10/04/2023
👉 ටිකක් නැවතිලා කියවන්න...
ඇඳුමක් මහගන්න ගිහාම අම්මෝ ගාන වැඩි කියන අයට.
Customer : මට මේ ෆොටෝ එකේ වගේ ෆ්රොක් එකක් මහගන්න ඕනේ. කීයක් විතර යයිද.
Tailor : මේ වගේ එකක් මහන්න 1000ක් විතර යනවා මිස්.
Customer : අම්මෝ එච්චර !!! ගණන් වැඩිනේ..
අනික මේකේ මහලොකු දෙයක් නෑනෙ මහන්න.
Tailor : ඇයි මිස් එහෙම කියන්නෙ. මිස් කවදහරි මේ වගේ ඇඳුමක් මහලා තියෙනවද.
Customer : මමනම් මහලා නෑ. අනික මම මහන්න දන්නෙ නෑ. මෙච්චර ගානක් දීලා මහගන්න එකේ මහන්න දැනගත්තනම් මට ඒ සල්ලිත් ඉතුරුයි.
Tailor : ඉතින් ඇයි මිස් මහන්න ඉගෙන ගන්නෙ නැත්තෙ. මිස් කිව්වා වගේ ඉගෙන ගත්තනම් මිස්ට ඒ සල්ලිත් ඉතුරුයි.
Customer : ඒකනම් ඇත්ත තමා. ඒත් මට මෙච්චර ඉක්මනින් ඉගෙන ගන්න බෑ. අනික මට මේ ෆ්රොක් එක දවස් දෙකකින් වගේ මහගන්නත් ඕනෙ..
Tailor : එහෙමද.. එහෙනම් මෙගෙම කරමු මිස් මං මිස්ට උගන්නන්නම් මේක මහන්න.
Customer : අනේ ඔය ඇත්තමද.. ඒකනම් හොදයි. එහෙනම් අපි දැන්ම පටන් ගමු.
Tailor : හරි පටන් ගමු. ඒත් මිස් පොඩි දේවල් ටිකක් තියෙනවා මිස්ට ගේන්න පුළුවන්ද?
Customer : මොනවද මම ගේන්න ඕනෙ.
Tailor : පොතක්, පෑන්,පැන්සල්, ටේප් එකක්, අඩිරූලක්, ටේලරින් චෝක්, කතුරක් වගේ දේවල් ටිකක්.
Customer : අනේ මට ටික දුරක් යන්න වෙනවනෙ ශොප් එකකට ඔය ටික ගන්න මේ ළඟ තැනක් නැද්ද ගන්න.
Tailor : ළඟනම් නෑ. එහෙනම් මිස් මට රුපියල් 200ක් දෙන්න. මගේ බඩු වලින් මම මිස්ට දෙන්නම්.
Customer : ඒකනම් හොද අදහසක්. හරි මම දෙන්නම්. දැන් අපි පටන් ගමුද.
Tailor : තව දේවල් ටිකක් ඕනෙ හැබැයි. මිස් ගාව ගවුමට රෙදි තියෙනවනෙ. ඔය ඩිසයින් එකේ හැටිය තව ඕන වෙනවා බොත්තම්, ශිපර්, හක්, ලයිනින්
Customer : අයියෝ ඒවා ගෙනාවෙ නෑ මම. කොහෙන්ද ගන්නෙ ටවුන් එකටම යන්න වෙයිනෙ නේද ඒවා ගන්න.
Tailor : එහෙනම් මා ගාව තියෙන ඒවගෙන දාලා මහමු. මිස් මට තව 200ක් දෙන්න.
Customer : හරි ඒක හොදයි එහෙම කරමු. දැන් අපිට පටන් ගන්න පුළුවන්ද
Tailor : පුළුවන් ඒත් මිස් ගාව මැශිමක් තියෙනවද?
Customer : මං ළඟ කොහෙද අනේ මැශින්. ඇයි ඔයාගෙ එක.
Tailor : ඒක ඉතින් මං සල්ලි දීලා ගත්ත මැශිමනේ. ඔයාට ඉගෙන ගන්න ඕනෙනම් මැශිමක් ඕනෙ. නැත්තම් කොහොමද මහන්නෙ ඔය ගවුම.
Customer : ඒකත් ඇත්ත තමා.. ඒත් මේ හදිසියේ මැශිමක් ගන්න තරම් සල්ලි නෑ මා ගාව. ලොකු ගානක් යනවනෙ.,අපිට බැරිද ඔයාගෙ මැශිමෙන් මහන්න.
Tailor : පුළුවන් මිස්, එහෙනම් මට ඔයා තව 200ක් දෙන්න. මං මගෙ මැශිම දෙන්නම් මහගන්න ඔයාට.
Customer : හරි එහෙම කරමු. දැන් අපිට පටන් ගන්න පුළුවන් වෙයි නේද?
Tailor : ඊට කලින් මිස් මගෙ මැශිම මිස්ගෙ ගෙදරට ගෙනියන්න වෙනවා.
Customer : මගෙ ගෙදරට ඒ ඇයි?
Tailor : මේකනෙ මිස්. මේ ගවුම මහගන්න ඕනෙ ඔයාටනෙ. ඉතින් මගෙ ගෙදර විදුලියෙන් මහන්න බෑ මිස්. දැන් විදුලි බිල ගොඩක් වැඩී. මිස්ගෙ ගවුමට මගෙ ගෙදර විදුලිය දෙන්න බෑ..
Customer : ඒකත් ඇත්ත තමා නේද. අනේ ඒ උනාට ගෙදර ගෙනියන්න ලොකු වියදමක් යනවනේ මම වාගනයක් හොයාගන්නත් ඕනා. ඔයාගෙ ගෙදර විදුලියෙන් මහමු. මං දෙන්නම් තව 200ක්
Tailor : හරි මිස් එහෙනම් මගෙ මැශිමයි විදුලියයි දෙකම දෙන්නම් අපි මහන්න ගමු.
Customer : අනේ එහෙනම් අපි ඉක්මනින් පටන් ගමු..
Tailor : තව පොඩි දෙයක් තියෙනවා මිස්, මේ ගවුමෙ හැටියට පාට දෙකකින් නූල් ඕනේ. එතකොට තව මැශින් ඔයිලුත් ඕනේ.
Customer : ඇයි ඒවා ඔයා ගාව නැද්ද?
Tailor : තියෙනවා.. ඒත් මිස්..
Customer : මට ඉගෙන ගන්නනෙ නේද.. හරි එහෙනම් ඒවත් දෙන්න මං තව 200ක් දෙන්නම් ඔයාට. අපි පටන් ගමු එච්චරයි නේද ඕනෙ.
Tailor : ඔව් මිස්.. ඒත් මිස් මම පොඩි දෙයක් අහන්නද. දැන් මිස් මට කීයක් දුන්නද?
Customer : 200 ඒවගෙන් පහක් වගේ දුන්නා.
Tailor : ඒ කියන්නෙ මිස් මට 1000දීලා. මිස් මට ඒ ගානත් දීලා තව ගොඩක් මහන්සි වෙන්න තමා මේ හදන්නෙ.
Customer : එහෙමද.... මම 1000ක්ම දීලද.!!!!
අයියෝ අපරාදෙනෙ අනේ. මම ඔයාට 1000කුත් දීලා තව ගොඩක් මහන්සි වෙන්න ඕනා මේක මහගන්න. අපි මෙහෙම කරමු මං 1000ක් දෙන්නම්. ඔයාම මට ගවුම මහලා දෙන්න.
මං හිතන්නෙ මේකෙන් ඔයාලට යමක් තේරුම් යන්න ඇති. ඇඳුමක් මහනවා කියන එක ලේසි දෙයක් නෙමේ. ඇඳුම දිහා බලලා ඕක මහන්න ඔච්චර යනවද කියලා හිතන අයට තමා මේ කියන්නෙ. කෙනෙක් මේ වගේ තැනකට එන්න සෑහෙන කට්ටක් කනවා. ඒක ලේසි දෙයක් නෙමේ. පාරිභෝගිකයන් සතුටු වෙන විදිහට මහන එක ලේසි නෑ. මිමි මැනලා ගණන් හදලා රෙදි කපලා, ඩිසයින් කරලා, නූලෙන් නූල බලලා මහන එක ඔයාලා හිතනවා වගේ නෙමේ..
ඉතින් හැමෝටම නෙමේ මේ කියන්න. අපේ සමාජයේ ඉන්න තවත් එක කොටසක් ගැන තමා මේ කිව්වෙ.
👉 සිතන්නට යමක් ..... 🙏🙏💪
Copied
