28/07/2025
شخصيا من عشاق البحر
نحب البحر ونحب جوه رغم إن من الناس يالي ديما غارقه فيه لاكن نحبه وعمري مكرهته لانه شوفت الموت منه بالعكس نشوف انه اني السبب لانه مش غطاسه وهوا واضح وصريح يقولو يما في اسرار وهموم في البحر واني من الناس يالي تختفي همومي لما نشوفله مرات نحس انه خاطري نبكي لمجرد منشوفه مش رهبه منه لاكن مجرد تفكير في ابداع الخالق هلبا فضفضاء وكلام عليه نحس انه مافيش شعور يوصفه
في بعض الاحيان نقعد نتفكر انه لما تكتب شيء ع شاطيء البحر وتجي الموجه تمسحه وكانه يقولك مش مهم أو يقولك خلاص صفحه جديده أو كانه اشاره انه حفظ الكلمه هادي مش عارفه الصراحه نحس انه لو الإنسان عنده شوية عمق زي البحر أو صبر أو قدره على تجاهل اراء الأخرين حيكون شخص متوازن
سبحان الخالق المبدع💕
