11/08/2026
ඒ කාලෙ අපිට ශිෂ්යත්වෙ කියලා ලොකු බරක් ඔලුවෙ තිබුනෙ නෑ.අමතර පන්ති ගියෙ නෑ.එදිනෙදා ඉස්කෝලෙ වැඩ ටික කරගෙන ගියා.හැබැයි ඉතින් කොයි දේටත් වඩා උනන්දුවෙන් සෙල්ලම් කරා.කැලේ පැන්නා.ඒ කාලෙ රොබින් හුඩ් තමයි අපේ ජනප්රියම සෙල්ලම.කොයි වෙලේත් ගස් ගල් උඩ 😁😁😁
කොහොම හරි ශිෂ්යත්වෙට කලින් දවසෙ අපේ අම්මා පොඩි කොල කෑල්ලක " සබ්බ පාපස්ස අකරණං" ගාථාව ලියල දුන්න.මුකුත් පාඩම් නොකරපු එකේ මයෙ පුතා මේකවත් පාඩම් කරලා මේකෙ ආනුභාවයෙන් වත් විබාගෙ ලියපම් කියලා.
අම්මේ ඉතින් මමත් ඕක පාඩම් කරන් උදේම බුදුන් වැඳලා හයියෙන් ගාථාව කියලා ගැම්මෙන් ගියා විබාගෙ ලියන්න.🙏🙏🙏🙏
ශිෂ්යත්ව ප්රතිඵල නිකුත් වුනා කියලා ආරංචි උනේ රේඩියෝ එකෙන්.ඒ වෙද්දි මල්ලියි මමයි පොලොන්නරුවෙ අපේ ආච්චිලගෙ ගෙදර...ඔන්න ඉතින් දැන් මගෙ බඩේ බිත්තර තම්බන්න පුලුවන්.ඒ කාලෙ phone වත් නෑනෙ.නිවාඩු ඉවර වෙලා ගෙදර ගියාට පස්සෙ තමයි ප්රතිඵල දැන ගන්න වෙන්නෙ එතකම් නැව ගිලුනත් බෑං චූං කියලා පහුවදා දවාලෙත් ගමේ සෙට් එකත් එක්ක එකතු වෙලා ඇලේ පැනලා නාද්දි මෙන්න බොලේ ඈතින් අම්මයි තාත්තයි එනවා පේනවා 🫣🫣🫣🫣
කෝකටත් සූදානම් සරීරෙ කියලා මම ඇල ඉවුරට නැගලා කෑගහලා ඇහුවා අම්මේ මම පාස්දෝ...කියලා.අම්මා මට වඩා හයියෙන් මුලු ගමටම ඇහෙන්න කෑ ගැහුවා " පාස් පාස් හොඳටම පාස්" කියලා.එදා අපට රජ මඟුල්...ලකුණු 175 ක් තිබුනා.අනේ අපි ඒ කාලෙ කොච්චර සැහැල්ලුවෙන් විබාගවලට මූණ දුන්නද....ඊසි පීසි තමයි🤣🤣( ඒ සැහැල්ලුවෙන් A level වලට මූණ දීලා කෙල උන එක වෙනම story එකක් 🤣🤣🤣)
