28/11/2025
保持熱心，但唔好再「捐贈」衣物去大埔了🙏🏻
⛔️ 唔係 揀過/新嘅/乾淨嘅/啱用嘅/靚嘅先捐
✅ 係 任何衫‼️目前都唔好‼️ 再捐
「衫」係一樣香港人永遠過剩嘅資源。無論網上定現場所見，大埔現場已有大大小小衫山，需要非常非常多嘅人力資源幫手處理（見圖2-4）。
捐贈容易，但衣物配對唔容易，由我18、9歲女開始做衣物回收到而家一直如是。件衫啱性別唔等於啱size，啱size唔等於啱款，啱款亦唔等於想拎，想拎亦都唔等於會拎好多件…… 所以先會有「捐衫人多，拎衫人少」嘅狀況。
今年年頭，美國加州山火過後災民同樣收到大量嘅衣物，結果有超過50,000磅衣物（等同約100,000件T-shirt）無法被消化。（見圖5）
假設今次全香港只有2,000個人捐衫，每人只捐10件衫出去（大家都知好多人係勁大袋咁捐），現場已經有20,000件衫需要處理。更何況近日已經有非常多店舖捐衫幫忙，淨係一間Uniqlo已經捐左100,000件…… 衣物資源只會太多不會太少。實際上，我哋喺星期五已經有聯絡開放庇護同收集物資嘅兩個NGO社區中心，表示可以提供清潔整理好嘅禦寒衣物，一直收到嘅資訊都係唔需要衣物… 甚至到今日，社工同事仲同我講緊唔想再見到衫🥲
衣物太多，冇咁多人需要，只係浪費義工力氣處理，甚至最終啲衫大部份只可以抌去堆填區——捐去大部份街頭回收箱一定唔會去返災民身上的。如果義工嘗試儲存，要keep住乾淨儲存成本亦非常高，過幾日如果潮濕啲、落雨後亦容易出現衛生問題。（利申，試過執回收衣物執到細菌入血入醫院。）
明白大家熱心，亦都好想幫到災民。畢竟每個香港人望住災情同受影響嘅居民，有邊個唔痛心？邊個唔想幫到手？邊個唔嬲？
但係，現階段唔捐衫/物資不等於不關心不作為。我們仍然可以捐款至直接支援災民後續安置嘅基金，可以Keep住重要議題嘅熱度。火災後續處理係長期戰，我哋要持續關注同埋支援受災人士。
請好好照顧自己，照顧身邊的人。保持憤怒，保持冷靜，保持熱心，但不要關心則亂。我哋一齊行落去。🫂
*個post係講衫，但係其他好多物資/人手都係同理。
![[ Re_wearable Art 升級再造系列 ‧ 深耕細作 ]一棵作物一張相片一件衣服一首歌一本書一場講座一次演出一個概念一個空間說不上任何成就的渺小事物，是我們…… 還有更多人以土地、年月和汗水化成的作品。//上架期 | 2026年4...](https://img4.fashionshops10.com/244/159/1397018432441590.jpg)
![[ Re_wearable Art 升級再造系列 ‧ 深耕細作 ]在社區裡，在田野內，在人群中，在書桌上，在每一個被看見的舞台，在每一個看不見的時刻。我們…… 還有更多的人們仍在默默耕作。This is (not) our last dan...](https://img4.fashionshops10.com/258/879/1395546362588797.jpg)
![Re_wearable Art 升級再造系列‧2026我們都在自己的路上踽踽獨行。這個系列，屬於每一個仍在路上的獨行者。[ 寫在前面 ] 系列在Retrovert的寄賣已結束，如對 .or__seeyou 的作品有興趣，歡迎到北角寄賣店試身...](https://img3.fashionshops10.com/949/812/1359786389498128.jpg)
