19/06/2015
ﺍﻟﺴﻼﻡ ﻋﻠﻴﻜﻢ ... ﺭﻣﻀﺎﻧﻜﻢ ﻣﺒﺎﺭﻙ ...
ﻋﺎﻳﺰ ﺍﻧﻖ ﺷﻮﻳﺔ ﻭﺍﺳﺘﺤﻤﻠﻮ ﻧﻘﺘﻲ ﺩﻱ ﻭﺗﺴﻠﻤﻮﺍ ﻉ ﺍﻻﺳﺘﺤﻤﺎﻝ ﻭﻓﻲ ﻣﻴﺰﺍﻥ ﺣﺴﻨﺎﺗﻜﻢ ...
ﺩﺍﻳﺮ ﺍﺗﻜﻠﻢ ﻋﻦ ﺛﻘﺎﻓﺔ ﺍﻟﻤﺸﺎﺭﻛﺔ ( ﺍﻟﺸﻴﺮ ) ﺑﻨﻨﻈﺮ ﻟﻴﻬﺎ ﻓﻘﻂ ﻭﻗﺖ ﺍﻻﻛﻞ ﻓﻘﻂ ﺍﻣﺎ ﻏﻴﺮ ﻛﺪﺍ ﻣﺎ ﻋﻨﺪﻧﺎ ﺍﻗﺮﺏ ﻣﺜﺎﻝ ﻟﻤﻦ ﺯﻭﻝ ﻳﻨﺸﺮ ﺷﻲ ﻓﻲ ﺍﻟﻔﻴﺲ ﺑﻮﻙ ﻣﺎ ﺑﻠﻘﺎ ﻟﻲ ﻧﺎﺱ ﺑﺘﻌﻤﻞ ﻣﺸﺎﺭﻛﺔ ﻟﻠﻤﻨﺸﻮﺭ ( ﺷﻴﺮ ) ﺍﻻ ﻣﻦ ﺭﺣﻢ ؟
ﻫﻞ ﻣﻦ ﺍﻻﺳﺒﺎﺏ ﺍﻻﺗﻴﺔ ﻳﺎﺭﺑﻲ ؟
-1 ﻣﺘﻌﺒﺔ ! ﻳﻌﻨﻲ ﺍﻟﻮﺍﺣﺪ ﻣﺎ ﺑﻘﺪﺭ ﻳﻀﻐﻂ ﻉ ﺯﺭ ﺍﻟﻤﺸﺎﺭﻛﺔ ( ﺍﻟﺸﻴﺮ ) ؟
-2 ﻟﻮ ﺿﻐﻄﺘﺎ ﻻﻳﻚ ﺑﻜﻔﻲ ؟
-3 ﺍﻟﺸﻴﺮ ﺑﺲ ﻟﻠﻤﺴﺎﺑﻘﺎﺕ ﻻﻧﻮ ﻣﻦ ﺷﺮﻭﻁ ﺍﻟﻤﺴﺎﺑﻘﺔ ؟
-4 ﺑﻨﺤﺐ ﻧﻔﻴﺪ ﺍﻟﻐﻴﺮ ﻟﻜﻦ ﺑﺮﺿﻮ ﻣﺎ ﺑﺸﻴﺮ ؟
-5 ﻛﻔﺎﻳﺔ ﺍﺳﺘﻔﻴﺪ ﺍﻧﺎ ﺍﺷﻴﺮ ﻟﻲ ؟
-6 ﻣﺎ ﻋﺎﺭﻑ ﺫﺍﺗﻮ ﺷﻨﻮ ﺍﻟﻤﺸﺎﺭﻛﺔ ﺩﻱ ﻭﻻ ﻋﺎﺭﻑ ﺑﻀﻐﻄﻮﻫﺎ ﻛﻴﻒ ؟
*** ﻃﻴﺐ ﺷﺒﺎﺏ ﺍﻟﻌﺎﻟﻢ ﻛﻠﻮ ﻣﺎﺷﻲ ﺑﻲ ﻓﻬﻢ ﺍﻟﻤﺸﺎﺭﻛﺔ ( ﺍﻟﺸﻴﺮ ) ﻋﺸﺎﻥ ﺑﺘﻮﺻﻞ ﻻﺑﻌﺪ ﻣﺪﻯ ﻭﺍﻟﻔﻴﺲ ﺑﻮﻙ ﻗﺎﻡ ﻉ ﻓﻬﻢ ﺍﻟﻤﺸﺎﺭﻛﺔ ( ﺍﻟﺸﻴﺮ ) ﻟﻲ ﺷﻌﺒﻨﺎ ﺍﻟﺴﻮﺩﺍﻧﻲ ﺛﻘﺎﻓﺘﻮ ﺿﻴﻘﺔ ﻑ ﺍﻟﺤﺘﺔ ﺩﻱ ؟ ﻭﺑﺲ ﻣﺎ ﺑﻌﺮﻓﺎ ﺍﻻ ﻟﻮ ﻓﻲ ﺍﻛﻞ !!
ﻋﻠﻤﺎ ﺍﻧﻮ ﻧﺤﻨﺎ ﺍﻫﻞ ﺍﻟﺠﻮﺩ ﻭﺍﻟﻜﺮﻡ ﻭﺍﻟﻤﺸﺎﺭﻛﺔ ﺻﺤﻴﺢ ؟
ﻳﺎﺭﻳﺖ ﺍﻟﺜﻘﺎﻓﺔ ﺩﻱ ﺗﺘﻐﻴﺮ ﻭﺍﻥ ﺷﺎﺀ ﺍﻟﻠﻪ ﺍﺷﻮﻑ ﺍﻟﻨﺎﺱ ﺑﺘﺸﻴﺮ ﺍﻟﺤﺎﺟﺎﺕ ﺍﻟﻤﻔﻴﺪﺓ ﻟﻜﻞ ﺍﻟﻨﺎﺱ ﻳﺎﺭﻳﺖ ﺗﻔﻬﻢ ﺍﻧﻮ ﺍﻧﺖ ﻟﻤﻦ ﻳﻘﺎﺑﻠﻚ ﻣﻮﺿﻮﻉ ﻣﻔﻴﺪ ﻭﻗﺮﻳﺘﻮ ﻭﺍﺳﺘﻔﺪﺗﺎ ﻟﻤﻦ ﺗﻌﻤﻞ ﻟﻲ ﻣﺸﺎﺭﻛﺔ ﻳﺒﻘﻰ ﺍﺻﺤﺎﺑﻚ ﺡ ﻳﺸﻮﻓﻮﺍ ﻭﻳﺸﺎﺭﻛﻮﺍ ﻭﻫﻜﺬﺍ ﻭﺷﻮﻑ ﺍﻧﺖ ﺳﻮﻳﺖ ﺷﻨﻮ ؟
ﺗﺎﻧﻲ ﺑﻘﻮﻝ ﻳﺎ ﺷﺒﺎﺏ ﺷﺎﺭﻛﻮﺍ ( ﺷﻴﺮﻭ ) ﺍﻟﺤﺎﺟﺎﺕ ﺍﻟﻤﻔﻴﺪﺓ ﺍﻻﻧﺖ ﺑﻲ ﻋﻘﻠﻚ ﺑﺘﻤﻴﺰ ﺍﻧﻬﺎ ﺡ ﺗﺰﻳﺪ ﺣﺴﻨﺎﺗﻚ ﻭﺗﻔﻴﺪ ﻏﻴﺮﻙ ... ﺧﻠﻴﻚ ﺯﻭﻝ ﻣﺸﻴﺮﺍﺗﻲ ﻭﺯﻭﻝ ﻣﺸﺎﺭﻙ ﺑﻲ ﻛﻞ ﺷﻲ ﻣﻔﻴﺪ ﻓﻲ ﺻﻔﺤﺘﻚ ﻋﺴﻰ ﺗﺼﻞ ﻟﻲ ﺷﺨﺺ ﻣﺤﺘﺎﺝ ﻓﻌﻼ ﻳﺴﺘﻔﻴﺪ ﻣﻦ ﺍﻟﻤﻮﺿﻮﻉ ﺍﻟﺸﺎﺭﻛﺘﻮ ﺩﺍ
ﺍﺧﻴﺮﺍ ﺷﺎﺭﻛﻮﻧﻲ ﻓﻲ ﺍﻟﻤﻮﺿﻮﻉ ﻋﺴﻰ ﺗﻜﻮﻥ ﻓﻲ ﺍﺳﺒﺎﺏ ﺗﺎﻧﻴﺔ ﻟﻌﺪﻡ ﺍﻟﺸﻴﺮ ؟
ﻭﻟﻮ ﻋﺠﺒﻚ ﻭﺷﺎﻳﻔﻮﺍ ﺑﻔﻴﺪ ﺷﺎﺭﻙ ﺑﻴﻮ ﻛﺎﻭﻝ ﻣﺸﺎﺭﻛﺔ ﻟﻴﻚ ؟
ﻣﺎ ﺻﻌﺒﺔ ﺍﺫﺍ ﺩﺍﺧﻞ ﺍﻟﻔﻴﺲ ﺑﺎﻟﻠﻐﺔ ﺍﻟﻌﺮﺑﻴﺔ ﺗﺤﺖ ﺍﻟﻤﻨﺸﻮﺭ ﺩﺍ ﺑﺘﻠﻘﺎ ﻛﻠﻤﺔ ( ﻣﺸﺎﺭﻛﺔ )
ﺍﺫﺍ ﺩﺍﺧﻞ ﺍﻟﻔﻴﺲ ﺑﻮﻙ ﺑﺎﻻﻧﺠﻠﻴﺰﻱ ﺑﺘﻠﻘﺎ ﻛﻠﻤﺔ ( Share ) ﻑ ﺍﻟﻨﻬﺎﻳﺔ ﺍﺳﻒ ﻉ ﺍﻟﻨﻘﺔ ...
ﻳﻼ ﻣﻨﺘﻈﺮ ﻣﺸﺎﺭﻛﺎﺗﻜﻢ ﻣﻌﺎﻱ ﻑ ﺍﻟﻤﻮﺿﻮﻉ ﺩﺍ ...
ﻛﻞ ﺍﻟﻮﺩ ﻭﺍﻻﺣﺘﺮﺍﻡ
