24/03/2026
✨ ສຳເລັດການຝຶກອົບຮົມວຽກງານປົກປ້ອງເດັກໃຫ້ແກ່ຄະນະກຳມະການປົກປ້ອງສິດ ແລະ ຜົນປະໂຫຍດເດັກ ຂັ້ນເມືອງ ແລະ ທີມງານ ບ້ານຊ່ວຍເຫຼືອເດັກນ້ອຍ ເອັສໂອເອັສ ຊຽງຂວາງ ຮ່ວມກັບກະຊວງແຮງງານ ແລະ ສະຫວັດດີການສັງຄົມ;
ຈຸດປະສົງ:
💡ເພື່ອສະໜັບສະໜູນວຽກງານປົກປ້ອງເດັກຮ່ວມກັບລັດຖະບານ ແລະ ເພື່ອສ້າງຄວາມອາດສາມາດໃຫ້ແກ່ ພະນັກງານກ່ຽວຂ້ອງ ທີ່ເຮັດວຽກ ກ່ຽວກັບ ການປົກປ້ອງ ແລະ ຊ່ວຍເຫຼືອເດັກ.
💡ເພື່ອເພີ້ມຄວາມອາດສາມາດໃນການໃຫ້ບໍລິການການປົກປ້ອງ ແລະ ຊ່ວຍເຫຼືອເດັກ ເປັນຕົ້ນ: ການຊອກຮູ້ເດັກທີ່ມີຄວາມສ່ຽງ ຫຼື ຜູ້ຖືກເຄາະຮ້າຍຈາກການ ທາລຸນ, ການປ່ອຍປະລະເລີຍ, ການຂູດຮີດ, ການຈຳແນກ, ການໃຊ້ຄວາມຮຸນແຮງ ແລະ ເດັກທີ່ກະທໍາຜິດ ກົດໝາຍ ພ້ອມກັນນັ້ນ ກໍໃຫ້ການຊ່ວຍເຫຼືອ ແລະ ສົ່ງຕໍ່ກໍລະນີເດັກໄປຮັບການຊ່ວຍເຫຼືອທີ່ເໝາະສົມທີ່ມີຢູ່ໃນຊຸມຊົນ.
✨ນອກນັ້ນຍັງສະໜັບສະໜູນເປົ້າໝາຍຂອງວຽກງານ 𝐀𝐝𝐯𝐨𝐜𝐚𝐜𝐲 ໃນການເຜີຍແຜ່ຂໍ້ມູນ ແລະ ຜົນງານຂອງໂຄງການ ແລະ ນຳສະເໜີວຽກງານການປົກປ້ອງເດັກຂອງ ບ້ານຊ່ວຍເຫຼືອເດັກນ້ອຍ ເອັສໂອເອັສ ລາວ ເພື່ອພັກດັນໃຫ້ເກີດການຮ່ວມມື ແລະ ການປະສານສົມທົບຈາກຫຼາຍພາກສວ່ນ. ຫຼັງຈາກສຳເລັດການຝຶກອົບຮົມແລ້ວ ຄະນະກຳມະການປົກປ້ອງສິດ ແລະ ຜົນປະໂຫຍດຂອງເດັກ ຍັງໄດ້ລົງຢ້ຽມຢາມ ບ້ານຊ່ວຍເຫຼືອເດັກນ້ອຍ ເອັສໂອເອັສ ຊຽງຂວາງ.
#ຊ່ວຍເຫຼືອເດັກນ້ອຍລາວ #ວຽກງານປົກປ້ອງເດັກ #ບ້ານຊ່ວຍເຫຼືອເດັກນ້ອຍເອັສໂອເອັສລາວ
