24/10/2022
長文慎入
首先多謝係FB出post為我抱不平的那位食客，我就係當晚係家上海食飯嗰個女仔，其實嗰晚食食下嘢忽然落雨，我坐嗰張枱無大雨傘，d嘢食同我隻狗狗已經比雨淋，但餐廳居然無人理我哋，我唯有自己走去要求餐廳幫我轉台，全程我都好有禮貌，我亦知室外暫時未有枱，我話可唔可以安排地方比我哋暫時避一避雨，我唔想狗狗淋濕而生病，但嗰個話自己最大嘅林經理態度非常差，話無枱轉，重叫我哋淋住雨食啦，話唔收我哋錢囉，我已經勁嬲，我自己無錢食飯咩，使乜你唔收錢，跟住我同佢講，會唔會睇下有無其他室外嘅客人啱啱到，未上菜，介唔介意轉入室內坐，等我哋可以轉枱，跟住有位坐室外嘅男食客同個婆婆聽到後，就同我講話佢哋差唔多埋單，叫我同狗狗搬過嚟坐住先，因為婆婆話自己都有養狗，知我擔心狗狗淋親會病，點知嗰個林經理係我哋面前大大聲講，話佢哋規舉係唔可以趕客人走(即係話趕婆婆走)，我即刻火都嚟埋，我話我幾時要你趕婆婆走，係婆婆同我話叫我搬過嚟，跟住嗰個林經理就唔理我哋，走咗去招呼其他食客，係另一個待應，好有禮貌走過嚟話會盡快同我轉枱; 我再去揾嗰個林經理，問佢姓乜，佢好串咁話佢姓林，我問佢呢度有無其他經理或店長，我要投訴佢，佢就話依度佢最大，真係未見過d人咁乞人憎，我男友叫我唔好同呢d人嘈，跟住嗰個有禮貌嘅侍應過嚟幫我哋轉枱，重同我哋講好意思，話會上過d餸俾我哋，我條氣已經好唔順，邊有心情食，叫咗埋單，嗰個話自己最大嘅林經理特登攞張單過嚟話唔收我哋錢喎，一句對唔住都無; 我哋唔使你施捨，我哋唔係乞兒呀，我男友話我哋食咗嘢，單會埋，佢收錢後就走咗; 嗰個有禮貌嘅待應見我哋無食d餸，又或者覺得唔好意思，走埋嚟同我哋講，你哋俾咗錢㗎，重乜唔食啫，重好好人話可以幫我哋pack起d餸攞走，我話唔使啦，巳經食到一肚氣。
家上海係香港一個大集團旗下嘅餐廳，唔該注意下員工嘅質素培訓，好似嗰個乞人增，不知所謂嘅林經理，注定幫餐廳倒米，趕客走，早炒早着。
我以後都唔會去呢間家上海，同埋會叫我識嘅人同狗友唔好去，至於大角咀同富榮街坊就自己决定去唔去，如果又遇着呢個林經理，分分鐘會俾人當乞兒。
最後，我一定會去投訴呢個佢話佢最大嘅林經理😡😡😡
