26/04/2026
හාමුදුරුවෝ ඉස්සරහට ගන්නේ තරුණ ගෑනු ළමයි විතරයි ලු. වයසක අයට තැනක් නෑ ලු. පිරිමි ළමයිටත් නැනක් නෑලු. හිතවත් කමට ලු හැම දෙයක් ම වෙන්නේ..ආදී කතා මේ දවස් වල කනින් කොනින් ඇහුනා සහ කොමෙන්ට්ටු කීපයකම මම දැක්කා. ඕනම දේක ඇත්ත ඇතිසැටියෙන් බලා ගන්න නම් හොදින් ලං වෙලා බලන්න .. ඇවිත් කතා කරලා ම බලන්න කියල මං ඔයාලට යෝජනා කරනවා.
මගේ කතාව කෙටියෙන් මෙහෙමයි. මම සඳගිරිසෑ මහා විහාරයේ ඔන්ලයින් ව්යාපාර වැඩමුලුවට යන්න කලින් ඔන්ලයින් ව්යාපාරයක් කරන්න හීනෙකින් වත් හිතුවේ නැති මනුස්සයෙක් . හොදින් මතක තියාගන්න , ඒ වෙද්දිත් මම මගේ ව්යාපාරය කරගෙන ගියා. හාමුදුරුවෝ මට මැෂින් අරන් දීලා මහන්න ඉගැන්නුවා නෙවෙයි .ගොඩක් අය සමහර fashion පේජ් පෙන්නලා ඔයත් මේ වගේ ඔන්ලයින් කරන්නකෝ කියල යෝජනා කල අවස්ථා ඕන තරම් තිබුනා.ඒත් මගේ කිසිම කැමැත්තක් ඒ වෙනුවෙන් තිබුනේ නැහැ. නමුත් එක්තරා අවස්ථාවක් එනවා මේ රටේ ඇති වුන අර්බුද කාරී තත්ත්වය එක්ක මගේ ව්යාපාරය නොහිතූ කඩා වැටීමකට මුහුණ වෙන්න වෙන, ඉතින් මම වැටුනා . ඉතින් ඊට පස්සෙ තමයි මම පිඳුරු ගහේ හරි එල්ලිලා ගොඩ එන්න දගලන්නේ.
අන්න ඒ කොහොමහරි ගොඩ එන්න ඕන කියන සිතුවිල්ලත් එක්ක තමයි මං හන්තාන ව්යාපාරික වැඩමුලුවට එන්නේ..
එදා එද්දී මට වීඩියෝ හදාගන්න තරම් සුදුසු පෝන් එකක් වත් තිබුනේ නෑ. ඒත් මං එදා අපේ හාමුදුරුවෝ උගන්නද්දී ඉස්සරහට ම ගිහින් උන්වහන්සේගේ දෙපා මුලම බිම ඉදගත්තේ මේ දේ අවබෝධ කරගෙන මිසක් නැවත මට එතර වීමට වෙන මඟක් සරණක් නැති බව හිතට හොදට මතක් කරලා දෙන ගමන්. ඉතින් අන්න එහෙම තමයි මගේ ජීවිතේ නැවත ඉපදීම ඒ පිං බිමේ දි සිද්ද වුනේ.
තව දෙයක් . උදේ අටේ ඉදලා හවස පහත් පහුවෙනකල් අපේ හාමුදුරුවෝ දන් වලදන්න වත් පිටත් වුනේ නෑ .වෙලාවට කෑමක් බීමක් නැතුව ඉදහිටක අපි වගේම බිම ඉදගෙන වතුර බිබී උගුර ලේ රස වෙනකල් කෑ ගැහුවේ මට විතරක් විෂේශ කරලා නෙවෙයි , ශාලාව කෙලවරටම ඉන්න හැමෝටම එක විදියට ඇහෙන්න. නිතරම කිව්වේ උබලා දියුණුවෙයල්ලා.. ඒක එච්චර අමාරු නෑ.. මං කියන විදියට කරපල්ලා කියල විතරයි . කවුරු හරි ඉන්නව නම් හාමුදුරුවන් ට දොස් කියන කෙනෙක් මං කියන්නේ එක දෙයයි , පුළුවන් නම් ඇවිත් අහගෙන ඉන්න එක දවසක් .. ඒ වගේ අනිකාගේ යහපත දියුණුව ගැන හිතන තව අය මේ ලෝකේ ඉන්නව ද.. කියල හිටියත් ඒ ස්වල්පයක් විතරයි .
ඉතින් එහෙම ඉගැන්නූ පලියට ඒ හැමෝම ගොඩ යනවද..
නෑ .. කොහෙත්ම නෑ... කවුරු මොන දේ ඉගැන්වූවත් ධාරණ ශක්තිය ඔබ තුල නැති නම් ඔබ එතනට ගිය එක ප්රයෝජනවත් නැහැ.සියල්ල ඉගනගෙනත් එය ක්රියාත්මක නොකලොත් ඔබට දිනන්න හැකියාවක් නැහැ. කවුරු මොන දේ ඉගැන්න්වූවත් ඔබ තුල ඇති නිර්මාශීලී හැකියාව , කථිකත්වය ඒ වගේ ම ඔබේ ප්රියමනාප රූපය , හැසිරීම ඇඳුම් පැලදුම් පවා යොදා ගෙන ඔබේ ගමන යායුතු වන්නේ ඔබම තමයි .
ඒ වගේම තව දෙයක් තියෙනවා.. අපිට දුර වැඩියි. මට බබෙක් ඉන්නවා. අපිට උගන්නවන්න මෙහේට එන්න කියන්න වගේ කතා. තමන්ට දියුණු වෙන්න ඕන නම් ඒක තමන් සතු දෙයක් මිස කාටවත් ඔබේ ලගට ඇවිත් ඔබව දියුණු කරන්න උවමනාවක් නැහැ. හැමදේම ලේසියෙන් ලගා වෙනකල් බලාගෙන ඉන්න මිනිස්සු කවදාවත් දියුණු වෙලත් නැහැ . වෙන්නෙත් නැහැ. මම හන්තානට යද්දී මගේ දරුවට අවුරුද්දයි. ඒ දරුවා බලාගන්න එක්කරගෙන ගිය මගේ නංගිගෙ බබාට මාස තුනයි. ඉතින් ඔන්න ඔය වගේ අමාරු ගමනක් තමයි මාතර ඉදලා මහනුවරට මාත් ගියේ...
ඊලග කාරණාව..ඉතින් පිරිමි අයට උගන්නවන්නේ නැතුව ද..නෙවෙයි . හැම කෙනෙකුට ම සහබාගී වෙන්න කියන්නේ තමන්ගේ සහකරු හෝ සහකාරිය සමග මිස තනියම නෙවෙයි . සමහරු දෙන්නම එකතුවෙලා ව්යාපාරය කරගෙන යද්දී , කාන්තා පාර්ශ්වය විතරක් සහ පිරිමි පාර්ශ්වය විතරක් කරගෙන යන ව්යාපාර තියෙනවා..
එතකොට වයස වැඩි අයට තැන දෙන්නේ නැද්ද.. ඇයි නැත්තේ... ගොඩක් වයස වැඩි අයට ඔය වැඩේ තේරුම් ගන්න අමාරුයි . ඒ වගේම විඩියෝ හදාගන්න තේරුමක් නැහැ. ඉදිරිපත්කිරිම් දුර්වලයි. ඒකයි වෙන්නේ . හන්තානේ හාමුදුරුවන් ගෙන් ඉගෙන ගත්ත නිසා බලනවා කියල කවුරුවත් කාගෙවත් වීඩියෝ බලන්නේ නැහැ . ඒක බලන කෙනාගෙ කැමැත්ත මත සහ ඔබේ නිර්මාණයේ ඇති ගුණාත්මකබව මත වෙන දෙයක්. ඉතින් හාමුදුරුවන්ට දොස් කියලා වැඩක් නැහැ.
හාමුදුරුවෝ තැන දෙන්නේ කාටද..? තමන් උගන්වන දේ හරියට ම ඉගෙන ගන්න, ඒ වගේම ඒක හරියටම ක්රියාත්මක කරන එයින් ඉස්සරහට එන අයට හාමුදුරුවෝ හරි කැමතියි. එයාලා දිහා හාමුදුරුවෝ ඇහැ ගහගෙන ඉන්නේ . මමත් ගිය පලවෙනි දවසේ වැඩසටහනට සහභාගි වුන තවත් එක කෙනෙක් විතරයි .වෙලාව ආවම ඒ කෙනා සඳගිරිසෑ පවුලේ සාමාජිකයෙක් වෙනවා. එතකල් ඔබ වැඩසටහනට සහභාගී වූ තවත් එක්තරා පුද්ගලයෙක් පමණයි. ඔබේ ඔන්ලයින් ව්යාපාරයේ පිබිදීම ඔබ විසින් සාර්ථකව සිදු කර ගන්නාතෙක් කල් ඔබට සඳගිරිසෑ පවුලේ සාමාජිකත්වය ලැබෙන්නේ නැහැ.
ඒ විතරක් නෙවෙයි ඔය සියල්ලක් ම අතරේ ඔබ කවුද , ඔබේ ගති ස්වභාවයන් කොහොමද , ඔබේ මනුෂ්යත්වය කෙසේද යන සියල්ලත් උන් වහන්සේගේ නිරීක්ෂණයට ලක් වෙනවා. ඉතින් ඔය හැම දෙයකින්ම පරිපූර්ණ වුනත් අන්තිම පරීක්ෂණය අසමත් වුනොත් හාමුදුරුවන් ගේ ලගින් රැදෙන්න බැරි වේවි.
මට දැනුන විදියට මං ලිව්වේ.
ඉතින් සහබාගි වෙලා දිනන්න කැමති අය ඉන්නවා නම් ඔන්න මේ මැයි පළවෙනි දා ඒ දුර්ලභ අවස්ථාව ආයෙත් උදා වෙනවා. ගොඩයන්න කැමති අයට එන්න පුළුවන් ..Gangasiripura Dhammaloka Thero අපේ හාමුදුරුවන් ගේ පේජ් එක follow කරලා ඒ හැම දෙයක් ම දැන ගන්න පුළුවන් .
