12/02/2018
本身既工作已經唔係好空閒，有時候係到諗，其實再搞呢個手作品牌，真係有點辛苦，過去一年都處於半放棄狀態（因為我知道始終本身既工作所帶黎滿足感，又唔係其他事情可輕易取代到，所以由第一日開始，手作既定位已經係副），所以近乎絕跡於各大市集。
最近想試整埋保鮮花，以為好簡單，但做落去，又係再次感受，每樣工藝都講求好多心思技巧，尋晚想設計一盤保鮮花，以為可以兩個鐘搞掂，點知整到凌晨點半都未整好，今朝再整過⋯⋯花既心思時間有時真係唔係金錢可以反映得到。
又，最近係到諗，其實做呢個手作生意，係咪好賺到錢，如果你只計買材料的成本，係賺到，扣左租金，賺到好少好少（租金真係好重皮），但如果你用時間去計，唔計心機、整錯、研發，我發現可能最低工資都無。
然後，我問自己點解要繼續做落去。我既牧者之前同我講，我係一個好鐘意由零整一樣野出黎，個種運用創造力、想像力、解難既過程，我真係好享受，特別係最後可以整到自己都覺得靚同滿足既作品，真係好開心！
而其實，我份正職都係咁，做到一個好既故仔，係好令人滿足，太耐無update 個page ，好好打一段野分享最近所思所想，仲有分享我最新既作品
特別鳴謝：LokingArt，陪我一齊發揮小宇宙，係因為佢願意提手靚字， 我先有動力整保鮮花，又發掘自己一項技能，哈哈。大家可以follow 佢ig:https://www.instagram.com/lokingart
