12/06/2025
បុរសម្នាក់ ឃើញសត្វពស់មួយក្បាល កំពុងឆេះក្នុងភ្លើង ក៏សម្រេចចិត្តទៅជួយសង្គ្រោះវាចេញពីភ្លើង។ ពេលនោះ ពស់បានចឹកគាត់ភ្លាមៗ ក្រោយពេលដែលគាត់ចាប់វា ហើយវាក៏បានធ្វើឲ្យបុរសនោះឈឺចាប់យ៉ាងខ្លាំង។ បន្ទាប់មក បុរសនោះ ប្រឹងរើពីការឈឺចាប់ ក្រលាស់ដៃធ្លាក់ពស់នោះ ខ្ទាតធ្លាក់ទៅក្នុងអណ្តាតភ្លើង ដែលកំពុងឆាបឆេះ។
ខណៈនោះ បុរសរូបនោះ ក្រឡេកឃើញដំបងមួយក្បែរនោះ ហើយលោកក៏រត់ទៅយក និង ប្រើវាដើម្បីឆ្កឹះទាញជួយពស់នោះ ចេញពីភ្លើងវិញ។
ចំណែកឯ មនុស្សម្នាដែលនៅក្បែរៗនោះ ដែលបានឃើញហេតុការណ៍ ក៏បានចូលទៅជិតបុរសដែលជួយសង្គ្រោះពស់នោះ ហើយសួរគាត់ថា៖
"ពស់នេះខាំឯង! ហេតុអ្វីបានជាឯងខំសង្គ្រោះជីវិតវា?"
បុរសនោះបានឆ្លើយថា៖ ធម្មជាតិ នៃសត្វពស់ គឺដើម្បី «ខាំ» ប៉ុន្តែវានឹងមិនផ្លាស់ប្តូរធម្មជាតិរបស់ខ្ញុំទេ ហើយធម្មជាតិរបស់ខ្ញុំគឺ «ជួយ» ។
#តម្លៃអប់រំ
កុំកែប្រែអត្តចរិតរបស់អ្នក ដោយសារតែចរិតអាក្រក់របស់អ្នកណាម្នាក់ដែលធ្វើមកលើអ្នក ឬ កុំប្រែចរិតរបស់អ្នក ដោយសារតែអ្នកធ្លាប់រងការឈឺចាប់ពីអ្នកដទៃ។ ចូរកុំបាត់បង់ភាពបរិសុទ្ធនៃចិត្តរបស់អ្នក ប៉ុន្ដែគួរតែរៀនធ្វើកិច្ចការអ្វីមួយដោយប្រុងប្រយ័ត្ន! ❤
អត្ថបទ៖ បរទេស
