14/08/2021
"ආහ් මොකද වෙන්නේ කොලඹ..."
"අපි අංක බින්දුවයි එක රස්!තියාදු පදනම"
මේ ලයින් දෙක සිග්නේචර් ලයින් දෙකක් කිව්වොත් ඒක වැරදි නෑ. එතනිං තමයි මේ ගැංස්ටර් රැප් කියන එකට හරියටම ලංකාවේ කන් හුරැවෙන්න ගන්නේ.
රස්තියාදු පදනම කියන්නේ ලංකාවේ රැප්වල තියන මේ දෙවන හෝ තුන්වන රැල්ල ඇතිකරන්න ලොකු බලපෑමක් කරපු කණ්ඩායමක්. ඉරාජ්ලගේ ගේමක් දීලා, ෆිල්ටිගේ අපේ පැත්තේ මාර සිද්දි වගේ රැප්වල "ගැංග්ස්ටර් රැප්" කියන එක ගෑවිල තිබුනත් ඇත්තටම ගැංග්ස්ටර් රැප් ආරේ ලොකු ජනප්රියතාවක් ඇතිඋනේ රස්තියාදුපදනම එලියට දාපු සෙල්ෆිරැප් දෙකතුනෙං කිව්වොත් ඒක අතිශෝක්තියක් නෙමෙයි.
දැන් මේව කිව්වට රැප් ගැන නොදන්න කෙනෙක්ට ඕක ටිකක් පැහැදිළි නැති නිසා කථාව මුල ඉඳල පටන්ගමු.
Hip Hop කියන්නේ සංගීතය සහ තාල මුල්කරගත්ත කලාවක්.මේකෙදී බොහෝවිට කාලයත් එක්ක පරිණාමය වෙලා ආව සංධ්වණි එකතුකරමින තාල ගොඩනැගීම මූලික වෙනවා.මේකෙදී සංගීත තාල සහ නාද රටා භාවිතාකරමින් රසවින්දණය ගොඩනගනවා.හැබැයි මේක සංගීතය විකරක් කියලා සීමා කරන්න බැහැ.Hip Hop කියන්නේ උපසංස්කෘතික ජීවන රටාවක්. මේකෙදී ඇඳුම් පැලඳුම්, වාග් විලාශය, අදහස් ප්රකාශ කිරීමේදී එය අභිණය කිරීම, ආවේනික ආචාර සමාචාර දැක්වීම, සමාජ සම්බන්ධතාවල ආවේනික බව කැපී පෙනෙනවා.
රැප් කියන්නේ මේ Hip Hop කලා මාද්යයේම ශාඛාවක්.Hip Hop වලදී සංගීතය සහ නාද රටා මූලික පදණම වෙනකොට රැප් වලදී කාව්ය මය වචණ භාවිතය, වචණ ඉදිරිපත්කිරීමේ සුහුරැබව, ගැඹරැ අදහස් කලාකරැවාගේ වචණ හැසිරවීමේ කුසලතාව මත කාව්යමය ලෙස ඉදිරිපත්කිරීම මූලික කරගන්නවා.සරලව කියනව නම් රැප් වලදී Hip Hop වල හරය වෙන සංගීතය සහ නාදරටාවලට අමතරව සුහුරැ කාව්යමය වාග් විලාශයට මුල්තැන ලැබෙනවා.ඒ කියන්නේ Hip Hop සංගීතයේ සහ ජීවන රටාවේ කාව්යමය වචණ හැසිරවීම සහ සුහුරැ වාග් විලාශයට මුල් තැන දෙන ශාඛාව තමයි රැප් කියන්නේ. දැන් ඔය Hip Hop වල බෙදිලා ආපු රැප් කියන ශාකාව විවිද පැතිවලට බෙදිලා යනවා. ඒ කලාව ඇතුලේ කලා කාරයා කථාකරන දේවල් සහ ඔහු යොදාගන්නා පද සහ නාද රටා පදනම් කරගෙනයි. එතනදී තමයි වීදීය, ධාමරිකකම්,අරගලකිරීම්, ගැන කථාකරණ ආක්රමණශීලී වචන ගැලපීම එක්ක යන ගැංස්ටර් රැප් ආර ඇතිවෙන්නේ.
මේක 1980 දශකයේ මැද බාගයේ තමයි පටන්ගන්නේ. මේකට පදනම වැටුනේ Ice-T, Schoolly D, වගේ අයගෙන්.පස්සේ Beastie Boys, Mobb Deep,NWA, Rakim, Big Daddy Kane, LL Cool J, වගේම Death raw Records (2pac ඇතුලුව), Notorious Biggy වගේ ගොඩක් අය මේ සංගීත ආර එක්ක ගමන්කරා. මේකට එදා ඉඳලම විවේචන තිබුනා. බොහොදෙනෙක්ගේ විවේචණ උනේ මේක ප්රචන්ඩත්වය, ඝාතන, මත්ද්රව්ය ජාවාරම් සහ මැරකම සමාජය පුරා වපුරනබවයි. නමුත් ඇත්තටම මේ කලාව ඇතුලින් කරේ තමන් ජීවත්වෙන සාමාජීය වටපිටාවේ සැබෑ ස්වභාවය ඔවුන්ගේ සැබෑ ජීවන විලාශය සහ වාග් මාලාව තුලින් ප්රකාශකිරීම පමණයි. මොකද gangster rap තිබුනත් නැතත් ඔය කියන ධාමරික කම්, ඝාතන වගේම මත්ද්රව්ය ඒ සමාජයේ තිබුනා. ගැංග්සටර් රැපර්ස්ලා කලේ මේ ඔවුන් ජීවත්වන සාමාජීය වටපිටාව ගැන තමන්ගේ එදිනෙදා ජීවන සටන සහ හිතේ තියන හැඟීම් කලා මාධ්යයක් තුලින් දක්ශ විදිහට එලිය ගෙනාපු එක විතරයි. ඒකෙදී එයාලා තමන් එදිනෙදා භාවිතාකරන රළු වචන මාලා ඒවිදිහටම යොදාගත්තා. මොකද රැප් කලාව, විශේශයෙන් "පරණ ගුරැකුලයේ රැප්"(old school rap) ගත්තම ඒක කලාකාරයගේ ස්වභාවික ජීවනපරිසරය සහ සත්යවාදීබවට මුල්තැනක් දුන්නා.ඒක නිසයි පරණ ගුරැකුලයෙදී නියම වීදි ජීවිතයක් නොතිබුන අය ගැංග්ස්ටර් රැප් කරේ නැත්තේ. උදාහරණයක් විදිහට EMINEM ගත්තොත්, ඔහු කොයිතරම් රළු සහ ආක්රමණශීලී රැප් ගායකයෙකු උනත් ගැංග්ස්ටර් රැප් ආරට රැප් කරන්නේ නෑ. මොකද ඔහුට එහෙම පසුබිමක් නැති නිසා. නමුත් කොයි තරම් සුමට සරල නාදරටා භාවිතා කරත් Snoop Dogg ගේ පදරචනා ගැංග්ස්ටර් රැප් ආරටම යනවා, මොකද ඔහු සැබෑ වීදී ජීවිතයක් තියන කෙනෙක් නිසා.
ඉතින් දැන් මේ විදිහට ගොඩනැගුන ගැංග්සටර් රැප් කලාව ලංකාවේ ජනප්රියවෙන්න හේතුවෙච්ච ප්රධාන කණ්ඩායමක් තමයි "රස්තියාදු පදනම" කියන්නේ. මේකෙදී ඒගොල්ලොත් කරේ එයාලට හුරැ පුරැදු සමාජතලය, එයාලගේ ජීවන අත්දැකීම්, එයාලගේ විවේචන, තරහව,ගැන එයාලගේ වචන භාවිතය තුලින් ඉදිරිපත්කරපු එක. ඒ කථාකරේ කිසිකෙනෙක් ප්රසිද්දියේ කියපු නැති එයාල හිටපු සමාජ කණ්ඩායම ගැන.මලියා එකතැනක මෙහෙම කියනවා
🔊අපි හිටියට ඇඳගෙන කාගෙන බීගෙන-නෑ රීගෙන දීගෙන
පීනලා පීනලා නරා වළෙන් එලියට-බේරිලා ආවෙ ඩෝ කිමිදීගෙන
දවසෙම ඉඳගෙන ගහගෙන සූස්තිය-කළුවර වෙනකම් ඉන්නෑ ගෝස්තිය
ආඩම්බරයි ප්රාන්තය රස්සාව නාස්තිය-රස්තියාදු ජීවිතේ නසරාණි පදනමේ
මම ඉපදුණේ දුප්පත් කන්නෑ ලොවෙත් ආයේ හීල්බත් බෝඩරේ කොල්ලෝ නෑ සිල්ගත්
හැරෙද්දි කියන්නම් කවුද සතා-කවුද උස්සන්නේ අත් කවුද නගින්න යන්නේ කොළ නැති ගස්
එළිපිට ගැහුවට ලේසර් වද්දන්නෑ ලොවෙත් ඈතට
ෆිට් එක දෙන්නෑ පාටට
ෆිට් එක බොක්කට සප් එක සද්දෙට නෙමේ ඩෝ අතිගරු වැඩ්ඩට
ඩොට් එක දාගෙන කැපුවට කට් එක-පැත්තට පැනගෙන වත්තට හේත්තුකරං-ගැට්ටට
මූණට තියලා උඹේ යකඩ උල-පත්තුකරේ නැට්ටට
ඇස්දෙක ඉල්ලද්දි නින්ද-මගේ සාක්කු දෙක ඉල්ලනවා සල්ලී
බැහැගෙන කෙළගෙන රැකගෙන ඉන්නේ අපි බොඩරේ හින්දා මල්ලී
සීතල දැනෙද්දි පින්න භීෂ්ණ ප්රාන්තේ මීටරේ එද්දි
මීකිරි වගේ දුම ඇතුලළෙන් පේන්නේ විසවට විසකුරු වෙද්දී
බෝලේ බැස්සුවත් රෝමේ කැරකුවේ නෑ
අපෙන් නම් ගලවයි උඹ දත්.
තොලේ කලුයි බෝල බෝල ඇරලා පෙන්නනම් උඹට රිදෙදි උගුර බොස්.
සාන්ද්රණේ සෙත්තපෝච්චී දීපන් මගේ හඳහන
දාහතර කණුවෙදී උඹ හැසිරුන්නෑ හරහට
ආඩම්බරයි ඉන්න තැන දැක්කත් මගේ ගෝස්තිය
සාඩම්බරෙන් ඉදිරිපත් කළේ හු$තෝ පදනම.. හඳහන...🔊
මේ පදනම අදහස් ප්රකාශකරන විදිහ. මේ තියන වචනටික ඇතුලේ ලොකු කථාවක් තියනවා. ඒක අහන්න කැමති අයට අහන්න පුලුවන් අකමැති අයට නිකන් ඉන්න පුලුවන්.
"පිලිගත්තේ ඩෝ එද්දි මල් මාල දාලා..
අරින්න හදන්නෙපා හු@තෝ අපෙංම කාලා බීලා..
කිරිසප්පයන්ට කිරි පෙව්වේ ඔලුව අතගාලා..
එහෙම එවුංතමයි හු@තෝ ගියේ මේ අපිව දාලා..
දුකක්නෑ බොරැව එපා ඩෝ- මේ අපිත් එක්ක.
දුමක් නගින්නේ නෑ ගින්නක් නැතුව-සුදු ඒකයි ඇත්ත
බොක්කට බොක්ක-ටොක්කට ටොක්ක
මර්සිනම් කොක්කට කොක්ක
නාස්ලනුව දාලා එක්කං යන්නේ හු@තෝ දක්ක දක්ක."
මේ පුලියගේ අදහසක්. රැප් කලාව කියන්නේ පුද්ගල ආත්මප්රකාශණයට තියන ප්රභලම කලා මාධ්ය වලින් එකක්. මේක තමන් ඇතුලේ තියන දුක, සතුට, වේදනාව, කෝපය, විවේචණ ආදී ප්රභල හැඟීම් එලියට දෙන්න පුලුවන් කලා මාද්යයක්. මේකත් කැමති අයට අහන්න පුලුවන් අකමැති අයට නිකන් ඉන්න පුලුවන්.
අවසාන වශයෙන්,
YouTube කියන්නේ මේ රැප්වල සිංහල නෙමෙයි ජාත්යන්තර භාශාවක් වෙච්ච ඉංග්රීසියෙන් පවා ගොඩක් රළු වචන භාවිතාකරලා ගීත තියන තැනක්. ඒ වගේම ඇමරිකාවේ ජනාධිපතිව විවේචණය කරලා අවස්ථාව කීපයකදී පරැශ වචන සහිතව Eminem රැප් කීපයක් නිකුත් කරනවා.ඒව කිසිම වෙලාවක ඒ රටේ තහනම් කරන්නේ නෑ. අපි ගත්තොත් NWA ලා F@ck the police කියලා කරපු ගීතය තාම අපිට YouTube එකේ හොයාගන්න පුලුවන්. ඉතින් ඒක නිසා රස්තියාදුපදනමට බලපෑම්, වාරණයකිරීම් කරනව නම් ඒක අසාධාරණ වැඩක්. මොකද නිදහසේ අදහස් ප්රකාශකරන එක පදනමේ අයිතිය. කැමති අයට බලන්න පුලුවන්, අකමැති අයට නිකන් ඉන්න පුලුවන්. තමන්ගේ පුද්ගලික න්යායපත්රවලට ඒ අයිතිය නැතිකරන්න හදනව නම් ඒකෙන් පෙන්නන්නේ පාලකයගේ දුර්වලකම විතරයි.
