Divine Mirror

13/01/2022

ഇന്ന് സഭ ബഹുശതം വിഭാഗങ്ങളായി വിവിധ പേരുകളിൽ ചേർന്നുവരുന്നുണ്ടെങ്കിലും, യഥാർത്ഥത്തിൽ ഒരു സഭയെ ഉള്ളുവെന്നും, യേശു തന്നെയാണ് അതിന്റെ നിർമ്മാതാവെന്നും സഭാനേതാക്കൾ മനസ്സിലാക്കി.... സഭാനേതൃത്വം എല്ലാ വിഭാഗീയതയും തടസ്സങ്ങളും മറികടന്നു -കത്തോലിക്കാ, യാക്കോബായ, ഓർത്തഡോക്സ്, മാർത്തോമാ, സി എസ് ഐ, സി എം എസ്, ബാപ്റ്റിസ്റ്റ്, പെന്തകോസ്ത് ഇവയൊക്കെ ഒരുമിച്ചു മറ്റൊരുത്തരെയും അവഹേളിക്കാതെ ക്രിസ്തുവിന്റെ മൂല്യങ്ങൾ ഉയർത്തി, ക്രിസ്തുവിനെ ഉയർത്താം ആത്മീകരായ നമ്മിൽ നിന്നും ലോകം പലതും പ്രതീക്ഷിക്കുന്നു..
പെന്തകോസ്ത് നാളിൽ മുഴക്കം എന്തെന്നറിയുവാൻ ജനങ്ങൾ ഓടി വന്നു -അതു ജനത്തെ ആകർഷിക്കത്തക്കതായിരുന്നു
ക്രിസ്തുവിൽ സഹോദരൻ,
സുനിൽ കാവുംതറയിൽ

01/10/2021

നമ്മിൽ പലരുടെയും ധാരണ ഒരു ഹാളും അതിൽ കുറേയാളുകളും ഒരു ലീഡറും ഒരു സെല്ലും ഇപ്പോഴത്തെ നിയമം അനുസരിച്ചു ഒരു ട്രസ്റ്റും ഉണ്ടെങ്കിൽ അത് സഭയായി എന്നാണ്. സഭ കേവലം മനുഷ്യൻ തുടങ്ങിവച്ചതല്ല പിന്നയോ ദൈവീക പദ്ധതിയാണ്. യേശു അതിനു വിലകൊടുത്തു. പരിശുദ്ധാത്മാവ് അതിനു സംരക്ഷണം നൽകുകയും സഭയിൽ ശുശ്രൂഷകരെയും ശുശ്രൂഷകളും ക്രമീകരിക്കുകയും ചെയ്തു .
അവൻ ചിലരെ അപ്പൊസ്തലന്മാരായും ചിലരെ പ്രവാചകന്മാരായും ചിലരെ സുവിശേഷകന്മാരായും ചിലരെ ഇടയന്മാരായും ഉപദേഷ്ടാക്കന്മാരായും നിയമിച്ചിരിക്കുന്നു;
( എഫെസ്യർ 4 : 11 )
ദൈവം സഭയിൽ ഒന്നാമതു അപ്പൊസ്തലന്മാർ, രണ്ടാമതു പ്രവാചകന്മാർ മൂന്നാമതു ഉപദേഷ്ടാക്കന്മാർ ഇങ്ങനെ ഓരോരുത്തരെ നിയമിക്കയും പിന്നെ വീര്യപ്രവൃത്തികൾ, രോഗശാന്തികളുടെ വരം, സഹായം ചെയ്‍വാനുള്ള വരം, പരിപാലനവരം, വിവിധഭാഷാവരം എന്നിവ നല്കുകയും ചെയ്തു..
( 1 കൊരിന്ത്യർ 12 : 28 )
ആകയാൽ എന്തു? സഹോദരന്മാരേ, നിങ്ങൾ കൂടിവരുമ്പോൾ ഓരോരുത്തന്നു സങ്കീർത്തനം ഉണ്ടു, ഉപദേശം ഉണ്ടു, വെളിപ്പാടു ഉണ്ടു, അന്യഭാഷ ഉണ്ടു, വ്യഖ്യാനം ഉണ്ടു, സകലവും ആത്മികവർദ്ധനെക്കായി ഉതകട്ടെ.
( 1 കൊരിന്ത്യർ 14 : 26 )
ശുശ്രൂഷകരും മൂപ്പന്മാരും വിവാഹം കഴിഞ്ഞവർ ആയിരിക്കണം.
എന്നാൽ അദ്ധ്യക്ഷൻ നിരപവാദ്യനായി ഏകഭാര്യയുടെ ഭർത്താവും നിർമ്മദനും ജിതേന്ദ്രിയനും സുശീലനും അതിഥിപ്രിയനും ഉപദേശിപ്പാൻ സമർത്ഥനും ആയിരിക്കേണം.
( 1 തിമോ 3:2)
ശുശ്രൂഷകന്മാർ ഏകഭാര്യയുള്ള ഭർത്താക്കന്മാരും മക്കളെയും സ്വന്തകുടുംബങ്ങളെയും നന്നായി ഭരിക്കുന്നവരും ആയിരിക്കേണം.

അദ്ധ്യക്ഷൻ ദൈവത്തിന്റെ ഗൃഹവിചാരകനാകയാൽ അനിന്ദ്യനായിരിക്കേണം; തന്നിഷ്ടക്കാരനും കോപിയും മദ്യപ്രിയനും തല്ലുകാരനും ദുർല്ലാഭമോഹിയും അരുതു.
( തീത്തൊസ് 1 : 7 )

23/09/2021

ദൈവം വചനത്തിലൂടെ തെറ്റ് എന്നും, അശുദ്ധി എന്നും പറഞ്ഞവ ചെയ്യാതെയും, ചെയ്യണമെന്ന് പറഞ്ഞവ ചെയ്യുന്നതുമാണ് "വിശുദ്ധജീവിതം "

19/07/2021