12/10/2026
បរាជ័យ Jacob Kiplimo នៅទីក្រុង Chicago! ឬ Chicago Marathon 2026🇺🇬
ក្តីសង្ឃឹមរបស់ Jacob Kiplimo ក្នុងការឈ្នះពានរង្វាន់ Chicago Marathon ជាលើកទីពីរជាប់ៗគ្នា បានបញ្ចប់ទៅក្នុងស្ថានភាពដ៏គួរឱ្យសោកស្តាយ ដោយសារតែថាមពលរបស់កីឡាករឆ្នើមមកពីប្រទេសអ៊ូហ្គង់ដារូបនេះបានធ្លាក់ចុះយ៉ាងខ្លាំងនៅចម្ងាយ ១០ គីឡូម៉ែត្រចុងក្រោយ ហើយបានបញ្ចប់ការប្រកួតក្នុងចំណាត់ថ្នាក់ទី ៤ ដោយប្រើរយៈពេល ២:០៤:១៨។
នៅដំណាក់កាលដំបូង Kiplimo មើលទៅហាក់ដូចជាអាចរក្សារម្ចាស់ជ័យលាភីបាន ដោយគាត់បានរត់ក្នុងល្បឿនយ៉ាងលឿនជាមួយ Amos Kipruto កីឡាករសញ្ជាតិកេនយ៉ា។ ប៉ុន្តែនៅគីឡូ ៣២ Kipruto បានបង្កើនល្បឿននាំមុខ(ផ្តាច់) ដែលធ្វើឱ្យម្ចាស់ជើងឯកចាស់រូបនេះជួបការលំបាកក្នុងការតាមឱ្យទាន់។
ស្ថានភាពរបស់ Kiplimo កាន់តែយ៉ាប់យ៉ឺននៅដំណាក់កាលចុងក្រោយ ដោយកីឡាករអេត្យូពីពីររូបគឺ Tadese Bikila (២:០២:៥៦) និង Milkesa Mengesha (២:០៣:៤៦) បានរត់វ៉ាគាត់។
ខណះពេលដែរ Kipruto បានរត់ឆ្ពោះទៅរកជ័យជម្នះយ៉ាងអស្ចារ្យ ដោយបង្កើតកំណត់ត្រាផ្ទាល់ខ្លួនថ្មី (New PB) ក្នុងរយៈពេល ២:០១:០៩ និងដណ្តើមបានពានរង្វាន់ Chicago Marathon ជាលើកដំបូងរបស់គាត់ និងបានបង្ហាញមោតនភាពនៃស្បែកជើង Adidas Pro EVO 3 ផងដែរ។
នេះគឺជាលើកដំបូងហើយនៅក្នុងអាជីពដ៏ជោគជ័យនៃការរត់ផ្លូវឆ្ងាយរបស់ Kiplimo ដែលគាត់មិនអាចបញ្ចប់ការប្រកួតក្នុងចំណាត់ថ្នាក់កំពូលទាំង ៣(ជាន់ក្តា)។
ការរត់ម៉ារ៉ាតុងអាចជាកីឡាដ៏តឹងរ៉ឹង និងមិនមានការលើកលែងឡើយ។ ពេលខ្លះ អ្នកកំពុងតែព្យាយាមបង្កើតប្រវត្តិសាស្ត្រ ប៉ុន្តែនៅពេលបន្ទាប់ អ្នកបែរជាត្រូវតស៊ូយ៉ាងខ្លាំងដើម្បីគ្រាន់តែអាចរត់ទៅដល់ខ្សែបន្ទាត់បញ្ចប់ការប្រកួតប៉ុណ្ណោះ។
សម្រាប់ Kiplimo ការប្រកួតនៅ Chicago ឆ្នាំ ២០២៦ គឺជាការរំលឹកដ៏ឈឺចាប់មួយថា សូម្បីតែម្ចាស់ជើងឯកដ៏ខ្លាំងក្លាក៏អាចជួបប្រទះថ្ងៃដ៏លំបាកដែរ។