27/01/2024
කෑවොත් බඩේ.. කැපුවොත් හිරේ.. 😉
බිව්වොත්..??
මේ දවස්වල තියෙන නොසන්සිඳෙන පිපාසයට ..😊 බෙලි බීම..😋
ගොඩාක් අය අහනවා, තිත්ත රසක් නැතුව බෙලි බීම එකක් හදා ගන්නෙ කොහොමද කියලා ..සාමාන්යයෙන් බ්ලෙන්ඩ් කරලා බීම එක හැදුවම බෙලිවල තියෙන කුඩා ඇට කුඩු වීම නිසයි බීම එකෙන් තිත්ත රසක් එන්නෙ..නමුත් අතින් පොඩි කරලා බීම එක හදා ගත්තම එහෙම වෙන්නෙ නෑ..මේ පහලින් තියෙන්නේ තිත්ත රසක් නැතුව බෙලි බීම එකක් හදා ගන්න ක්රමය ..
🔸 හොඳට ඉදුණු බෙලි ගෙඩියක් හෝ දෙකක් අරගෙන ඒකෙ මදේ හැන්ඳකින් සූරලා ගන්න .
🔸 ඒ ටික හොඳ පිරිසිදු බාජනයකට දාලා, අවශ්ය ප්රමාණයට වතුර එකතු කරන්න ..
🔸 දැන් අත හොඳින් හෝදගෙන, ඒ ටික අතින් පොඩි කරන්න ..එහෙම අතින් හොඳට පොඩි කරලා ඉස්ම ටික අරගෙන ඉතුරු වෙන ඇට සහ කෙඳි කොටස ඉවත් කරන්න ..උකු ගතිය වැඩි නම් තවත් වතුර එකතු කරන්න ..
🔸 ඊට පස්සෙ අවශ්ය නම් සීනි ත් දාලා ලුණු ඉතාමත්ම ස්වල්පයක් දාලා මිශ්ර කරලා බොන්න ගන්න ..
හැබැයි බෙලි බීම හදනකොට මේ පහලින් තියෙන දේවලුත් ගොඩාක් වැදගත් ..
◾ සාමාන්යයෙන් බෙලි බීම හදනකොට ෆ්රෙශ් මිල්ක් හෝ තියෙනවා නම් මිල්ක්මේඩ් පොඩ්ඩක් එකතු කරන්න පුළුවන් ..(අපිට නම් ඒක හුරුයි ..) ඒත් පුරුදු නැත්නම් කිරි දාන්න එපා.. මොකද සමහර අයට බඩ අවුල් වෙනවා.. බෙලි කියන්නෙ සාමාන්යයෙන් මළබද්දය වලක්වන පලතුරක් වගේම බඩ බුරුල් වෙලා යන අවස්ථාවක ඒක වලක්වන්න සමත් පලතුරක්..
◾ බෙලි බීම බ්ලෙන්ඩ් කරලා හදන්නත් පුළුවන්..හැබැයි එහෙම කරාම බෙලිවල තියෙන කුඩා ඇටත් කුඩු වෙලා, බීම එකෙන් පොඩි තිත්ත රසක් එනවා.නමුත් මේ ක්රමයට හැදුවාම බෙලි ගෙඩියෙ තියෙන පෝෂණ ගුණය ඉවත් නොවී ඒ විදියටම ලැබෙනවා ..මොකද බෙලි ඇටවල තියෙන ඇලෙන සුළු ලාටු ගතිය සහ කෙඳි කොටස ඉවත් නොවන නිසා..
◾ පිපාසෙට මෙහෙම බීම හදා ගත්තට පුළුවන් තරම් බෙලි පළතුරක් වශයෙන් කෑමට ගැනීම තමයි හොඳ ..එතකොට මේකෙ තියෙන කෙඳි කොටස නියමාකාරයෙන් ශරීරයට ලැබෙනවා ..
◾ අනික බීමක් වශයෙන් හදා ගත්තත් සීනි එකතු නොකර, ඉදුණු බෙලි ගෙඩියෙන් එන ස්වාභාවික පැණි රස එක්ක බීමට ගැනීමත් වැදගත් ..
◾ තවත් වැදගත්ම දෙයක් කියන්නම්..සමහරවිට අතින් මිරිකලා හදා ගත්තත් කලාතුරකින් පොඩි තිත්ත රසක් බෙලි බීමවල තියෙන්න පුළුවන් .. හැබැයි එහෙමයි කියලා කවදාවත් ඒක විසි කරන්න නම් එපා.කොහොම හරි බොන්න ...ලෝකයේ තියෙන පලතුරුවලින් වැඩිම පෝෂණ ගුණයක් සහිත පලතුරක් බෙලි කියන්නෙ..ඒ නිසාම වෙන්නැති මේකට දිව්ය පලතුරක් කියලා කියන්නෙත් .ඉතින් සුළු තිත්ත රසක් නිසා ඒ වගේ වටිනා පලතුරක් විසි කරනවා කියන්නෙ හරිම අපරාධයක් ..