18/06/2026
Good Morning 🌼🌼
ඔබත් ස්තූතිවන්ත වන අයෙක්ද?????
ප්රිය මිතුරනි, ඔබ දන්නවද Gratitude වලට ඔබේ මුලු ජීවිතේම, ඔය දැන් ඔබ ජීවත් වෙන විදිය සම්පූර්ණයෙන්ම අනිත් පැත්ත හරවන්ට පුළුවන් කියලා. අප සතු දේවල් වලට ස්තූතිවන්ත වීම අපේ ජීවිතය නොහිතන විදියට වෙනස් කරනවා.
මම හැම උදේකම ඇහරුණාම කරන මුල්ම දේ පිටිපස්සෙ බැල්කනියට යන එක. සීතල හුළඟ, පාන්දර අහස, හිමීට ඇහරෙන කුරුළු සද්ද මට මතක් කරනවා තව දවසක් මේ ලෝකයේ ලස්සන දකින්ට ඇහරෙන්ට ලැබුණ එක කොච්චර භාග්යක්ද කියලා. මම මුළින්ම කරන්නෙ ඒකට ස්තූතිවන්ත වෙන එකට. ඊළඟට මාව බලාගන්න, පෝෂණය කරන මේ සොබාදහමට ස්තූති කරනවා. මේ මොහොතේ මට ලැබිලා තියන හැමදේටම ස්තූති කරනවා. මේ තමයි මිතුරනි සතුටින් ජීවත් වීමේ පාදම.
ඔබට අහිමි උන දේවල් ගැන ලත වෙනවා වෙනුවට ඔබ සතුව ඇති දේවල් ගැන හිතන්ට, නිතර පැමිණිලි කරනවා වෙනුවට අගය කරන්ට පුරුදු වෙන්ට. වේගෙන් ට්රෙන්ඩ් අස්සෙ දුවනවා වෙනුවට හිමින් ගමන් කිරීම පුහුණු කරන්ට. දේවල් ඔබේ වාසියට ගන්නවා වෙනුවට ඒවා තුළ තියන ආශිර්වාදය හඳුනාගන්ට. අනාගතය ගැන වද වෙනවා වෙනුවට ඉස්සරහට සිදුවන දේවල් ගැන විශ්වාසයෙන් ඉන්ට.
අතීතයේ එල්ලිලා ඉන්නවා වෙනුවට ඒවයෙන් පාඩම් ඉගනගෙන ඉස්සරහට එන්ට. ඔබව අන් අය එක්ක සසඳනවා වෙනුවට ඒ අයව celebrate කරන්ට පුරුදු වෙන්ට. ගොඩක් දේවල් බලාපොරොත්තු වෙනවා වෙනුවට ඔබට අවශ්ය දේ ගැන විතරක් හිතන්ට. Excepting වෙනුවට Accepting වලට හුරුවෙන්ට.
ජීවිතය වරප්රසාදයක් කියලා නොහිතා ස්තූතුවන්ත විය යුතු කාරණාවක් කියන තැනට නිහතමානී වෙන්ට. දේවල් ප්රශ්න කියලා හිතනවා වෙනුවට එතන තියන පාඩම් ටික හඳුනාගන්ට. මොකද කාටවත් ප්රශ්න ඇතිවෙන්නෙ නෑ. ඒ උගන්නන්නෙ පාඩමක්. ඔබ හරියට ඒක ඉගන ගන්නකන් ආය ආය ඔබට ඒ පාඩම මුණගැහෙනවා.
හැමවෙලේම "ඇයි මමම?" "ඇයි මටම?" කියලා හිතනවා වෙනුවට මට මේ වෙන සිදුවීම මොකක්ද කියන්ට හදන්නෙ කියලා අහලා බලන්ට.
මිතුරනි, ඔබ හිතන්ට ඔබට ආපස්සට පිටු පෙරලන්ට බැරි පොතක් කියවන්ට ලැබෙනවා කියලා. ඔබ කොච්චර පරෙස්සමින් කියවයිද නේද? ජීවිතෙත් ඒ වගේ. ඔබට ආපහු යන්ට බෑ. ඉස්සරහට විතරයි යන්ට පුළුවන්. අන්න ඒ ගමන හෙමින්, ස්තූතිපූර්වක වීම අත්දෙකෙන්ම අරන් යන්ට.
Copied by රොමානා | 🌼
