Ritaj shoes

28/12/2025

28/12/2025

بوط رائع. طالع من 36-40 بالتقسيط و بالجملة
للتواصل 0615161914

10/08/2025

12/01/2025

فينك أوزير الصحة ؟
شوف معاناة المواطنين فمستعجلات ابن رشد بكازا المرضى بايتين فالزنقة وشادين النوبة ومكاينش لي مسوق ليهم

06/12/2024

Les bottes pantoufles....75 DH avec livraison....... Pnt( 36.....40)

14/11/2021

في زيارتي لدبي

ماكنتش تنتوقع هادشي لي شفت، انا بحالي بحال بزاف ديال الناس عندي صورة نمطية على الخليج لي كنتخايلو رجل غليض لابس عباية و مدمدم عندو بزاااف دلفلوس وغير تيشير بيهم و إيقول " عاوز أكبر كزينو في العالم هلحين "
و الحقيقة لي شفت شيء ثااااااني
هاد الناس ذكييين ايلا ماقلتش خارقي الذكاء و عندهم وطنية عااالية لي تتبان في خدمتهم.
اول ما أثار انتباهي في دبي من غير المباني الشاهقة لي تتصدمك، لاحظت بلي عندهم عرض الطرقات كبيييير شي لي تيخلي المدينة وخى عاااااامرة، الحركة تتكون فيها سلسة و دغيا بنادم تيقضي غراضو و هدشي ملاحظتوش بنفس الطريقة في مدن أخرى كبرى زرتها بحال نيويورك و اسطنبول.
هاد الحركة السلسة تتخلي العقار ايكونو عندو اثمنة زوينة ايلا شريتي في منطقة زويينة ماشي في المركز تاخد بريطما "هو-سطوندين" متيسعة بما يعادل جوج دلمليون درهم مغربي، ثمن أقل من بزااف ديال البرطمات في كازا بنفس الجودة، زيادة على التسهيلات في الأداء ديال الطريطة لي في الغالب ما تتكونش مع البنك و انما مع شركة العقار، يعني صفر فاائدة.

عندهم مييييزة خطيرة لصحاب الشركات ولي هي تقريباً انعدام الضرائب :
ماعندهمش الضريبة على الدخل لي تتوصل عندنا ل38%،
ماعندهمش الضريبة على الشركات لي تتوصل عدنا تيل 31%،
ياله زادو الضريبة على القيمة المضافة و لي حتى هي ما كانتش، دابا ولات 5% و لي عدنا حنا 20%.

هادشي تي خلي كلشي الشركات العملاقة في العالم تبغي تجي عندهم، و في نفس الوقت تيخلق ليها مشكل سياسي مع دول العالم و تيعنكشها في الاندماج في سياسات الاقتصاد العالمي.

و تيتطرح السؤال.. منين الدولة تتجيب الفلوس باش تصرف على هاد التجهيزات الخارقة لي تدير والاستثمارات ديالها ؟

كلشي تيتوقع نقول دابا البترول، و في الحقيقة الأمر فيه تفصيل شوي،

الإمارات هي مجموعة من الدول دارو إتحاد و لي هو " مجلس حكومي ديالهم يعني حكومة " عطوها مجموعة من الصلاحيات، لي ما معاهمش الثروات الطبيعية، يعني كل إمارة الثروات الطبيعية ديالها بوحدها، و أكثر من 90٪؜ ديال النفط كاين في أبوظبي، و دبي البترول تقريباً فيها منعدم.
المداخيل ديال دبي، أغلبهم من السياحة و القطاع المالي " البورصة و تواشا " لي مزدهرة تماك بسبب الضريبة، زيادة على المخالفات، لي غلط تي خلص بجهد، مثلاً غير مخالفة انك تحيد الماسك ديال فمك في الأماكن لي خاصك تكون لابسو تتوصل تيل 7500 درهم مغربي.
الأمن، نقدر نقول و أنا مخرج عيني انها أأمن بلاصة في العالم خلي حويجك في الزنقة و سير ساعاااات و ايام ماكينش لي إيقرب ليهم، انا شخصياً طاح ليا الباسبور ديالي تماك و فيه فلوس من بعد ساعات تفكرتو تاصلت بالمطعم لي كنت فيه و لي كاان مدكس بالبشر قالو لي بلي الباس ديالك كاين سولتهم على الفلوس قالو لي ماشافوش، قلت صافي مشاو، رجعت ناخدو لقيت الفلوس فيه ما تقاسوش و فهمت بلي حتى شي حد ما جرء حتى ايحل الباس باش ايعرف اشنو فيه اصلاً ..
هاد الأمن كاامل، و في زياتي للمدينة لمدة أسبوع عمري شفت شي بوليسي لا في الزنقة لا حدا المولات وااالو، كلشي عندهم كمرات لي ما تتزكلش و حتى في المطار غير الآلة لي تتسمح ليك تدخل و تخرج
زائد أنو أكثر من 80% من السكان ماشي إماراتين و طبعا تيكونو ملتزمين لأنهم عارفين بلي هوما برا بلادهم.

الجنسية لحد الآن ما تتعطاش في الإمارات ولكن عندهم الإقامة و الفيزا الطويلة " غولد " و لي تتعطى بسهولة لبزاف دناس.
اكثر من ثلاث ارباع السكان أجانب من 180 دولة، هادشي لي تيخلي لغة المدينة هي الانجليزية، خرجتي لبرا تشري و لا تدير اي بلان غير جبد ايلا عندك شي اونغلي.
و أعتقد حتى في الإدارة، لي أغلبها من انترنت و بالخف تيتقضى ليك الغراض و خى ايكون مشبببببك، عندهم الحلول لكلشي فينما دور تلقى حل ما تتلقاش مشكل آخر..

هاد التنوع البشري تيتعكس على الثقافة، بحال ايلا راني في ميركان، في الحريات الفردية مثلا : بنت "لابسة من غير هدوم" تتخرج في أي وقت تسارا في أي بلاصة ما كيييينش 0 لي ايدويها فمابالك انو ايتبسل عليها.

القدرة الشرائية في دبي طااااالعة، تنتسارى في المول لي عندهم منو اكثر من 20، تنلقى الزحام في المحلات الفاخرة لي فيهم ساك ساوي الملايين،
المعيشة غالية ولكن الأجور حتى هي عالية و لي مافيهمش ضرائب، هاد الأجور لي عرفياً و حسب ماشفت تتغير حسب الجنسية، اوروبي تيخدم في بلايص و تتيتخلص أضعاف مضاعفة، على أسيوي من شبه القارة الهندية،
كاين في الإمارات لي محنسر، ايلا مخدمتيش و دخلتي فلوس تتكرفس، هو هذا النظام الرأسمالي لي ما فيهش المساعدات الإجتماعية، و ايلا خدمتي تتصور الفلوس لي إخليوك تعيش كيفما بغيتي تماك.

هادشي كامل تيخلي دبي و الإمارات من أسعد دول العالم، في أرض الواقع تتشوف بنادم مرتاح، و فينما ندخل شي قهوة اولا مطعم لي خدامين تماك ناشطين و تيدوي معاك بالابتسامة العريضة،
و كلشي هادشي تيخلي الإمارات تكون حالياً فعلا، هي بلاد الفرص.

تتطرح مقارنتها مع مريكان، فأنا تنقول انها فايتها بزاااف في بزاف لحوايج لي أهمهم الأمن،
ولكن الحريات بحال التعبير في الأمور السياسية تتبقى ميركان فايتاها بسنوات.
و رغم ذلك في الإمارات سؤال، هو علاش غادي اينتاقد الواحد و كلشي مقاد في بزااااف الجوانب ؟ و ايلا مشا حتى كان شي خلل أو تقصير في المسؤولية دغية دغية القضية تتصلح و تتبان في الإعلام.

في الحقيقة احتارمت جداً الخدمة لي مديورة تماك، ومايمكن ايلا نقدرها و نقدر ناسها و نعتارف ليهم بالذكاء الخارق.

شكرا لكل الناس لي تلاقيت بيهم تماك و لي مشرفينا بشكل واااااعر.