性。 颶風正釋放緊更多嘅降雨，而呢個問題會加劇洪水發生。而且由於溫暖嘅水會為颶風提供咗燃料，呢啲風暴可能形成嘅區域都從熱帶向亞熱帶及中緯度地區擴展。

📌圖2-3就係2017年古巴颶風後水浸留低嘅痕跡同古巴人颶風後正在維修
📌圖4-5係古巴Havana市內及加勒比海背景。當年颶風之後完全唔建議落海，所以並無潛水。希望有生之年再有機會可以去潛水🤿

#地球只有一個 #環環相扣
#不要以善小而不為 #每人嘅一啲改變就係力量凝聚
#唔敢講改變到幾多
#唔識計算真係零碳嘅可能性 #綠色溢價有啲複雜
#但係至少以身作則 #做好自己
#盡力而為
#對得住下一代


#環保不是口號
#建立你嘅綠色生活習慣

20/07/2022

之前提過店主住得較遠，又要返工，你知香港人啲工時都長，少不免會利用網上購物，尤其家庭用品同糧草｜

好一段時間都矛盾，真係好多過度包裝｜之前嘅工作都有做好多online orders同各平台嘅單｜明白有幾多人會因為「包裝唔夠保護」又投訴又退貨｜在商言商，過度包裝唔係供應商單一隻手掌拍得響｜咁作為商店當然有責任用啲較環保/可降解嘅物料｜即使唔係，盡量物料都係需要｜

咁作為購買者呢？｜

直接喺店家商店購物當然可以備註減少包裝物料｜如果喺一啲綜合平台｜店主會揀喺同一間供應商嘅鋪盡量買齊啲嘢｜因為綜合平台係會集運咁嘅形式進行｜

每間供應商按單去貨｜收到去綜合平台先會再分發｜一般嚟講一個供應商會以一箱/一袋去包哂一張單嘅貨｜相對地係會少咗重複用包裝物料嘅

呢啲好似人人都知嘅嘢｜有時你同我多口講多兩句分享｜可能提醒到身邊嘅人又再喺買嘢前停一停·諗一諗㗎

#老土但日常必用到嘅分享
#網購
#拒絕過度包裝

18/07/2022

今年大家已經熱出新高點｜除咗體感溫度外，其實世界各地因為熱浪問題，仲會連帶出好多併發嘅事：各地停電影響日常（仲預計可能會係長時間停電）、多個地方受到乾旱威脅、雪上加霜嘅係各地大形山火、樹林火災嘅發生

常說咩都係一個循環，今日嘅問題來自於我哋長年累月忽視地球資源同生態平衡嘅問題！
店主同大家一樣仍然唔知道做啲咩可以有幫助，只係知道人人都「事不關己」就一定令地球死得更快！

過去幾年一直堅持節約能源，每次做嘅時候都問「其實有冇用？」，但係又諗啲人成日都話「13億人一人俾一蚊都賺死你」，咁一人節約多少少，地球就嚟會有80億人，咁係咪仲可以有得救？

節約能源於日常，簡單到其實減短開冷氣時間、多利用風扇流動空氣，已經減少到一啲碳排放。
店主都換咗屋企嘅床用品為全棉嘅好幾年，比起人造質地疏氣，無咁易瞓到成身汗。
夜晚都係開窗同風扇，其實瞓慣咗就無咩問題。

你哋會唔會仲有咩智慧分享？歡迎留言或DM

11/07/2022

建議分享😆

https://www.facebook.com/108941311875881/posts/110140525089293/?d=n

《「廢」事同你講》海洋廢棄物展覽

一群互不相識、背景各異的人，因為大海而聚集在一起自發到香港各處海岸淨灘，試圖還海洋一點乾淨。他們在髒亂的廢物中撿拾樂趣，從勞苦的體驗裡反思生活，只願社會正視海洋垃圾問題，冀望大眾在生活中實踐減廢。直到，不用淨灘那天。

展覽將展出團隊過去一年半在香港各處海岸淨灘時所撿到的海廢，期望用故事告訴你垃圾的前世今生和與我們千絲萬縷的關係。

日期：2022年7月15 至 31日
時間：星期一至五（15:00-20:00）
星期六及日（14:00-20:00）設預約導賞
星期日31/7（14:00-18:00）設預約導賞
地點：富利來商場展覽廳
（炮台山京華道9-27號一樓33號-炮台山港鐵站A出口步行約5分鐘）
週末導賞報名：https://calendly.com/craseacleanupper/fuleeloytour2022

淨灘是一小撮人負了眾人的責任；
減廢是一個人終於看到自己的責任。

主辦：淨灘瘋人院
鳴謝：富利來展覽廳提供場地、阿叔商店