08/12/2022
விவசாய பெருங்குடி மக்களுக்கு ஆதரவாக இன்று அன்னூரில் அலை கடலென திரண்டது பெருங்கூட்டம்.
வளமான விளை நிலங்களை விழுங்கி, விவசாயிகளை வஞ்சிக்கும் இந்த திறனற்ற திமுக அரசுக்கு எதிராக தமிழக பாஜக சார்பாக நடைபெற்றது ஒரு மாபெரும் போராட்டம்.
அத்திக்கடவு அவினாசி திட்டத்திற்காக சாகும் வரை உண்ணாவிரதம் இருந்த 8 விவசாயிகள் இன்றைய போராட்டத்தில் பங்கேற்றத்தில் பெருமகிழ்ச்சி அடைகிறோம்.
அன்னூர் தொழிற்பேட்டைக்கான அரசாணையை திரும்பப் பெற வேண்டும் என்பதே தமிழக பாஜகவின் கோரிக்கையாகும்.
விளைநிலங்களில் தொழிற்பேட்டை அமைக்கும் திட்டத்தை திறனற்ற திமுக அரசு கைவிடவில்லை என்றால் விவசாய பெருங்குடி மக்களுக்காக நானும் தமிழக பாஜகவின் தொண்டர்களும் சாகும் வரை உண்ணாவிரதம் இருக்க கூட தயங்க மாட்டோம் என்பதையும் ஆளும் திமுக அரசுக்கு தெரிவித்துக் கொள்கிறோம்.
கோவை வடக்கு மாவட்ட தலைவர் திருமதி சங்கீதா அவர்களின் தலைமையில், மாநிலத் துணைத் தலைவர் திரு கனகசபாபதி, மாநில பொதுச் செயலாளர் திரு AP முருகானந்தம், மாநில விவசாய அணி தலைவர் திரு GK நாகராஜ் ஆகியோரின் முன்னிலையில் நடைபெற்ற இந்த மாபெரும் போராட்டத்தில் பங்கேற்ற விவசாய சங்கத்தினருக்கும் தமிழக பாஜக தொண்டர்களுக்கும் நன்றி!
