21/06/2026
រីករាយទិវាគុណឪពុក!
ថ្ងៃនេះ គឺជាថ្ងៃពិសេសមួយសម្រាប់រំលឹក និងថ្លែងអំណរគុណដល់លោកឪពុកគ្រប់រូប ដែលបានខិតខំប្រឹងប្រែងធ្វើការទាំងថ្ងៃទាំងយប់ ដើម្បីផ្គត់ផ្គង់ និងថែរក្សាកូនៗឱ្យមានអនាគតល្អ។
ឪពុក មិនសូវនិយាយពាក្យផ្អែមល្ហែមច្រើនដូចម្ដាយទេ ប៉ុន្តែទង្វើ និងការលះបង់របស់គាត់ គឺជាសេចក្តីស្រឡាញ់ដ៏ធំធេងបំផុត។ ពេលខ្លះ យើងឃើញតែស្នាមញញឹមរបស់ឪពុក ប៉ុន្តែមិនបានឃើញទឹកញើស ការនឿយហត់ និងបន្ទុកជាច្រើនដែលគាត់បានទ្រាំទ្រ ដើម្បីឱ្យគ្រួសាររស់នៅបានសុខសាន្ត។
ក្នុងឱកាសទិវាគុណឪពុកនេះ សូមកូនៗគ្រប់រូប កុំភ្លេចនិយាយពាក្យថា "អរគុណ" ទៅកាន់លោកឪពុករបស់ខ្លួន។ ពាក្យមួយម៉ាត់នេះ អាចធ្វើឱ្យគាត់មានកម្លាំងចិត្ត និងសប្បាយរីករាយយ៉ាងខ្លាំង។
សូមជូនពរឱ្យលោកឪពុកគ្រប់រូប មានសុខភាពល្អ អាយុយឺនយូរ កម្លាំងមាំមួន និងជួបតែសេចក្តីសុខ សេចក្តីចម្រើនក្នុងជីវិត។ សូមអរគុណចំពោះការលះបង់ និងក្តីស្រឡាញ់គ្មានដែនកំណត់ ដែលឪពុកបានផ្តល់ឱ្យកូនៗជានិច្ច។
អរគុណលលោកឪពុក ដែលជាវីរបុរសពិតប្រាកដក្នុងជីវិតរបស់ខ្ញុំ។
