Badr Shop

01/01/2023

خاص للمغاربة⚠️⚠️ خصوصا لعندهم حساب بنكي CIH

الإخوان الناس ولاو كيحاولو يستغلو واحد الطريقة باش أنهم ينصبو على الناس عن طريق بنك CIH.
الطريقة كتستاغل أكثرية مع الناس اللي كادير البيع والشراء :
القضية وما فيها فاش كادير مع النصاب أنه يخلصك كيطلب ليك الرقم ديال الحساب ديالك ديال CIH ورقم الهاتف.
رقم الحساب باش أنه يصيفط ليك فلوسك للحساب ديالك والنمرة كيستغلها بطريقة آخرى.
كتسائلو دابا فين كاينا عملية النصب هنايا 🤔
أجي نكملو باش تعرف...
نقولو مثلا درتي مع النصاب أنه يخلصك 1000Dh.
هاد النصاب فاش كياخد منك هاد المعلومات كيصيفط ليك رسالة مزورة للهاتف ديالك بإسم CIH باللي راه لفلوس دازو للحساب ديالك بنفس الرسالة اللي كتصيفط ليك CIH بأنه وصلوك لفلوس للحساب ديالك عن طريق واحد الأسلوب اللي سميتو SMS Spoofing.
اللي معارفش شناهو SMS Spoofing :
هي واحد الطريقة اللي كتخليك تصيفط رسالة اللي بغيتي لأي رقم بغيتي بإستعمال رقم أو الإسم اللي أنت بغيتي يظهر عند الضحية.
نرجعو دابا للموضوع ديالنا...
ومن بعد ما النصاب كيصيفط ليك الرسالة للهاتف ديالك كيمشي للحساب ديالك ديال CIH وكيحاول يدخل للحساب ديالك عن طريق رقم الحساب اللي عطيتي ليه باش أنه يبلوكيه ليك لشي 24h من مورا 3 ديال كلمات السر اللي كيكونو غالطين.
وهادي كتخليك أنك متقدرش مزال دخل للحساب ديالك وأنك تشك أنه نصب عليك وفديك الساعة غادي تصيفط ليه السلعة اللي خدا من عندك حنت غادي تكون تايق بديك الرسالة المزورة اللي وصلاتك في الهاتف ديالك.
====
هاد الطريقة تقدر تستعمل مع أي بنكة آخرى إلى كانت كتخدم بنفس الطريقة.

نتمنى تحضي راسك من بحال هاد الطرق وإلى عجبك واستافدتي منو متنساش Tagi الناس اللي بغيتي ليهم الخير✌️(Badr shop)

05/08/2022

- 🏅 بلغينة صيفية 2022 🏅

- 😉القياس : /36/37/38/39/40 😉

- 🌈 3 ألوان 🌈

- 😋 الثمن : 39 درهم فقط 😋
(البلغينة + التوصيل بخريبكة)

- 🚨لطلب : https://wa.me/message/O22B7CBAWQHPB1

15/03/2022

- 👑 قفطان رمضاني 2022 👑
- 😉 القياس : L - XL - XXL 😉
-🏆 الثمن : 180 درهم

( 🚨لدينا أيضا البيع بالجملة والإرسال لجميع المدن )

14/03/2022

- 👑 قميص جوهرة 2022 👑
- 😉 القياس : L - XL - XXL 😉
-🏆 الثمن : 190 درهم

( 🚨لدينا أيضا البيع بالجملة والإرسال لجميع المدن )

11/03/2022

🚨صووولد خاص بالتجار أصحاب الجملة🚨
🥰دائما سلعة جديد🥰
🏆أتمنة الجملة الأولى فالسوق🏆
💪جودة لا تناقش💪
👀البيع بالجملة ونصف الجملة 👀
🏃‍♂️الإرسال لجميع المدن🏃‍♂️
👈رابط التلغرام : https://t.me/Badrshop99
👈رابط الواتساب : https://wa.me/message/O22B7CBAWQHPB1
👈رقم الهاتف : 0603346963

11/03/2022

08/03/2022

- 😎 سيرفيط خريفية 😎

- 😉القياس : M-L-XL-XXL 😉

- 😋 الثمن : 120 درهم فقط 😋

- 😍 التوصيل بالمجان داخل خريبكة 😍

( 🚨لدينا أيضا البيع بالجملة والإرسال لجميع المدن )

08/03/2022

السلام وعليكم بمناسبة شهر رمضان المبارك كاينين عبايات ثوب ليكرا بالزيف ديالهم فيهم بزاف ديال الألوان طاي سطندار يلبسوهم من M حتال XXl
🚨 الثمن 120 درهم 🚨
والتوصيل فابور حتال باب الدار مرحبا بالجميع
(الدار البيضاء - خريبكة )

🧨 كنوفروا حتى البيع بالجملة وإرسال لجميع المدن

17/12/2021

🛍الجديد اجمل هدية لطفلك🛍
😍 تمن 79 درهم 🤑
✅الدفع عند الستلام 🛍

🚨نوفر أيضا البيع بالجملة 🚨

20/11/2021

🛑 #الشيك🛑
أخطر حاجة ممكن تشدها من البنك.. كيتعتابر قنبلة موقوتة... وشحال من واحد خرج عليه وسيفطو للحبس..
باش نتفاهمو، فالقانون مخصّكش تعطي لشي حد شي شيك فيه مبلغ محدد من غير إلى حطيتي فلوسو فالحساب أولا..
باش تشدو يكفي أنك تفتح حساب الشيك وتطلبو، وغايجيك فأقل من أسبوع...
ولكن إحذر.. هاد الشيك كيما عندو إمتيازات زوينة، عندو عواقب خايبة...
فمثلا كاينين أشخاص كيشريو عند شركات ولا أشخاص أخرين بالشيكات لي كايكونو فالغالب بدون رصيد.. ملي كيدفعهم البائع للبنك ديالو كيرجعو ليه بسبب إنعدام السيولة (الفلوس مكاينينش) وكتكون مع الشيك لي دفعتي ورقة مكتوب فيها المعلومات ديال صاحب الحساب ورقم الحساب، رقم الشيك ديالو، مبلغ الشيك والعنوان ديالو...
معلومات كافية أنك تدعيه فحالة ما مابغاش يتفاهم معاك..
مول الشيك (المخلوض) ملي كيرجع ليه أوطوماتيكيا كيتعاقب وكيولي ممنوع ياخد شيك جديد حتى يخلص القديم فالخزينة.. كيفاش؟؟ أنا نشرح ليك..
- الشيك الأول : 5 % من قيمة الشيك لي راجع.
الشيك الثاني : 10 % من قيمة الشيك لي راجع..
الشيك الثالث وما أكثر : 20 % من قيمة الشيك..
نعطيو مثال باش نقرّبكم أكثر.. مثلا السيد x رجع ليه شيك أول فيه 10000 درهم.. يعني خصو يخلّص عليه 5 % لخزينة الدولة لي هي 500 درهم باش يقدر يطلب شيك جديد أو كريدي جديد...
فما بالكم بشي حد راجع ليه شيك ثالث فيه غير 20 مليون، غادي يخصو يخلّص عليه 20 % من قيمة الشيك لي هي 4 المليون للخزينة العامة للمملكة..
كاينين أشخاص راجعين ليهم شيكات بزااف، ممكن تفاهمو مع لي دافعينهم.. وكيتسناو المدة ديال 10 سنوات باش يتحيدو أوطوماتيكيا من السيستيم بلا ميخلّص ريال للخزينة.. ومن بعد ممكن يطلب كارني جديد..
الدولة دارت هاد العام (2020) حل إستثنائي باش الناس ترجع تخدم بالشيكات وهو أنهم غادي يخلصو غير 1,5 من قيمة الشيكات لي رجعو ليه كاملين..
حاجة أخرى تكون فبالكم راه كتكون مبلّغ عنك فجميع البنكات فالمغرب.. فمثلا رجع ليك فالبنك الشعبي ميمكنش تمشي للتجاري وافا بنك تطلبو حيت كايبان الشيك لي راجع فالجهة الأخرى...
المهم الشيك صعيب بزااف وديال التيساع..

تحياتي (Badr shop)

15/11/2021

🚨🚨📢📢اماكن تواجد السلع بالجملة📢📢🚨🚨

السلام عليكم اخواني اخواتي نتمنى تكونو كلكم بخير.

وبما ان أغلبية الاسئلة كتطرح من مبتدئين عاد بغاو يقتاحمو عالم التجارةو المشاريع واغلبهم ماعارفش أماكن البيع بالجملة. غادي نشر الاماكن لي فيها أي حاجة ممكن تخطر ليك على البال. وجميع الأشياء لي كتباع فالواقع والمحلات وحتى فالتجارة الإلكترونية. والفيس بوك والماركت بليس وجميع منصات البيع والشراء.
المهم هاته هي الأماكن. جمعتها ليكم فمنشور واحد لي يقدر يفيد الناس لي بغات تبدا ودايخة. راه ماكاين مايتخبا. هاهوما الاماكن.
دائما كيتطرحو اسئلة على مكان وجود السلع بالجملة. هادشي كامل يخص مدينة الدار البيضاء.
هاهوما البلايص ديال كل حاجة :
* ملابس الرجال القريعة . كراج علال ايضا به بعض المحلات قرب سوق الشمال.
* الساعات والنظارات الشمسية واطارات النظارات والصاك. سبرديلة تقليد جيد. العطارين. و السعيدي الارضي والطابق الاول.
* الملابس الذاخلية نساء ورجال واطفال والتقشيرة. الفولار. السمطة. الكاسكيط. كراج علال
* السبرديلة القريعة. كراج علال.في درب عمر قيسارية سعيدة مقابل تانوية جابر بن حيان
*لوازم الحلويات درب عمر ودرب ميلا
* مواد التنظيف حي السدري
* كل ما يخص الطيور واسماك الزينة والحيوانات الاليفة من اكل قطط وكلاب . الدريسية مقابل مرجان
* العطور الشرقية والقميص وكل ما يخص المنتوجات الاسلامية. سوق البلدية والاحباس
* ديكورات الخشب وواجهات السداري منقوشة جاهزة. القريعة
* لوازم الدروكري. البياضة مقابل القصر الملكي. شارع محمد السادس
* سلعة ديال 5 دراهم قيسارية الشاوية ودرب عمر و15 رمضان وركوبة ك=g
*اكياس الحمام و صاك الحمام، لاتروس ... قيسارية اكريم كراج علال
* البلاكيور قيسارية ألزاس بدرب عمر والسعيدي بكراج علال
* العاب الأطفال. درب عمر وكراج علال
*المصابيح و الطاقة الشمسية بحجم صغير كراج علال
* الصندالة البلاستيكية القريعة وشارع القبطان المسفيوي
* الصابو النسائي درب بوشنتوف
*جميع لوازم صناعة الصندالة النسائية والصابو والصاك والسمطة والاحذية والفوتويات درب بوشنتوف مقابل مدرسة زرّوق
*البونج والافرشة و الزليج القريعة
* العقيق والموزون والضونطيل وكل اكسسوارات الخياطة للمفروشات والملابس درب عمر قيسارية الزيتونة و العبدي
* سلعة الشينوا (سبرديلة صيكان شكاير. ستائر. كوفرلي. طابلوات،،،،) قيسارية الشينوا درب عمر
* ديكورات منزلية والاواني. درب عمر
* كتب. قصص الاطفال والكولورياج. الحبوس
* اكسسوارات متل العقيق ديال اليد البزاطم . السمطة طرابش..... قيسارية لحلو و الأندلس لي بجانبها
* البلاستيك كراج علال ودرب عمر
* الاواني ديال الودع درب عمر ومتلها من البلاستيك ب15 رمضان
* الورود البلاستيكية والنباتات الاصطناعية القريعة ودرب عمر
* الفرشي والبليكسي كلاس والليكسون و البلاستيك وضالا كيت. القريعة مقابل مرجان
* القنب الطبيعي والرافيا شارع محمد السادس مقابل البياضة
* القنب البلاستيكي الملون درب عمر قرب قيسارية ألزاس
* كوبلي les Goblets . والساشي الورقي وساشي من التوب و الباركيت les barquettes en plastique درب عمر
* الملابس الرياضية وكل مايتعلق بهذا المجال شارع بني مكيلد بدرب السلطان
* قطع غيار كل ما يتعلق بالمولينكس و البوطة وكوكوط القهوة .شارع محمد السادس مقابل البياضة
* أجزاء السيارات. شارع خريبكة درب عمر
* قطع واجزاء الدراجات الهوائية والنارية. درب عمر
* كل لوازم واكسسوارات الهاتف النقال و البوشيط. والساعات قيسارية اخماسي ولحلو والاندلس بكراج علال
* الذهب والحلي والمجوهرات قيسارية المنجرة
* مستحضرات التجميل والعطور والاكسسوارات النسائية و لوازم الصالونات وكل انواع الماكياج قيسارية السعيدي كراج علال وقيسارية ألزاس درب عمر
* المانطا الصاك البيجامة الكولون البانطوفة الصندالة ...سوق الشمال
*المانطا. الكوفرلي. الحصيرة. الزربية. قيسارية الشركة المغربية درب عمر
*الحقائب المدرسية والصاك بانواعه(السفر) والشانطة والسامسونيط. والبزطام قيسارية ايت أمزال درب عمر
*مقابط الشعر. الفليل والبوندو...... درب عمر
* الفيليل ديال الشعر ، البانظة وعقيق اليد ... و المجوهرات والاكسسوارات bijoux fantaisie قيسارية البيضاء بدرب عمر
* جميع ملابس النساء (ملابس البيت والعيالات كبار ماشي الرومي ) كراج علال
*المانكان les mannequins والعلاقات ديال الملابس لتجهيز المحلات درب بنجدية
* ملابس النساء الرومي متل السروال والمونطو.... درب عمر
الفوطة و الصيكان. الصابو. الجلابة البيجامة ..... كراج علال. سوق الشمال
* الاليكترو ميناجير وكل لوازم البيت والمطبخ من اجهزة واواني درب عمر وكراج علال
* قطاني و مواد غذائية محلية وسلعة الشمال ولوازم الاعراس درب عمر
*الاثواب ديال الجلابة وكذلك توب البيجامات والتبطين .... بالجملة حي الفرح
* تجهيز المكاتب ولوازم الحاسوب ولوازم المكتبات درب عمر
* التوابل والتمور والفواكه الجافة والقطاني بالجملة درب ميلا
* االاواني الفضية والنحاس والالمنيوم (براد. بريق. صينية. فانوس ديكورات نحاسية....) قيسارية البابور مقابل القصر الملكي. كراج علال
* الاواني والديكورات المنزلية. قيسارية 15 رمضان
*الريسيبتور iptv وكاميرات المراقبة والاجهزةالالكترونية. وكل ما يتعلق بالصوت والصورة. قيسارية رزق. كراج علال
*القطع الإلكترونية الدقيقة وكل ماهو تقني. مراسي و المحلات المجاورة له بكراج علال
*الهاتف النقال وقطع غياريه درب غلف
*المبيدات والسماد والبذور. ولوازم الفلاحة والمضخات المائية للآبار و البيسين وادوات الري والتقطير المائي مارشي كريو القديم بيلفيدير belvédère
*كل ما يخص تجهيز الاسطبلات و لوازم تربية الخيول والدجاج والابقار والارانب.... لاجيروند la géronde
*تجهيز المقاهي. درب عمر ولاجيروند
* الملابس النسائية والبيجامات والصاك .... قيسارية الامراء بكراج علال
*قيسارية طيبة او عمارة طيبة. للملابس النسائية والرومي بحيت جميع شركات الملابس والكونفيكسيون عندهم متاجر بهاد القيسارية. خاصة فقط بالجملة الأولى . (الرومي المتواجد فجميع بوتيكات المغرب مشري من تما) والجلابة العصرية ولباس المحتجبات. متوفر ايضا علامات تجارية
عالمية أصلية . توجد بدرب عمر
*اجهزة الالعاب الإلكترونية PS. Xbox وكل ما يتعلق بهذا المجال درب غلف
* المخدرات بانواعها الصلبة والسائلة. والقرقوبي و...... واش من نيتكم! نعلو الشيطان 😁😁😁
هادشي كامل غي باش تستهلك بلا ما تهلك وتمشي بعينيك مغمضة بلا ما ينصب عليك شي واحد داكشي علاش كنتقاسم معكم هاد المعلومات لي قليل لي يقدر يشاركها معاكم. ونسألكم فقط الدعاء.
حاجة واحدة اخوتي بارطاجيو و اضيفوا او أدعو أصدقاءكم للمجموعة باش هاد العائلة تزيد تكبر ان شاء الله وتعم الفائدة على الجميع. وتاخدو اجر حتى نتوما.
الاغلبية ماعارفش هادشي. كونو نتوما السبب فتغيير حياة ولو 1٪ من الناس راه شيء كبير. والسلام عليكم

وإنشاء الله المجموعة ديالنا في أقرب وقت غدي توفر ليكم منتجات بالجملة لخدامين عليها مع المعمل ديالنا.
كنتسلوكم الدعاء