28/04/2026
خوتي المغاربة، الحولي وصل لواحد الثمن خيالي بسبب المقاطعة الناجحة ! 📈، 🚨
كلنا عارفين بلي "الأضحية" سنة مؤكدة وليست فرضاً على اللي ما قدرش يشري ، والدين يسر وماشي عسر. ولكن اللي واقع دابا في الأسواق هي أنه تزادو فيه الفراقشية شي كيزيد على شي وحنا هاد العام قررنا نعاودو ليهم تربية،
شنو الحل؟
احسن حل حاليا هو المقاطعة ثم المقاطعة ثم المقاطعة
علاش المقاطعة هي الحل؟
حبس الاستنزاف: ملي كنحبسو الشرا، "الفراقشي " اللي مخزن الغنم باش يغليها غدي يضطر يهبط للأرض.
التضامن الحقيقي: ملي كتقاطع أنت اللي "قادر"، راك كتنصر خوك اللي "ما قادش" وكتخلي السوق يرجع لمستواه الطبيعي.
الوعي: العيد فرحة ولمة، ماشي كريديات وديون وغمّ كيبقى تابعك العام كامل.
بكل صراحة:
إلى بقينا ساكتين وكل واحد كيقول "راسي يراسي"، العام الجاي غدي نلقاو الحولي بمليون! المقاطعة هي السلاح الوحيد اللي عندنا باش نرجعو التوازن للسوق ونوصلو صوتنا بلي "الدرويش ليه الله"
هاد العام المغاربة غيخليوها متورخة ان شاء الله حيت زاد الوعي وناس ولات كتعرف خطورة الفراقشي 😁
متخليهاش عندك ✌️✌️✌️
#مقاطعون
