13/06/2025
រឿងដ៏សោកសៅបំផុតមួយ ដែលខ្ញុំបានអានថ្ងៃនេះ 😭💔💔💔💔
អស់រយៈពេល ៦ ឆ្នាំមកហើយ Pratik Joshi រស់នៅតែម្នាក់ឯងក្នុងទីក្រុងឡុងដ៍ ដោយប្រឹងប្រែងធ្វើការជាអ្នកជំនាញបច្ចេកទេសម្នាក់ ដូចក្ដីប្រាថ្នា។ គ្រាមួយ Pratik Joshi បានសម្រេចចិត្តកសាងអនាគតដ៏រីករាយសម្រាប់គ្រួសាររបស់គាត់នៅបរទេស ពោលគឺគាត់មានបំណងយកភរិយា និង កូនតូចទាំងបីរបស់ពួកគាត់ មករស់នៅបរទេសជាមួយ ដែលកន្លងមកភរិយា និង កូនតូចទាំងបី បានរង់ចាំឱកាសនេះយូរមកហើយ និង រង់ចាំដោយអត់ធ្មត់បំផុតនៅប្រទេសឥណ្ឌា។
ទីបំផុត ថ្ងៃនោះបានមកដល់ហើយ។ ❤
បន្ទាប់ពីរនាំងនៃការនិយាយទូរស័ព្ទពេលយប់អស់ជាច្រើនឆ្នាំ ឧបសគ្គទិដ្ឋាការ និង ការរាប់ថយក្រោយ ដែលបានសម្គាល់នៅលើប្រតិទិនលែងមានហើយនោះ ទីបំផុតក្រុមគ្រួសារបានជួបជុំគ្នាឡើងវិញ។ ទើបតែ ២ ថ្ងៃមុននេះ ភរិយារបស់គាត់ គឺលោកស្រីវេជ្ជបណ្ឌិត Komi Vyas ដែលជាអ្នកជំនាញផ្នែកវេជ្ជសាស្រ្ត បានលាឈប់ពីការងារនៅក្នុងប្រទេសឥណ្ឌា។ ផ្ទះរបស់ពួកគេបានរៀបចំពិធីជប់លៀង និង ការលាគ្នាដោយទឹកភ្នែក ហើយចិត្តពោរពេញដោយក្តីសង្ឃឹម សម្រាប់ការកសាងជីវិតថ្មីដែលកំពុងរង់ចាំពួកគេ។
ម្សិលមិញ ពួកគេបានឡើងយន្តហោះ Air India ជើងហោះហើរលេខ 171 ទៅកាន់ទីក្រុងឡុងដ៍ជាមួយគ្នា — ជាលក្ខណៈក្រុមគ្រួសារ។ ពួកគេញញឹម ត្រេកអរណាស់។ Pratik Joshi បានញញឹមពព្រាយ ចុចថតរូប Selfie ជុំគ្នា លក្ខណៈគ្រួសារទាំង ៥ នាក់ នៅលើយន្ដហោះ ហើយផ្ញើទៅសាច់ញាតិរបស់ពួកគេ ដោយសរសេរថា៖
"ទីបំផុតយើងកំពុងហោះហើរទៅហើយ"
ប៉ុន្តែពួកគេមិនបានសម្រេចបំណងឡើយ។
យន្តហោះបានធ្លាក់។
ជីវិតទាំង ៥ បានរលាយបាត់ពីផែនដីនេះ ក្នុងមួយពព្រិចភ្នែក។
គ្មានការផ្ដល់ព័ត៌មានមុន។ គ្មានការលា។ គ្រាន់តែស្ងាត់។
អ្វីដែលមានន័យថាជាការចាប់ផ្ដើម បានក្លាយជាទីបញ្ចប់។ អ្វីដែលមានន័យថាជាទំព័រដំបូងនៃជំពូកថ្មី បានក្លាយជាកថាខណ្ឌចុងក្រោយនៃរឿង ដែលមិនទាន់ចប់សព្វគ្រប់។
ការខិតខំប្រឹងប្រែងឥតឈប់ឈររបស់ឪពុកត្រូវរលាយគ្មានសល់។
ការលះបង់របស់ម្តាយ ត្រូវអសារបង់។
កុមារស្លូតត្រង់ទាំង ៣ នាក់ បានរសាត់បាត់ពីភពផែនដី នៅក្នុងគ្រានៃសោកនាដកម្មដែលមិនអាចនឹកស្មានដល់។
#សារដាស់តឿន៖
យើងច្រើនតែគិតថា យើងមានពេល៖
#ដើម្បីដេញតាមសុបិន។
#ដើម្បីនិយាយថា "ខ្ញុំស្រឡាញ់អ្នក" ។
#ដើម្បីបង្កើតអនុស្សាវរីយ៍។
#ដើម្បីគម្រោងចាប់ផ្តើមរស់នៅដ៏ប្រសើរ។
ប៉ុន្តែតាមរយៈខ្សែជីវិតរបស់គ្រួសារដ៏កម្សត់ខាងលើបានបង្រៀនយើងបានថា៖
គ្មានអ្វីអាចឋិតឋេរឡើយ។ ដូច្នេះខណៈពេលដែលអ្នកនៅមានពេល ខណៈពេលដែលអ្នកអាចធ្វើបាន សូមកាន់មនុស្សជាទីស្រឡាញ់របស់អ្នកឱ្យជាប់។ និយាយអ្វីដែលល្អៗ លើកទឹកចិត្ត អត់ឱន ស្រឡាញ់គ្នាឱ្យច្រើន។ កុំពន្យាពេលរីករាយ។ កុំរង់ចាំ ដើម្បីចាប់ផ្តើមជីវិតនៅថ្ងៃណាមួយឡើយ ព្រោះថ្ងៃស្អែកគឺជាការសន្យា គ្មាននរណាម្នាក់ក្នុងចំណោមពួកយើង អាចធានា និង ដឹងពីអ្វីដែលកើតឡើងនៅថ្ងៃស្អែកឡើយ។ 🙏❤️
បកប្រែដោយ៖ Nou ប្រភពអត្ថបទ៖ Trending American
