20/11/2022
aww Kazee designs 😍
2022.11.20 දිනමිණ රසදුන
Thank You තිළිණි කෞෂල්යයා නංගී 🌹
Pictures: Prauda Buwaneka Photography
Praveen Mirando Photography
Costumes: Kazee Designs
Gayani Batz
----------------Highlights👇----------------
◉ ඔබ ආයෙත් වේදිකාව පැත්තට හැරිලා කියල ආරංචියි?
පුංචි තිරයේ කාර්යබහුල වීම එක්ක මට වේදිකාව මගහැරුණා. වේදිකාවේ වැඩ කරද්දී ඒ වෙනුවෙන් ලොකු කාලයක් වෙන්කරන්න ඕනි. දෙයක් කරනවා නම් මට ඒක හරියටම කරන්න ඕනි. වේදිකාව වෙනුවෙන් මගේ උපරිම කැපවීම දෙන්න බෑ කියලා දැනුණ නිසා තමයි වේදිකාවෙන් ටිකක් ඈත්වෙලා හිටියේ. මේ කාලේ වේදිකාව වෙනුවෙන් කාලය වෙන්කරන්න පුලුවන් කියල මට දැනුණා. ඒකයි අවුරුදු දෙකකට පස්සේ මම වේදිකා නාට්යයක රගපාන්න ගත්තේ. ඒ චාමර ගුරුගේ අයියා අධ්යක්ෂණය කරන "අපි අතර ඌ" නාට්යය. මේ දවස්වල එහි පුහුණුවීම් කරනවා.
◉ ටෙලිනාට්යවලින්,වේදිකාවෙන් ආ ඔබ ඊළගට සිනමාවෙනුත් කලඑළි බහින්න සූදානම් වෙලා ඉන්නවා නේද?
මම රගපෑ "උතුරු සුළග" චිත්රපටයෙන් පස්සේ එළියට එන "ගජමෑන්" කියන්නේ මම සම්බන්ධ වුණ නිර්මාණවලින් වෙනස්, හොද වැඩක්. එය මට විශේෂයි. එය Motion Capture තාක්ෂණය හරහා කළ නිර්මාණයක්. ඒ තාක්ෂණික අත්දැකීම ලංකාවේ මුලින්ම ගත්ත රංගන ශිල්පීන් අපි. ඒ ගැන නිහතමානී සතුටක් තියෙනවා. ගජමෑන් චිත්රපටයේ පද්මාවතී කියන ප්රධාන චරිතයට මම සම්බන්ධ වුණේ. අපේ රංගනය කාර්ටූන් චරිත හරහා තමයි ප්රේක්ෂකයන්ට ළංවෙන්නේ. ගජමෑන් චිත්රපටයේ වැඩ දැන් අවසන්. ඉදිරියේදී මේ චිත්රපටය දේශීය ප්රේක්ෂකයන්ට වගේම විදේශීය ප්රේක්ෂකයන්ටත් නරඹන්න අවස්ථාව ලැබෙයි.
◉ ඔබ කාලයකට පුංචි තිරයෙන් නිහඩ වෙන්නේ?
මම මේ ක්ෂේත්රයේ යම් අධ්යයනයක් එක්ක ගමනක් යන කෙනෙක්. එක චරිතයක් කරලා තව වැඩකට එකතුවෙන්න මම කාලය ගන්නවා. කරන්නන් වාලේ වැඩකරන්න මම කැමති නෑ. කරන වැඩේ මහන්සිවෙලා කරන්න වගේම කරන වැඩකින් දෙයක් ඉගෙනගෙන ගමනක් යන්න තමයි මම උත්සාහ කරන්නේ. හොද නිළියක් ලෙස පැවැත්ම ආරක්ෂා කරගන්න ඕනි නිසා තමයි ඒ විදිහට වැඩකරන්නේ. කොහොම වුණත් මම නාඩගම්කාරයෝ නාට්යය ඉවර වුණාට පස්සේ පොඩි විවේකයක් ගත්තා.
◉ රංගන ක්ෂේත්රය තුළ දක්ෂතාව විතරක් තිබිලා රැදෙන්න පුලුවන් කියලා ඔබ විශ්වාස කරනවද?
මට අවශ්ය දක්ෂතාවයෙන් ඉදිරියට යන්න. ඒ අරමුණේ තාම වෙනසක් වෙලා නෑ. හැබැයි දැන් වැඩ කටයුතු වෙන විදිහ දැක්කම තේරුම් යන දේ තමයි දක්ෂතාව හැකියාව අන්තිමටම බලනවා වගේ. අලුත් අය ක්ෂේත්රයට එන්න ඕනි. ඒත් ඒ සමහර අය එන්නේ තමන් එන්නේ මොනවා කරන්නද කියලාවත් හරියට දන්නේ නැතුව. චරිතයකට ප්රවේශ වෙන්න මොනවගේ අධ්යනයක් කරන්න ඕනිද කියලවත් සමහරුන්ට අදහසක් නෑ. එහෙම බලද්දී නිර්මාණකරණයේදී අන්තිමටම බලන සාධකය හැකියාවදෝ කියලා මට දැනිලා තියෙනවා.
◉ ලංකාවේ බොහෝ කලා ශිල්පීන් එකම චරිත හැඩරුවට කොටුවෙනවා. නමුත් ඔබ එහෙම කොටු නොවුණේ ඔබේ තේරීම් නිසාද?
රංගන ශිල්පිනියක් වුණාම ඕනිම චරිතයක් කරන්න පුලුවන් වෙන්න ඕනි. චරිතයක් කළාම රගපෑම හරි නෑ කියල අහන්න මම කැමති නෑ. එහෙම අහගන්න වුණොත් ඒ කරන දේ ඇතුළේ මම ෆේල්. අපි මිනිස්සුන්ට බලන්නනේ නිර්මාණ කරන්නේ. මිනිස්සුන්ට අපි කරන දේ දැනුණේ නැත්නම්, අපි ෆේල් කියලා දැනෙන්න වැඩ කළොත් මට වැඩක් නැහැ. මම ඕනම චරිතයක් බාරගන්නේ මට ඒක කරන්න පුලුවන් කියන විශ්වාසයෙන්. කරන දේ හරියට කරන්න උත්සාහ කරන නිසා මට වෙනස් වෙනස් චරිත මේ තාක් කරන්න ලැබිලා තියෙනවා. තණමල්විල කොල්ලෙක් නාට්යය කළාට පස්සේ මාව නොහිතපු විදිහට ගැමි චරිතවලට කොටුවෙන්න ගියා. රාවණ ටෙලිනාට්යය කළාට පස්සේ දුෂ්ඨ චරිතවලටම ආරාධනා ලැබුණා. හැබැයි මම මාව එක විදිහකට කොටු නොවෙන්න දෙන්න වගබලා ගත්තා.
