29/06/2021
මේ මා දුටු පළමු බබාත් එකම බබාත් නොවේ.
(2min Read. Not for copy) කියවා Share කරන්න.
-------------------------------------------
මෙම ලිපිය නැවත පලකරන්නේ මීට දින කීපයකට කලින් මවක් අහපු ගැටළුවකට පැහැදිලි කිරීමක් ලෙසයි.
හිතන්න චුට්ටක් ඉපදුනු ගමන් දවස් කීපයක් ඇතුලත කිරිසප්පයෙක්ට සිහිනැති කරල සැත්කමක් කරන්න උනොත් ඔයාට මොකද හිතෙන්නෙ?
අපි කවුරුවත් එහෙම වෙයි කියල හීනෙකින් වත් හිතන්නෙ නෑ නේද?
බබාලගේ උපතින්ම තියන ආබාධයක් නිසා එහෙම සැත්කමක් කරන්න වෙනව නම් ඒක කමක් නෑ. මොකද එහෙම දේවල් කොහොමහරි හදන්න ඕනිනෙ.
නමුත් එහෙම වෙන්නෙ වැඩිහිටියකුගේ මිථ්යා විශ්වාසයක් නිසා නම්?
නමුත් මේ කතාව සමහරුන් කරන වැරදි වැඩ නිසා පුංචි කිරිසප්පයන් නිකරුණේ සැත්කම් වලට ලක් කරන්න සිදුවීමක් ගැන. දවස් කීපයක කිරි කැටියෙක් සැත්කමකට ලක්කිරීම ඉතාම අවධානම් වැඩක්. නමුත් මේ වගේ අවස්ථාවදි ඉතින් නොකර බෑ. අවධානම අරගෙන බබාගෙ සැරව ගෙඩිය පළල අයින් කරන්න වෙනවා. නැතිනම් සැරව ගෙඩියෙ තියන විශබීජ ලේ වලින් ශරීරය පුරා ගිහින් බබාගේ ජීවිතයත් නැති වෙන තැනට යන්න දින කීපයකට වඩා ගත නොවෙන්න පුළුවන්.
අළුත උපන් දරුවන් ඉන්න තැන්වල සමහර අම්මලා, ආච්චිලා, නැන්දම්මලාට තමයි මේ කතාව විශේෂයෙන් කියන්න ඕනි. ඒ වගේම පැරණි දේවල් අහක දාන්න හොඳ නෑ කියල විවිධ මිථ්යා මත ඔලුවෙ තියාගෙන ඉන්න සහ ඒව හිස් මුදුනින් පිළිගන්න ඕනම කෙනෙක් මේව බලල වත් පාඩමක් ඉගෙන ගෙන තමන්ගෙ දරුවන්ට හානියක් වෙන දේවල් කරන්න යන්න වත් නෑදෑයො තරහවෙයි කියල ඒ අයට මේව කරන්න ඉඩ දෙන්න වත් එපා. දෙමව්පියන් විදියට මීට වඩා සැලකිලිමත් වෙන්න. මොකද තවමත් මේ දේවල් කරන, කන්න ඉඩදෙන දෙමව්පියන් නැතිව නොවේ.
මේ සිද්ධියට මුහුණ දුන් අහිංසක කිරි කැටියක් වෙෙද්යවරයෙක් විදියට මම දැකපු පළමු වතාව මෙය නොවේ. ඒ නිසා මේ ගැන කතා නොකරම බැරි උනා.
ශල්යාගාරයට අළුත උපන් දරුවෙකුත් වඩාගෙක අඩ අඬා එන අම්ම කෙනෙක් දැකල මම විස්තර ඇහුවා. බබාව දැක්කම තේරුණා මොකක්ද වෙලා තියෙන්නෙ කියල. බබාගේ එක පියයුරක ලොකු ගෙඩියක්. හොඳටම පැසවලා. ඉපදිලා දවස් 13යි. බබාට හොඳටම උණත් තියනවා. පැරසිටමෝල් වලට උණ බහින්නෙත් යාන්තමට විතරයි.
fb.me/suvapath
අඬා අඩා හිටිය අම්මගෙන් ඇහුවම විස්තරේ කිව්වෙ මෙහෙමයි. බබා ගෙදර අරන් ගිය දවසෙ ඉඳලම නැන්දම්ම විවිධ කතා කිව්වලු.
"බබාගෙ කිරි මිරිකල යවන්න ඕනි. නහය අතපය හදන්න ඕනි. ගම්මිරිස් පිඹින්න ඕනි."
දවස් ගානෙ මේ එක එකක් කියාගත් ගමන්ලු.
" මම කැමති උනේ නෑ. ඒත් නැන්දම්මාගෙන් බේරෙන්න බෑ. මට රණ්ඩු වෙන්න බෑනෙ මගේ උදව්වට ඉන්න කෙනා එක්ක. ඉතින් කිරි මිරිකල යැව්වා. දවස් 2 ක් යද්දී එතන හොඳටම ඉදිමුනා. අද රතුවෙලා. බබාට හොඳටම උණ. අනේ අඩනවා මට ඉවසන්න බෑ. පැටියට ගොඩක් රිදෙනව ඇති."
බබා ලැබිල වාට්ටු වාට්ටුවෙන් යද්දී එහෙම උපදෙසක් ලැබුණද?
" බබා හම්බුනාට පස්සෙ මොනවද කරන්න ඕනි කියල වාට්ටුවෙ මිසීලයි ඩොක්ටර්යි මට කියල දුන්නා. ඒ උනාට මටත් එච්චර තේරුමක් නෑනෙ පළවෙනි බබානෙ."
මේ විදියට තමයි ඒ අම්මා අපිට කිව්වෙ. කොහොම හරි බබාගේ තණපුඩුවක් ගොඩක් ඉදිමිලා පැසවලා. බබාට හොඳටම උණ. ශල්යකර්මයක් මගින් සැරව ගෙඩිය පලා ඉවත් කරල දින කිහිපයක් වාට්ටුවේ බෙහෙත් විදින්නත් සිදුවුනා.
දරුවා දුවෙක් නම් තවත් පුශ්නයක් තියනවා.
මේ ඔපරේෂන් එකේ දී වෙෙද්යවරු පුළුවන් උපරිමෙන් උත්සාහ කරනවා බබාගේ පියයුරු වල ක්ෂීර නාල (වැඩිහිටි වෙලා මවක් උනාම කිරි ස්රාවය වෙන්න තියන නාල) නොකැපී බේරගන්න. ඒ නිසා දුවෙක් නම් ඒ දේත් පසුකාලීනම මේ දරුවට බලපෑමක් වෙන්නත් බැරි නැහැ. සමහර විට නාල කිහිපයක් කැපිල යන්න බොහෝ දුරට ඉඩ තියනවා.
එක එක්කෙනා කියන කතා අහල කරුණාකර අළුත උපන් දරුවන්ට අනවශ්ය දේවල් කරන්න යන්න එපා. ඔබේ මෝඩකම් නිසා අවසානයේ විඳවන්නෙ ඔබේ ආදරණීය දරුවා. දරුවෙකුට ආදරයක් තියනව නම්, කවදාවත් 🔴🔴🔴
⚠️ (පියයුරු) කිරි මිරිකන්න එපා.
⚠️ අතපය, කකුල්, ඔළුව ආදී අවයව ඇදල තද කරල හදන්න යන්න එපා.
⚠️ අවුරුද්දක්වත් යන්න කලින් ලුණු සීනි දෙන්න එපා.
වැඩි විස්තර 👉https://youtu.be/4mgJQa7iMyA
⚠️ මාස 6 ක් යාමට පෙර මව්කිරි හැර කිසිම දෙයක් වෙෙද්යවරයෙකුගේ අවසරයකින් තොරව දෙන්න එපා.
වැඩි විස්තර 👉https://youtu.be/2Unvjl3cJLE
⚠️ අවුරුද්දට අඩු බබාට (ලංකාවෙ නම්) රටඉදි සිරප් දෙන්න එපා
වැඩි විස්තර 👉https://youtu.be/gaVA6gG2S84
⚠️ බබාට මී පැණි දාන්න කලින් මේ ගැන දැනුවත් වෙන්න
වැඩි විස්තර 👉 https://youtu.be/KvVQRcqcC2I
⚠️ බබාට walker පාවිච්චි කරන්න කලින් මේ ගැන දැනුවත් වෙන්න 👉https://youtu.be/8wUtko2xHvk
අපි හැමදාමත් වගේ අම්මලාව මේ "Best Parenting - බබාට හොඳම දේ මව්වරුන්ට "සමූහය ඔස්සේ දැනුවත් කරන කාරණාවන් මේ. අළුත උපන් දරුවන්ට නොකල යුතු දේවල් තවමත් මිත්ය මතයන් ඔලුවෙ තියන් ඉන්න අය සිදුකරන බව පේනවා. අවසානයේ පුංචි කිරිසප්පයන් දුක් විඳිනවා.
පහත ලින්ක් වල තියන ලිපි නිකමට කියවා බලන්න. කොයි තරම් මේ දේවල් ගැන සමාජය දැනුවත් කළත් තවමත් මෙවැනි දේ කරන අය නැතුවා නොවේ.
හැකිනම් Share කර දැනුවත් කරන්න.
𝚆𝚛𝚒𝚝𝚝𝚎𝚗 𝚋𝚢
𝐃𝐫 𝐓. 𝐊. 𝐉𝐚𝐲𝐚𝐰𝐚𝐫𝐝𝐞𝐧𝐚 (𝐌𝐁𝐁𝐒)
(𝘕𝘰 𝘗𝘦𝘳𝘮𝘪𝘴𝘴𝘪𝘰𝘯 𝘵𝘰 𝘊𝘰𝘱𝘺 𝘵𝘩𝘪𝘴 𝘢𝘳𝘵𝘪𝘤𝘭𝘦)
***උපුටා පලකිරීමෙන් වළකින්න. ***
Share කර දැනුවත් කළ හැකිය.
පහත මාතෘකා සම්බන්ධ වැඩි විස්තර අවශ්ය අය ලින්ක් ක්ලික් කර බලන්න.
---- More Videos for Parents |
දෙමව්පියන්ට වැදගත් වෙනත් වීඩියෝ ----
━━━☆ ━━━━━━━━━━━━━━
◾බබාගේ බර සම්බන්ධ - https://tinyurl.com/yj4rtgcy
◾බබාට කෑම පටන් ගැනීම - https://tinyurl.com/yha8mc43
◾ගර්භණී මවට දැනුම - https://tinyurl.com/yesqw6yy
◾බබාට කෑම රෙසෙපි - https://tinyurl.com/yevqprrm
◾කිරිදෙන මවට දැනුම - https://tinyurl.com/yhn69rj7
◾බබාගේ බර වැඩිවෙන කෑම රෙසෙපි - https://tinyurl.com/yfv7fgny
━━━☆ ━━━━━━━━━━━━━━
බබාට හොඳම දේ වෙෙද්යවරුන්ගෙන්ම දැනගන්න කැමති නම්, 👇👇👇
https://www.youtube.com/channel/UCsazuXa5D7xn7-16kNpR3dA?sub_confirmation=1
𝙎𝙪𝙗𝙨𝙘𝙧𝙞𝙗𝙚 > 👆 📹 𝗕𝗲𝘀𝘁 𝗣𝗮𝗿𝗲𝗻𝘁𝗶𝗻𝗴 𝗖𝗵𝗮𝗻𝗻𝗲𝗹
පහතින් තියෙන්නෙ අපි මීට ගොඩක් ඉහතදී ලියපු ලිපි 2ක්. (අංක 1 හා 2 බලන්න)
━━━☆ ━━━━━━━━━━━━━━
මව්වරුන් තුළ ඇත් මිත්යාමත අංක 1 ලිපිය
------------------------ 👉
https://www.facebook.com/groups/babagep/permalink/2295694440687155
මව්වරුන් තුළ ඇති මිත්යාමත අංක 2 ලිපිය
------------------------ 👉
https://www.facebook.com/suvapath/posts/791599344582487
නැණවත් මවක් සුවපත් දරු පරපුරක් උදෙසා...
හැකිතරම් Share කර දැනුවත් කරමු.
