Boohi

24/03/2026

24/03/2026

24/03/2026

අම්මා කෙනෙක් 'එපා' කියන්නේ දරුවාගේ හොඳටයි. ඒ තීරණයට හැමෝම ගරු කරනවා නම් කොච්චර දෙයක්ද?

"එයාට පැණිරස දෙන්න එපා.. ”

“මම එයාට තාම සීනි කවන්න කැමති නෑ.. ”

"එයාව වැඩිය රෑ වෙනකල් නිදි කරවන්න එපා.. ”

"එයා නිදාගෙන ඉද්දි වඩාගන්න එපා.. ”

“මූණ ඉඹින්න එපා.. ”

"මම දන්නේ නැති කෑම එයාට දෙන්න එපා.. ”

මෙහෙම කියද්දීත්... හුඟක් වෙලාවට පවුලේ අය බලෙන්ම වගේ කරන්නේ මේකයි

“අනේ යන්න ළමයෝ.. ඕකට මොකුත් වෙන්නේ නෑ.. ”

“චුට්ටක් දුන්නම මොකද වෙන්නේ.. ”

“අපිත් ඔයාලව හැදුවේ ඔහොම තමයි.. ”

✋ හැබැයි හැමෝටම අමතක වෙන එක දෙයක් තියෙනවා...

අම්මා කෙනෙක් "එපා" කියලා කියන්නේ ඕනෑවට වඩා රඟපාන්නවත්, ඒක මහා සංකීර්ණ දෙයක් කරන්නවත් නෙවෙයි.

එයා ඒක කරන්නේ තමන්ගේ පණ වගේ ඉන්න දරුවාව බලාගන්න. ❤️

අම්මා කෙනෙක්ට විතරක් ඇහෙන,
වෙන කාටවත් නොඇහෙන හඬකට ඇහුම්කන් දෙන්න අම්මා කෙනෙක් පුරුදු වෙලා ඉන්නවා.
ඒ තමයි එයාගේ "ඉව" . 🧬
අම්මා කෙනෙක්ගේ ඒ ඉවට,
ඒ තීරණයට කාගෙවත් අවසරයක් ඕන නෑ..
කාගෙවත් අනුමැතියක් ඕන නෑ..
ඒක වාද විවාද කර කර ඉන්න දෙයකුත් නෑ..

අම්මා කෙනෙක්ට ඕන කරන්නේ එකම එක දෙයක් විතරයි.. ඒ තමයි ඒ තීරණයට ලැබෙන "ගෞරවය"! ✊

අද කාලේ දරුවෙක්ව හදන එක අම්මා කෙනෙක්ට ලොකු අභියෝගයක්.
වටේ ඉන්න අය "අපිත් හැදුවේ මෙහෙමයි" කිව්වට,
එදාට වඩා අද ලෝකය වෙනස්,
අද තියෙන කෑම බීම වෙනස්, ලෙඩ රෝග වෙනස්.
ඉතින් අම්මා කෙනෙක් දරුවා ගැන පරිස්සම් වෙද්දී ඒකට හිනා වෙන්න එපා. ✋

"ඔයා ඕක වැඩිය හිතනවා වැඩියි" කියලා ඒ අම්මාව මානසිකව වට්ටන්න එපා.
මොකද දරුවා වෙනුවෙන් නිදි මරන්නේ ඔයා නෙවෙයි ඒ අම්මා..
දරුවා අසනීප වුණාම ලතැවෙන්නේ ඔයා නෙවෙයි ඒ අම්මා.. 🌸
ඉතින්...
අම්මා කෙනෙක්ගේ 'එපා' එකට 'එපා' එකක් විදිහටම ගරු කරන්න පුරුදු වෙමු.

මොකද ඒක එයාගේ ආදරේ ප්‍රකාශ කරන විදිහයි! 🤱❤️

ඔයාලා මොකද හිතන්නේ?

✍Omali Gunathilake



#අම්මා #දරුවන් #සෞඛ්‍යය #මව්සෙනෙහස #පෝෂණය