28/05/2026
මැයි 29 වැනිදා පෙරවරු 11.12ට බුධ ග්රහයා සිය ස්වක්ෂේත්ර වූ මිථුන රාශියට පිවිසීමත් සමඟ මිථුන, කන්යා, ධනු සහ මීන යන රාශි සතරට පංච මහා යෝගයන්ගෙන් “මහා භද්ර යෝගය” උදා වෙයි. එමෙන්ම මේෂ, කටක, තුලා සහ මකර යන රාශි සතරට “රුචක යෝගය” සමඟ පාරිජාත, සත්කළත්ර සහ විශේෂ ග්රහ යෝග බලයන් ද සක්රීය වන බව පෙනී යයි. රාශි දොළසටම මෙම ග්රහ ගෝචරය මඟින් දැනුම, බුද්ධිය, වාසනාව, ජවය සහ පෙර පිනේ ප්රතිඵල මතුවන කාලයක් උදා වී ඇත.
මෙම බලපෑම ජුනි 22 දක්වා ක්රියාත්මක වන අතර, බුධ ග්රහයා ත්රිකෝණ, චතුර්කෝණ, ෂඩ්කෝණ සහ සප්තම දෘෂ්ටි මඟින් ක්රියාකරන නිසා මෙම කාලය තුළ උපදින දරුවන්ගේ කේන්දරවලද විශේෂ සුබ ලක්ෂණ සටහන් වන බව විශ්වාස කෙරේ.
මෙම ග්රහ මාරුව ආර්ථික, සමාජීය, දේශපාලනික, සෞඛ්ය සහ අධ්යාපනික ක්ෂේත්රවලද යහපත් වෙනස්කම් ඇතිකරන බව පෙනේ. විශේෂයෙන්ම ගණිතය, ඉංජිනේරු, තාක්ෂණය, ව්යාපාර කළමනාකරණය, සාහිත්ය, ජ්යොතිෂය, ගුප්ත විද්යා, ආයුර්වේද සහ ශාන්ති කර්ම ආදී ක්ෂේත්රවල නව දැනුම හා අවබෝධය වර්ධනය විය හැකිය. ලේඛන කලාව, පොත්පත්, සඟරා සහ නිර්මාණාත්මක කලා කටයුතු සඳහාද මෙය වැදගත් කාලයකි.
එමෙන්ම ආගමික, සංස්කෘතික සහ සමාජීය ගුණධර්ම කෙරෙහි ජනතා අවධානය වැඩිවන අතර, සංවර්ධන හා නවීකරණ කටයුතුද ඉදිරියට ගෙන යා හැකි කාලසීමාවක් ලෙස සැලකේ. කෙසේ වෙතත් කාලගුණික වෙනස්කම්, පාරිසරික බාධා, මාර්ග අනතුරු, ගුවන් හා නාවික ප්රවාහන ගැටලු වැනි අසහනකාරී තත්ත්වද කඩින්කඩ ඇතිවිය හැකිය.
එසේම ළමා හිංසන, අනියම් සබඳතා, සමාජ විෂමතා සහ වසංගත රෝග තත්ත්වයන් පිළිබඳ අවධානයෙන් සිටීමද වැදගත් වේ.
මේෂ රාශිය
රුචක, පාරිජාත, සත්කළත්ර සහ චන්ද්රචූඩා යෝග බලය ඔබගේ ජීවිතයට ජවය සහ ශක්තිය ගෙන එයි. රැකියා, ව්යාපාර, නිවාස, දෙස් විදෙස් ගමන් සහ අධ්යාපනික ජයග්රහණ සාර්ථක වෙයි. ගෞරවනීය ජීවිතයකට මඟ සැලසෙන අතර අනවශ්ය සම්බන්ධතා මඟහැරීම යහපත් වේ.
වෘෂභ රාශිය
මයුර, පාරිජාත සහ සත්කළත්ර යෝග බලය හේතුවෙන් ජීවිතයේ ගුණාත්මක වර්ධනයක් ඇතිවේ. පවුල් ජීවිතය, ඉඩම්, දේපළ සහ දූ දරු සම්බන්ධ කටයුතු සාර්ථක වන අතර හදිසි තීරණ ගැනීමෙන් වැළකීම වැදගත් වේ.
මිථුන රාශිය
මහා භද්ර යෝගය සමඟ ඔබගේ ජීවිතයේ විශාල වර්ධනයක් ඇතිවේ. රැකියා, ආදායම්, නිවාස, යානවාහන සහ දේපළ සම්බන්ධ කටයුතු සාර්ථක වන අතර දීර්ඝායුෂ සහ නිරෝගීභාවයද ලැබෙනු ඇත. පෙර පිනේ ප්රතිඵල දැඩිව මතුවන කාලයකි.
කටක රාශිය
රුචක යෝගය සහ අනෙකුත් ශුභ යෝග හේතුවෙන් පවුල් ජීවිතය, දරුවන්, දේපළ සහ ආදායම් මාර්ග ඉතා හොඳ අතට හැරේ. ඔබගේ දැනුම හා ගුණධර්ම වැඩිදියුණු වන අතර සමාජ ගෞරවයද ඉහළ යයි.
සිංහ රාශිය
ධර්ම කෝණ සහ කාම කෝණ ශක්තිමත් වීම නිසා උසස් තත්ත්වයකට පැමිණීමට අවස්ථාව උදා වේ. රැකියා, උසස්වීම්, දේපළ සහ ප්රභූ ඇසුර ලැබෙන අතර ජීවිතය වර්ණවත් සහ සාර්ථක අතට හැරෙනු ඇත.
කන්යා රාශිය
මහා භද්ර, පාරිජාත, සත්කළත්ර සහ සිංහාසන යෝග බලය ඔබට අතිශය වාසනාවන්ත කාලයක් උදා කරයි. රැකියා උසස්වීම්, ආදායම් වර්ධනය, පදිංචි ස්ථාන සහ පවුල් ජීවිතය සාර්ථක වෙයි. සංසාරික කුසල බලය දැඩිව ක්රියාත්මක වේ.
තුලා රාශිය
රුචක සහ පාරිජාත යෝග හේතුවෙන් දෙස් විදෙස් ගමන්, ව්යාපාර, නිවාස සහ ආදායම් මාර්ග සාර්ථක වෙයි. ජීවිතය ආකර්ෂණීය හා ගුණාත්මක අතට හැරෙන අතර වාසනාව වැඩිවේ.
වෘශ්චික රාශිය
මයුර, පාරිජාත සහ චන්ද්රචූඩා යෝග මඟින් රැකියා, දේපළ, ගමන් බිමන් සහ සමාජ ගෞරවය ඉහළ යයි. රෝගබාධ දුරුවන අතර උසස් පිරිස් ඇසුරට ලැබේ.
ධනු රාශිය
මහා භද්ර යෝගය සමඟ දෙස් විදෙස් ගමන්, ආදායම් මාර්ග, දූ දරු සතුට සහ ව්යාපාරික දියුණුව ලැබෙන කාලයකි. අඩුලුහුඩුකම් සම්පූර්ණ වන අතර පෙර පිනේ ආශිර්වාද ලැබේ.
මකර රාශිය
රුචක සහ පාරිජාත යෝග බලයෙන් බාධක දුරුවන අතර නිවාස, දේපළ, යානවාහන සහ සමාජ ගෞරවය වර්ධනය වෙයි. උසස් ජනතාවගේ ඇසුර ලැබෙන අතර ජීවිතයේ ස්ථාවරත්වය ඉහළ යයි.
කුම්භ රාශිය
මයුර සහ පාරිජාත යෝග හේතුවෙන් ආදායම් මාර්ග, නිර්මාණශීලී හැකියාවන් සහ සමාජ ගෞරවය වර්ධනය වෙයි. අවහිර බාධක මඟහැරෙන අතර වාසනාව සහ කාර්යශූරත්වය වැඩිවේ.
මීන රාශිය
සිංහාසන සහ මහා භද්ර යෝග බලයෙන් සංසාරික කුසල ශක්තිය මතුවන කාලයකි. දේපළ, පදිංචි ස්ථාන, ආදායම් සහ ජීවිතයේ සෑම අංශයකම සාර්ථකත්වය ලැබෙන අතර බාධක දුරුවී භාග්යයමත් ජීවිතයකට මඟ සැලසේ.
ප්රවීන ජෝතිර්වේදී ආර්යනන්ද විශ්ව මිත්ර
