02/10/2023
ਬਰਾੜ ਸਾਹਬ ਸੱਚ ਕਿਹਾ ਤੁਸੀ 🙏🙏🙏🙏🙏
ਢਾਹ ਦਿੱਤੀ ਗਈ ਗੁਮਟਾਲਾ ਜੇਲ ਦੇ ਅੱਠ ਨੰਬਰ ਅਹਾਤੇ ਸਾਮਣੇ ਇੱਕ ਬੋਹੜ ਅਤੇ ਪਿੱਪਲ ਦੇ ਰੁੱਖ ਹੋਇਆ ਕਰਦੇ ਸਨ । ਤਣੇ ਵਲੇਵੇ ਖਾ ਕੇ ਇੱਕ ਦੂਜੇ ਨਾਲ ਇੰਝ ਜੁੜੇ ਕੇ ਜੇ ਕੋਈ ਕੱਲਾ ਬੋਹੜ ਵੱਢਣਾ ਚਾਹੇ ਤਾਂ ਨਾਲ ਪਿੱਪਲ ਵੀ ਵੱਢਿਆ ਜਾਊ ।
ਕਿਸੇ ਮੁਲਾਜਿਮ ਨੇ ਦੱਸਿਆ ਕੇ ਸੰਘਰਸ਼ ਵੇਲੇ ਇਸ ਅਹਾਤੇ ਦੋ ਸਿੰਘ ਕੈਦ ਸਨ । ਇੱਕ ਬੋਹੜ ਸਿੰਘ ਤੇ ਦੂਜੇ ਦਾ ਨਾਂਅ ਪਿੱਪਲ ਸਿੰਘ,ਪੱਕੀ ਯਾਰੀ, ਦੋਹਾਂ ਨੇ ਆਪਣੇ ਹੱਥੀਂ ਲਾਏ ਸਨ । ਕੋਲ ਕੋਲ , ਫੇਰ ਜਮਾਨਤ ਹੋ ਗਈ ਤੇ ਮਗਰੋਂ ਅੱਗੜ ਪਿੱਛੜ ਦੋਵੇਂ ਸ਼ਹੀਦ ਹੋ ਗਏ ।
ਹੁਣ ਇਸ ਨੂੰ ਸਬੱਬ ਆਖਿਆ ਜਾਵੇ ਚੜ੍ਹਦੀ ਕਲਾ ਕੇ ਕਰਾਮਾਤ ।
ਇੱਕ ਚੜ੍ਹਦੀ ਕਲਾ ਇਹ ਜਿਉਣ ਜੋਗਾ ਵੀ ਵਰਤਾ ਗਿਆ । ਸਦੀਵੀਂ ਨੀਂਦਰ ਸੌਣ ਤੋਂ ਪਹਿਲਾਂ । ਸੁਲ੍ਹਾ ਮਾਰੀ ਆਉ ਰੁੱਖ ਲਾਈਏ ਪਰ ਸਾਰੇ ਸਿਰ ਫੇਰ ਗਏ । ਤੂੰ ਤਾਂ ਸਰਕਾਰੀ ਏਂ ,ਗੱਦਾਰ ਏਂ ਤੂੰ ਕਦੋਂ ਦਾ ਵਿਕ ਗਿਆਂ ਏਂ ।
ਕੱਲੇ ਰਹਿ ਗਏ ਦਾ ਕੌਂਮ ਮੁੱਲ ਨਾ ਪਾ ਸਕੀ ਪਰ ਦੁਸ਼ਮਣ ਪਛਾਣ ਗਿਆ । ਖਾਧੇ ਆਂਵਲੇ ਦਾ ਅਸਰ ਹੁਣ ਵਿਖ ਰਿਹਾ । ਆਖੀਆਂ ਇੰਨ ਬਿੰਨ ਸੱਚ ਹੋ ਰਹੀਆਂ । ਠੀਕ ਇੱਕ ਤਰਤੀਬ ਵਿੱਚ..ਕੱਲਾ ਬੈਠਾ ਕਦੇ ਕਦੇ ਝੂਰਦਾ ਜਰੂਰ ਹੋਣਾ ਕੇ ਕਿਥੇ ਜਨਮ ਹੋ ਗਿਆ ਜਿਥੇ ਯਕੀਨ ਦਵਾਉਣ ਲਈ ਖੁਦ ਮਰਨਾ ਪੈਂਦਾ । ਤਾਂ ਵੀ ਪੂਰੀ ਤਰਾਂ ਗੱਲ ਨਹੀਂ ਬਣਦੀ..ਲੋਥ ਦਾ ਵੀ ਚੀਰ ਹਰਨ ਕਰ ਦਿੰਦੇ । ਖੈਰ ਮੁੱਕਦੀ ਗੱਲ, ਬੜਾ ਚੇਤੇ ਆਉਨਾ ਚੋਬਰਾ , ਦਿਨੇ ਰਾਤ, ਜਿਥੇ ਵੀ ਹੋਵੇਂ ਚੜ੍ਹਦੀ ਕਲਾ ਵਿੱਚ ਹੋਵੇਂ । ਬਹੁਤੇ ਰੋਣਗੇ ਦਿਲਾਂ ਦੇ ਜਾਨੀ, ਮਾਪੇ ਤੈਨੂੰ ਘੱਟ ਰੋਣਗੇ ।
#ਹਰਪ੍ਰੀਤ ਸਿੰਘ #ਜਵੰਦਾ
