12/02/2026
Good morning 😊
සම වයස් දරුවෝ ඉන්න අම්මා කෙනෙක්ට එයාගේ වැඩ පහසු කරගන්න පුළුවන් ක්රම කිහිපයක් ගැන ලියන්න හිතුනා.
මගේ නිවුන් පුතාලා දෙන්නා ලැබුනේ සති 34 න්, ඒ නිසා එයාලා NICU එකේ සති දෙකක් හිටියා, ඉතිං එයාලගේ මුල්ම නවාතැන වුනේ එතන. මුළු දවසෙම එයාලා ළඟ ඉන්න ලබුනේ නැති වුනත් එයාලා හරි ලස්සනට ඒ සති දෙක ඇතුලේ හිටියා. එයාලා ගෙදර ආපු දවසේ ඉදන්ම මම hospital එකේ routine එකම දිගටම කරගෙන ගියා. ඒක හරිම පහසු උනා මගේ මුල් දවස් ටිකේ වැඩ ටික කර ගන්න.
බබාලා දෙන්නගෙම පැය 3න් 3 ට feed කරලා නිදි කරද්දී පවා කව්රුත් නැතිව තනියම වුනත් වැඩ කරගන්න මේ නිසා පහසු වුනා. මගේ අම්මා, husband හිටියත් ඒ දෙන්නටම රෑ නින්ද නැති නොකර මට තනියම ඒ වැඩේ කරගන්න මේ ක්රමය නිසා පුලුවන් වුනා. මේ නිසා රෑ ට කොහොමත් මුල් මාස 03 නිදි මරන්න වෙන නිසා මම ඒක තනියම කරලා දවල් දවසේ අම්මාට, husband ඉන්න වෙලාවට එයාලට බලා ගන්න දීලා මම හොඳට පැය කිහිපයක් නිදා ගත්තා. ඒ නිසා ඒ දවස් අපිට ලොකු අපහසුවක් වුනේ නැහැ.
ඉතිං මම රෑට වගේම දවල් දවසටත් feed කරපු ක්රමය තමයි එයාලට පැය 3න් 3 ට කිරි දෙද්දී හැම තිස්සෙම විනාඩි 30 - 35 ක gap එකක් තියනවා දෙන්නගේ අවදි කරගන්න වෙලාවේ. ඒ කියන්නේ එක බබෙක් අරගෙන එයාට කිරි පොවලා burp යවලා nappy මාරු කරලා sleeping sack එක අන්දලා pacifier එක දීලා එයා නිදි කරවන තැනින් තියලා තමයි අනිත් බබාව ගන්නේ.
ගොඩාක් වෙලාවට මේ විදියට පුරුදු කරාම එක බබෙක්ගේ මේ වැඩ ටික කරලා ඉවර වෙන වෙලාවට වගේ අනිත් කෙනා නැගිටිනවා. ඒ නිසා කිසි අපහසුවක් නැතිව මටම මේ ටික තනියම කරගන්න පුළුවන් වුනා. මම බබාලට පැය 3න් 3ට feed කරද්දී කාමරේ light එක දැම්මේ නැහැ ඒ වෙනුවට පොඩි එළියක් එහෙම නැත්තම් dim light එකක් තමයි පාවිච්චි කලේ, මේ නිසා එයාලාගේ නින්දට බාදාවක් උනේ නෑ, බඩ පිරුණු ගමන් නිදා ගන්නවා.
එයාලට මාස 3 පහු වෙලා මාස 4 වගේ වෙද්දී එයාලට මම twin z pillow එකක් පාවිච්චි කරලා එක සැරේ feed කරලා කරට තියලා burp යවලා pillow එක උඩින්ම තිබ්බා. ඒ pillow එක නිසා breastfeed කරත් bottlefeed කරත් හරි පහසුවෙන් බබාලා දෙන්නටම කිරි පොවගන්න ලෙහෙසි.
ඉතිං එයාලා ටික ටික ලොකු වෙද්දී මගේ වැඩ පහසු කරගත්ත තවත් ක්රමයක් උපයෝගී වුනා. ඒ තමයි දෙන්නගේ වැඩ හැමදේම එකම වෙලාවේ කරන එක.
ඒ කියන්නේ එයාලා දෙන්නම කෑම කන්නේ, නිදා ගන්නේ, නාන්නේ (tub එකේ වාඩි කරලා නාන්න පුළුවන් කාලේ ඉදන්ම ) හැමදේම එකම වෙලාවේ එකට. ඒ නිසා එක දරුවෙක්ගේ වැඩ කරන වෙලාවමයි දෙන්නටම වැය වෙන්නේ, කාලය ඉතුරුයි වගේම ඔයාට දැනෙන මහන්සිය අඩුයි.
මීට අමතරව බබාලා දෙන්නාගේ ලොකු වෙද්දී දවල් දවසේ දෙන nap එහෙම නැත්තම් නිදා ගන්න වෙලාව හරියටම set up කරලා හැමදාම ඒ වෙලාවල් වලටම නිදි කරා. එතකොට දරුවට ඒ වෙලාව ලං වෙද්දී පුරුද්දට නිදි මත එනවා. අවුරුද්දෙන් පස්සේ දවල් දවසේ ගන්න nap වලදී උදේ කෑම වේලාවෙන් පස්සේ එක nap එකක්, දවල් කෑමෙන් පස්සේ එක nap එකක් විදියට එකම වෙලාවට දෙන්න පුරුදු වුනාම එයාල කිසි කරදරයක් නැතිව නිදා ගන්නවා වගේම ඔයාගේ වැඩ ලෙහෙසි වෙනවා.
මට හිතෙන විදියට මේ ක්රමය නිවුන් දරුවන්ට විතරක් නෙමෙයි, අවුරුද්දක දෙකක වයස් පරතර තිබෙන දරුවන්ට වුනත් පුංචි කාලේ එකට වැඩ කරගන්න පුරුදු කරගත්තොත් ඒක ගොඩාක් පහසු වෙවී. එතකොට තමන් වෙනුවෙනුත් කාලයක් වෙන් කරගන්න ඔයාටත් අවස්ථාවක් ලැබේවි.
කසුනි සේරසිංහ
07.02.2026
