23/02/2021
កាលពីឆ្នាំ ២០១៩ ខ្ញុំបានចាកចេញពីស្រុកកំណើត ទៅបម្រើការងារនៅខេត្តផ្សេងមួយទៀតក្នុងនាមជាបុគ្គលិកក្រុមហ៊ុនមួយកន្លែង។ ការចាកចេញនេះ ខ្ញុំចាត់ទុកវាជារឿងថ្មីមួយសម្រាប់ជីវិតខ្ញុំដែលពុំធ្លាប់ឃ្លាតឆ្ងាយផ្ទះពីមុនមកសោះ ។ ការរស់នៅម្នាក់ឯងឆ្ងាយពីផ្ទះដ៏កក់ក្តៅនិងអ្នកម្តាយជាទីស្រលាញ់ ពិតជាមានអារម្មណ៍ឯការខ្លាំងណាស់។ គ្រប់ពេលវេលា ខ្ញុំតែងតែរស់នៅជាមួយនឹងស្រមោលរបស់ខ្លួនឯង ទាំងភាពភ័យខ្លាច និង បញ្ហាការងារ ធ្វើឱ្យខ្ញុំគិតច្រើនរីឯសក់ក៏ចាប់ផ្តើមជ្រុះមកដែរ ។ បញ្ហាទាំងអស់នេះបានធ្វើឱ្យខ្ញុំបាក់ទឹកចិត្ត និងចង់ឈប់ពីការងារត្រឡប់ទៅផ្ទះវិញណាស់ ប៉ុន្តែពេលនឹកដល់អ្នកមានគុណដែលគាត់កំពុងតែជួបការលំបាក ធ្វើឱ្យខ្ញុំមានកម្លាំងចិត្ត តស៊ូឡើងវិញ និងព្យាយាមរកវិធីសាស្រ្តដោះស្រាយបញ្ហាដែលប្រឈមរបស់ខ្ញុំ តាមរយៈការអានសៀវភៅ ពិភាក្សាយោបល់ជាមួយមិត្តភក្តិ មិត្តរួមការងារ ក្រោយពីទទួលបានការលើកទឹកចិត្តពីពួកគាត់ បានធ្វើឱ្យខ្ញុំមានកម្លាំងចិត្ត និងជឿជាក់លើខ្លួនឯងឡើងវិញ ទាំងអស់នេះគឺជាទុនមួយដែលធ្វើឱ្យខ្ញុំអាចរៀបចំនូវផែនការការងារថ្មី និងផែនការរស់នៅប្រចាំថ្ងៃថ្មី ដើម្បីសម្រេចគោលដៅរបស់នាងខ្ញុំផងដែរ។ ជាពិសេស នាងខ្ញុំបានផ្លាស់ប្តូរសាប៊ូកក់សក់ចាស់ ដោយងាកមកប្រើសាប៊ូកក់សក់ Pantene ដែលជួយឱ្យសក់នាងខ្ញុំស្រស់ស្អាតឡើងវិញនិងឈប់ជ្រុះទៀត។ តាមរយៈបទពិសោធន៍របស់នាងខ្ញុំ ខ្ញុំចង់ចែករំលែកជូនបងប្អូនទាំងអស់គ្នាថា ប្រសិនបើជួបទុក្ខលំបាក អ្នកត្រូវតែអត់ធ្មត់ ប្រសិនបើឯការអ្នកត្រូវតែរឹងមាំ ប្រសិនបើអ្នកមានគុណជួបបញ្ហាការលំបាក អ្នកត្រូវតែតបស្នងសងគុណនឹងកុំធ្វើឱ្យគាត់ពិបាកចិត្ត តែប្រសិនជាមានបញ្ហាសក់ អ្នកត្រូវប្រើប្រាស់សាប៊ូកក់សក់ Pantene។
