04/06/2026
បាត់ដំបង ៖ គណៈបញ្ជាការឯកភាពខេត្តបាត់ដំបង ដឹកនាំដោយលោក ធូ ភា អភិបាលរងខេត្ត នៅព្រឹកថ្ងៃទី ១ ខែ មិថុនា ឆ្នាំ ២០២៦ បានដឹកនាំកម្លាំងចុះបង្រ្កាបទីតាំង Scams Online មួយកន្លែង នៅសង្កាត់រតនៈ ក្រុងបាត់ដំបង ខេត្តបាត់ដំបង ដោយឃា.ត់ខ្លួនជនបរទេស ចំនួន ២៧នាក់ និងសន្តិសុខខ្មែរចំនួន ៧នាក់រួមទាំងវត្ថុតាងបំរើអោយបទល្មើសឆបោកតាមប្រព័ន្ធបច្ចេកវិទ្យាមួយចំនួន ។ ម្ចាស់ផ្ទះមិនត្រូវបានគេប្រាប់ទេ ប៉ុន្តែសមត្ថកិច្ចដែលចុះទៅបង្ក្រាបផ្ទាល់បានបង្ហេីបថា ឃើញមានអាវដែលព្យួរក្នុងផ្ទះមួយដាក់ឈ្មោះ ឧ.អូន សុខសិលា ។ ប៉ុន្តែអ្នកជួលមិនមែនឈ្មោះគាត់ទេ គឺឈ្មោះអ្នកផ្សេង ហើយក៏មិនទាន់បានធ្វើសកម្មភាពដែរ ទេីបតែមកបាន២ថ្ងៃ អាជ្ញាធរខេត្តបាត់ដំបងចុះបង្ក្រាបតែម្ដង ។
ម៉ោងនេះហើយ សូមអស់លោកមន្រ្តីដែលនៅមានចិត្តលោភលន់ មេត្តាប្រញាប់ដកខ្លួនចេញពីបទល្មើសឆបោកតាមប្រព័ន្ធបច្ចេកវិទ្យាមួយនេះ ថ្នាក់ដឹកនាំកំពូលបានព្រមានរួចហើយ ហេីយក៏បានដកតំណែង ចាប់ខ្លួនបញ្ជូនទៅតុលាការជាបន្តបន្ទាប់ដែរ ។ កុំចេះតែហ៊ានប្រយ័ត្នអស់អនាគត ជាពិសេសប្រយ័ត្នមានលុយចាយមិនកេីត ។ PVN
