12/05/2026
රන්ජන් රාමනායක නිර්මාණය කරපු 5වන සිනමා නිර්මාණය වන "OIC ගඩාෆි " චිත්රපටය ප්රේක්ෂක ඔබට දැන් දැකබලාගන්න පුළුවන්. රන්ජන් රාමනායක ප්රධාන චරිතයට පණ පොවන, 'OIC ගඩාෆි' හි මහේන්ද්ර පෙරේරා, ශ්රියන්ත මෙන්ඩිස්, වසන්ත මොරගොඩ, ධර්මප්රිය ඩයස්, ජයනි සේනානායක, කුමාර තිරිමාදුර, මහින්ද පතිරගේ, ගිහාන් ප්රනාන්දු, සමන් හේමරත්න, පියුමි බොතේජු, දිලුක්ෂි වීරපෙරුම වැනි ප්රවීණ මෙන්ම ජනප්රිය රංගන ශිල්පීන් රැසක් මීට රංගනයෙන් එක් වෙනවා. දැන් මේ කියන්න හදන්නේ රන්ජන් රාමනායක නිර්මාණය කරපු "OIC ගඩාෆි" හි ඇඳුම් නිර්මාණය කළ රමේෂා ඕෂනී ගැනයි.
"ගුත්තිල" සිනමා නිර්මාණයේ ඇඳුම් නිර්මාණය කරමින් තමයි රමේෂා සිනමා ක්ෂේත්රයේ ඇඳුම් නිර්මාණකරණයට යොමු වෙන්නේ. එතනින් පසුව "සිංහබාහු", "බුද්ධ මාතා" වැනි සිනමා නිර්මාණවල මෙන්ම ඉදිරියට තිරගත වීමට නියමිත තිලිණ බොරලැස්සගේ "මං හොයන්නේ ප්රේමයක්" සහ මහාචාර්ය සුනිල් ආරියරත්නගේ "කැලෑ හඳ" යන සිනමා නිර්මාණවලද ඇඳුම් නිර්මාණ කටයුතු කර තිබෙන්නේ ද රමේෂා විසින්.
සිංහබාහු චිත්රපටයේ හොඳම ඇඳුම් නිර්මාණ ශිල්පියා ලෙස ජාත්යන්තර සම්මාන උළෙලකදී සම්මාන ලබන්නටද රමේෂා වාසනාවන්ත විය. ඒ 2023 වසරේ පැවති පළමු බයෙල්සා අන්තර්ජාතික සිනමා සම්මාන උළෙලේ දී හොඳම වස්ත්රාභරණ වෙනුවෙන්. එමෙන්ම, සරසවි සම්මාන උළෙලේ දී 2024 පටන් හොඳම ඇඳුම් නිර්මාණ ශිල්පියාට හිමි සම්මානයක් හඳුන්වා දෙන ලදී. එම සම්මානයේ පළමු හිමිකාරිණිය වන්නේද ඔෂිනි. 2024 වසරේ පැවති දෙරණ සිනමා සම්මාන උළෙලේ දී "බුද්ධ මාතා" චිත්රපටය වෙනුවෙනුත් හොඳම ඇඳුම් නිර්මාණ ශිල්පියාට හිමි සම්මානය ලබන්නට විය.
රමේෂා මේ වෙන තෙක් එකම එක වේදිකා නාට්ය නිර්මාණයක ද වස්ත්රාභරණ සකසා තිබේ. ඒ "Blood Shadow" වේදිකා නාට්යය. ඒ වෙනුවෙන් 2024 වසරේ පැවති රාජ්ය සම්මාන උළෙලේ දී හොඳම වස්ත්රාභරණ වෙනුවෙන් සම්මාන ලැබිය.
