19/02/2026
لە ساڵی دووەمی کۆچی، لە ناوەڕاستی نوێژی نیوەڕۆ یان عەسر بوو، هەموو نوێژخوێنان بە پێشەوایەتی پێغەمبەر بە گۆشەی ١٦٠ پلە ڕوویان لە مزگەوتی ئەقسا لە قودسەوە وەرگێڕا بەرەو کەعبەی پیرۆز لە مەککە. چونکە ئایەتی ١٤٤ی سوڕەتی بەقەڕە لەو کاتەدا دابەزی
زۆری پێ نەچوو ئایەتەکانی 183 تا 185 ی سوڕەتی بەقەڕە لە مانگی شەعباندا واتا مانگێک پێش ڕەمەزان دابەزین، کە ڕۆژووی مانگی ڕەمەزان لەسەر موسوڵمانان فەرز کرا
دوای ئەوە لە ١٧ی ڕەمەزاندا
جەنگی بەدر لە نێوان ٣١٣ موسوڵمان
بەرامبەر ٩٥٠ تا ١٠٠٠ پیاو
لە پیاوانی قوڕەیش ڕوویدا و
موسوڵمانان سەرکەوتن بەسەریاندا،
خوای گەورەش ئەم سەرکەوتنەی بە (یەوم الفورقان - واتا ڕۆژی جیاکەرەوە) لە قورئاندا باس کردووە.
جەنگی بەدر نزیکەی 129km لە مەدینەوە دوور بوو بۆیە لە ڕووی تەکنیکیەوە پێغەمبەر و یاوەرانی گەشتیار بوون هەر بۆیە پێشینەیەکی دروست کرد تا گەشتیاران لە ڕۆژوو ببەخشرێن و ببێتە سونەت کە بتوانن لە ڕۆژانی دواتردا ڕۆژوەکان بگرنەوە.
هەموو قورئانی پیرۆز لە شەوی قەدردا و لە مانگی ڕەمەزاندا لە لەوح المحفوزەوە بۆ بیت العزە دابەزی بۆ نزیکترین ئاسمان لە زەوی، کە هەر لەو شەوەشدا پێغەمبەر لە ئەشکەوتی حیراء دەمایەوە جبرئیلی بینی و پێنج ئایەتی سورەتی العلقی بۆ دابەزاند کە پێ وت بخوێنە پێغەمبەریش سەلامی خوای لەسەر تا ٣ جار فەرمووی خوێندەوار نیم.
هەر لەو ساڵەدا زەکات فەرز کرا تاوەکوو هەژارەکانیش بتوانن لە خۆشیەکانی جەژندا بەشداربن و هاوەڵانیش بە گشتی دوو ڕۆژ پیش جەژن زەکاتیان دەدا.
ڕەمەزانتان پڕ خێر و بەرەکەت بێت
