27/07/2022
හෝ ගානා පොකුණ 2015
සිහින දිනන අරගලය
හැමදාම විදේශ චිත්රපට, කතා මාලා ගැනම කතා කරන එකේ මට හිතුණ වෙනසකටත් එක්ක සිංහල චිත්රපටයක් ගැන ලියන්න. ඒකට මං තෝරගත්තෙ 2015 ලංකාව පුරා අතිසාර්ථකව තිරගත උන “හෝ ගානා පොකුණ” මං හිතනව මේක ගොඩදෙනෙක් බලල ඇති කියලා. ඒ නිසා නොබලපු කෙනෙක් ඉන්නව නම් මේක Spoilers තියන Review එකක් කියලා මතක් කරනව ඕන් දැන්මම.🙂
මේ චිත්රපටය අධ්යක්ෂණය හා තිර රචනය කරන්නෙ ඉන්දික ෆර්ඩිනැන්ඩු මහත්මය. සංගීතය දිනේෂ් සුබසිංහ මහත්මයගෙ. ප්රවීණ රංගන ශිල්පීන් ශිල්පිනියන් රැසක් මේ අපූරු චිත්රපටයට දායක වෙනව.
කතාව මුලදිම ලංකාවෙ අධ්යාපන සංස්කෘතියට මරු කනේ පහරක් දීල තමා පටන්ගන්නේ😌. ඇයි යකෝ, ළමයි 100ක්වත් නැති,ගුරුවරයෙක් කියලා ප්රින්සිපල් සර් (ලූෂන් බුලත්සිංහල මහත්මය) විතරක් ඉන්න, අඩුපාඩු එමට තියෙන ඉස්කෝලෙ සංවර්ධනයට කියලා පියානෝ එකක් එවනව.😂 මට හිතෙන විදිහට එතනින් මතුකරන්න හදන්නේ, මේ ලංකාවෙ අධ්යාපනය භාර ලොකු ලොක්කන්ට කොච්චර නම් බිම් මට්ටම ගැන දැනුමක් තියෙනවද, ඇත්තටම ඒ අයට මේ අධ්යාපනය විධිමත් කරන්න කොච්චර උවමනාවක් තියෙනවද කියන එක කියලා.😜 එතනදි අපේ ලොකු සෑර්ගේ වචනෙ “මේකක් විතරයි මෙහෙට අඩු වෙලා තිබ්බේ"
අපි මේකේ චරිත ගැන කතා කලොත් මං හිතන විදිහට උක්කුං තමා කතාවෙ නිල නොලත් නායකයා උක්කුං කියන්නේ කුතුහලය, ඉදිරියට එන්න තියන බය නැතිකම, ඇට්ටරකම, ගවේෂණාත්මක බව වගේම නායකත්ව ගති ලක්ෂණ පිරුණ චරිතයක්. පියානෝව සම්බන්ධ සිද්ධියෙදි හැම එකාටම මේ මොන ඉලව්වක්ද කියලා දැනගන්න ආසාවක් තිබ්බත් ලොකු සෑර්ගෙ "මකර" 🐉 කතාවෙන් කට්ටිය පොඩ්ඩක් පහු බැහැල හිටියෙ. හැබැයි පොරටනම් ඕන උනේම ඇරල බලන්නමයි🤭. ලොකු සෑර් කිව්ව පළියට උක්කුංට ඕන උනේ නෑ ඒක පිළිගන්න. මකරට අහුවෙන්න හරි පොරටම ඇත්ත නැත්ත දැනගන්නයි ඕන උනේ. කව්රුත් කිව්ව පළියට, කාලයක් පුරා පැවත ගෙන ආවයි කියලා, කිසිම හෙවිල්ලක් බැලිල්ලක් නැතුව දේවල් විශ්වාස කරන්න යන අපිට මේ උක්කුං හොඳ පාඩමක් නෙමේද කියා දෙන්නෙ අම්මපා.🤔 ඒ වගේම තමා උක්කුං පියානෝ සිද්ධියෙ වගකීම භාර අරන් ලොකු සර් ගෙන් ගුටිකෑව නියම නායකයෙක් විදිහට😎. අපි පත් කරල යවපු නායකයෝ වැඩ අනාගෙන " අපිව පත් කරල එවපු අයත් මේවට වගකියන්න ඕන" කියන සමාජයකට උක්කුං හොඳ පූර්වාදර්ශයක් නෙමේද??. ඒ වගේම උක්කුං තැලුම් වලට බෙහෙත් ගාන ගමන් කියනව " ගුටි කෑවට මං ලොකු දෙයක් හොයාගත්ත. මං දොර ඇරියෙ නැත්නම් අපි ඔක්කොම තාම හිතන් ඉන්නෙ අර පෙට්ටියෙ ඇතුළෙ මකරෙක් ඉන්නව කියලා"😎. අලුතින් හිතන්න, අලුත් දෙයක් කරන්න, පවතින සමාජ සම්මතේට එපිටින් යන්න, අවධානමක් අරන් කැපකිරීමක් කරන්නම වෙනව. ඒවගේම තමා උක්කුං කොලුව කියන්නේ out of the box හිතන කෙනෙක්. හොඳට මතක් කරල බලන්න. "හඳේ ඉන්න කිරි හාවා" සින්දුව ඉවර වුණාට පස්සෙ හැමෝම අලුත් ටීචර්ව වටකරන් හඳ ගැනයි, රොකට් ගැනයි අහද්දි අපේ උක්කුව ඇහුවේ "ඇයි ටීච මිනිස්සු හඳට ගියේ" කියලා 😏
මේ පොඩ්ඩන්ගෙ හීනෙ දිනවන අරගලයට ලොකු හයියක් උන චරිතයක් තමා උමා මිස් (අනුසුයා සුබසිංහ මහත්මිය). ආරම්භයේ ඉදන්ම පෙන්නනව මිස් ඇත්තටම මේ ළමයින්ගෙ ජීවිතෙ වෙනසක් කරන්න ආපු කෙනෙක් වග. මිස්ගෙ ආගමනයෙන්ම ළමයි තුළත් මෙයා අනික් අය වගේ නෙමේ කියන හැඟීම ඉස්මතු කරනව.
උපුලි: එයා සුදුද?
උක්කුං: නෑ කළුයි
උපුලි: එහෙනම් එයා ඉන්නව
උක්කුං: කොහොමද එහෙම කියන්නේ
උපුලි: කලින් හිටපු හැමෝම සුදුයි
ඕන් ඔහොමයි පොඩ්ඩො අලුත් ටීචව දැක්කේ.බලාපොරොත්තුවක් ඇතිකරගත්තේ. ඉතින් හරි හරියට පිරිමි එක්ක බස් එකක් තල්ලු කරපු, ගමේ බුද්ධිමත්ම පුද්ගලයො දෙන්නගෙන් එක්කෙනෙක් වෙන ග්රාමනිලධාරි මහත්තය (දයාදේව එදිරිසිංහ මහත්මය) එක්ක දාම් ඇදල පරද්දපු අලුත් මිස්, ඇත්තටම මෙච්චර කාලෙකට ආව ගුරුවරුන්ගෙන් වෙනස්ම කෙනෙක් කියලා අපිට ඒත්තු ගන්නනව. ළමයින්ට හීන දකින්න කියා දෙන හැටි😌👌.
ග්රාමනිලධාරි මහත්තය අනේකවිධ බාල්දි පෙරලද්දිත්, නොසැලිව ළමයි වෙනුවෙන් ඒව දරාගෙන කොහොමහරි හෝ ගාන පොකුණ පෙන්නලම පස්ස බලපු චරිතයක්. අවසානෙදි ළමයි මුහුද ඉස්සරහ සතුටු වෙද්දි එයා එච්චර කාලයක් හිතේ හිර කරන් ඉදපු පීඩනය කඳුළු විදිහට පිටවෙනව එයාටත් පාලනය කරගන්න බැරුව. එක තැනකදි
ගමේ බස් එක ඉල්ලන්න ග්රාමනිලධාරි තුමා ළඟට යන උමා මිස්ගෙන් එතුමා අහනව. " මුළු ගමක්ම කැමති කරවගන්න ඔය නෝනට පුළුවන් වෙයි කියලා හිතනවද? " කියල. එතනදි මිස් තමන්ගෙ පොඩ්ඩො දිහා බලල හරි ලස්සන උත්තරයක් දෙනව. "මට බෑ, හැබැයි අපිට පුළුවන් "😌. තනි තනිව ගත්තම අපි බලරහිත වෙන්න පුළුවන්. හැබැයි එකට එකතු උනාම අපිට කරන්න බැරි දෙයක් නෑ. ඒක අපිත් පහුගිය කාලෙ ක්රියාවෙන්ම ඔප්පු කරල පෙන්නුව. 😎❤️
ඊළඟට අපේ ළමයින්ගේ තිරය පිටුපස වීරය ලොකු සෑර්. මුලදි නම් අපිට පෙන්නන්නෙ සෑහෙන සැර පරුෂ, හිතක් පපුවක් නැති දරුණු කෙනෙක් කියල.👹️ කොටින්ම උදා රැස්වීම් තියන්න හදපු එකටත් අනන් මනන් දොඩවන්න ගත්ත. ඒ නිසා මුල ඉදන්ම සර් " නපුරෙක් " කියන චිත්රය අපේ ඔලුවෙ මැවෙන්න ගන්නව. අනේ දෙවියනේ ඒත් චිත්රපටය මැදක් වෙද්දි මේ ළමයින්ගෙ හීනෙ වෙනුවෙන් ඒ සර් කැප වෙන විදිහ දැක්කම අපි කොච්චර වැරදිද කියලා හිතෙනව. පිටින් හිත් පිත් නැති විදිහට හැසිරුණත්, ඇතුළෙන් සෑහෙන මෘදු හදවතක් තියෙන පුද්ගලයෙක් කියලා අපිට ක්රම ක්රමයෙන් ඒත්තු ගන්වනව. අපි දැක්ක මුල ඉදන්ම පාසල් වෙලාවෙ ළමයි යොදවලා වගා කරනවා ලොකු සෑර්. මුලින් ලොකුවට ඒ ගැන කතාවක් නැති උනත් මුහුදු ගමනට සල්ලි හරස් වෙන්න යද්දි තමා එතන තිබ්බ සැඟවුණු කතාව එළියට එන්නේ, ලොකු සෑර් අමල්ගෙ ගෙදරදි කිව්ව විදිහෙන්ම කියනවනම් "ඔය මේ වාරෙ ඉස්කෝලේ වගාවේ ආදායමෙන් අමල්ගෙ කොටහ. මං සැලසුම් කලේ නම් අවුරුද්ද අන්තිමේදි කට්ටියම ග්රාමීය බැංකුවට එක්කන් ගිහිල්ල තම තමුන්ගෙ කොටහ බැංකු පොත්වල දාල දෙන්න, ඒත් අපේ මුහුදු ගමන බැංකු ගිණුමකට වඩා වටිනව කියලා මට හිතුන" බලන්න ඉතින් පොතක පිට කවරෙන් පොතක් මනින්න එපා කියන්නේ කට කහනවටද?😄 මට හිතෙන විදිහට නම් අපේ ලොකු සෑර් පවතින ක්රමය ගැන කලකිරීමෙන් උනත් ඒකට අනුගත උන කෙනෙක්. අලුත් දෙයක් කරන්න, වෙනසක් කරන්න, උද්යෝගයක් නෑ. හැබැයි මුලදි තරුණ ජවයක් කරලියට ඇවිත් වෙනසක් කරන්න හදද්දි පස්ස ගහන්න හැදුවත්, එයා අකුල් හෙලුවෙ නෑ. අවසානෙදි තරුණ ජවයට ඉඩ දෙන ගමන්, තමන්ගෙ උපරිම සහයත් ලබා දෙන්න පෙළඹෙනව. බලන්න අපේ වයසක පරම්පරාවට කොච්චර ආදර්ශයක්ද කියල.😜
දැන් අපි යං අපේ දුෂ්ටය දිහාට. අපේ ග්රාමෙ. ගමේ තරමක උගත්කමක් තියන කෙනෙක්. ගමේ එකම බස් එකේ අයිතිකාරය. පුළුවන් තරම් බාල්දිමයි පෙරලුවෙ.🤣 තරමක් උගත් හැබැයි සාම්ප්රදායික මනුස්සයෙක් විදිහට මං දකින්නේ. එයා ගෙදර ළමය, බිරිඳ ඉස්සරහ තමන්ගෙ ආධිපත්යය පතුරන් ඉන්න උත්සාහ කරන බවක් පෙන්නුව. එතනින් අපිට හිතාගන්න පුළුවන් එයාට ගොඩක්ම තිබ්බේ නිකන් මේ පොඩි කෙල්ලට පැරදෙන්න බෑ, මගේ අබිමානෙ රැකගන්න ඕන වගේ සීන් එකක්. මොකද පොර මොනා කරත් උමා මිස්ට විසඳුමක් තිබ්බ. චිත්රපටය පුරාවට දෙන්නගෙ දාම් තරඟෙ තිබ්බේ.😌තරුණ ජවයට ඉඩ දෙන්න අකමැති වයසක ඩෑල් එකක්.😏
චිත්රපටයෙ හිටිය ආතල්ම චරිතෙ.ජස්ටින් මාමා (ජයලත් මනෝරත්න මහත්මය😔 දැන් අපි අතරින් වෙන් වෙලා ඉන්නේ) නොහොත් බස් එකේ ඩ්රයිවර් මහත්තය. අනේ හරි අහිංසක එදාවේල හම්බකරන් කන්න ගේමක් දෙන නූගත් සාමාන්ය ගැමියෙක්. එතුමගේ රංගනය ගැන ඉතින් කවර කතාද. ජස්ටින් කියන නූගත් අහිංසක ගැමි චරිතය අපේ හිතට කොච්චර කාවදින විදිහට ඉදිරිපත් කරාද කියනවනම් මේ මනෝරත්න මහත්මය කියලත් අමතක වෙනව.❤️
ඔයාටත් අනිවාර්යයෙන්ම හීන ඇති. ඒව හඹායද්දි නොයෙකුත් බාධක එනව ඇති. හරියට මේ පොඩ්ඩන්ට උනා වගෙ. සමහර වෙලාවට දිනන්න ඔන්න මෙන්න තියෙද්දි බාල්දි පෙරළෙනව ඇති. දැක්කනේ, අච්චර ලයිසන් අරන් සෑහෙන මහන්සි වෙලා මේ ගමනට ලෑස්ති උන ජස්ටින් මාමටත් අන්තිම තප්පරේ බඩේ අමාරුවක් ආවා.🤣💔 ඒ වගේ තමා ප්ලෑන් කරපු විදිහට හැමදේම නොවේවි. ඒත් විසඳුමකුත් ඒවගේම මතුවේවි.❤️
ඇත්තටම බැලූ බැල්මට හෝ ගාන පොකුණ ළමා චිත්රපටයක් වගේ පෙනුනට ඇත්තටම මේක වයස් භේදයකින් තොරව රසවිඳන්න වගේම ජීවිතයට යමක් එකතු කරගන්න පුළුවන් මට්ටමේ නිර්මාණයක්. වෙලාවකට හැඟීම්බර, ඊළඟ නිමේෂයේ බඩ පැලෙන්න හිනාවෙන්න පුළුවන්, හිතන්නත් යමක් එකතු කරපු ගුණාත්මක චිත්රපටයක්.
ඉතින් මේක තමා හෝ ගාන පොකුණෙ මගේ කියවීම. කොච්චර බැලුවත් එපා වෙන්නැති හරි ලස්සන කතාවක්. ඊළඟට කියන්නම ඕන සංගීතයයි, ගීතයිනම් ඉස්තරම්. නිතරම මිමිණෙනව. ඇත්තටම තව තව ලංකාවේ මේ වගේ ගුණාත්මක ලස්සන නිර්මාණ බිහි වෙනවනම් චිත්රපට ශාලා හිස් වේවිද??...❤️
ඒවගේම මේ චිත්රපටය ගැන ඔයාගේ අදහසත් අපිට කියන්න
මේ අමාරු කාලෙ පරිස්සමෙන් ඉන්න. හීන වියැකෙන්න දෙන්නෙපා.❤️
✍️Admin: | ශ්රී කොම්
