01/08/2024
النفيسات الغزالات
قربت نولد، وباقا ما وجدت والو، ماعرفاش منين نبدا، مكينش الوقت مع الخدمة وماكينش اللي يمشي معايا ،حرت
انا نقول ليك، الاهم في هاد الحيرة اللي نتي فيها ، هو صحتك،ونفسيتك على حد السواء، ما تبقى كله الا ماكانش كاع ليس بالكارثة، لكن الا مكليتيش وجاك فقر الدم، مشكل، الا تعصبتي ومشا الحليب مشكل، الا كتائبتي و نفرتيbébé معضلة ، shopping مهم ولكن ماشي هم الاهم في القصة، نتمنى تكون الرسالة وصلت.
ماكعنيش ماغانجوبكش على حيرتك ، طبعا لست طبيبة ولا مولدة لكن غانجوبك من واقع تجربة.
من بعد مادرتي دورة في كاع الكروبات facebookو Instagramو Youtube نقدر نلخص ليك :
ديري ورقة وستيلو وكتبي اشنو ممكن تحتاجي، ونتي كتفرجي كتبي ديريListe ,بداي من بعد تشوفي الاثمنة ديال كل حاجة من 3 او 4 les sites ، علما انهم كلهم ديرين نس الاثمنة، كتلقاي فرق ديال درهم تال 5 ناقصة ف شي منتوج ولكن زايدة ف واحد آخر
كنصحك لحاجا اللي كتباع ف Para من الاحسن خوديها من Para ، انا شخصيا ماكانشريش من عند المحلات ولكن كاناخدهم منPara بحال Liniment: biberon, tétine , sucette ...
ديري نهار سيري عند المحل اللي قتنعتي بيه، ودي معال Liste وخودي كلشي مرة وحدة، وتاواي على راسك، راه ممكن يدير ليك خصم في اخر la Commande.
بالنسبة للحوايج، كفما قلت فPost قبل، خودو شويييييييييية، دغبا كتزاد bébé، وممكن يجيوكم كادووات فيهم الحوايج يعني خودو وقتكم في الشراء وبشوية عليكم، ماشي اي حاجا تشوفو المؤثرات دواو عليها تقولو واو واخا يبقاو يقولو هادي نفعآآآتني، هاد الحاجة غزالا غزالا راهم غيرdes collaborations ، تبعو البسآآآآطة
bébé كبغي النقا؛يعني عزلي :
couches تكون مزيانة ماطايبوش ماشي ضروري غالية الا في حالات مرضية بحال Eczema
بومادا ديال الطياب ماكينش ماحسن من Kenta
الماء غسيل الحمد لله موجود ف Robinet
الصابون ديال عومان، خودو نقطة كتعوم bébé كولو من الاحسن Para
الماء ديال النيف للاسف غالي عندنا، الا عندكم شي واحد برا يجيبو ليكم رخص منو ماكين
وكبغي الراحة :
حويجات 100% قطن
يكونو مفضفضين مامزيرينش
مبدإيا غينعس حداك، يعني سيقي بيتك وحكيه وحيدي منو اي حاجة مالايقاش، ديري غطا ديال القطن يكون مريح ليك وليه
الا كانو الامكانيات شري chauffe biberon ماكانش ديري ترموس ورضاعة حداك
تهلاي ف راسك، ونقي راسك، وعطي لراسك الراحة، بقد مارتاحيتي بقد ماولدك غايكون مرتاح
نساي كلشي، وتفاداي اييييييي حاجة غتجبد عليك المشاكل، عيشي 40 ديالك بخاطرك، باراكا عليك المسؤولية اللي عندك، الا عندك شي عائلة ديال الله يهديهم، ديري ignorer حتى توقفي على رجليك، بينك وبين راسك، قولي خاصني نوقف، سواء فاتحة او لا، ديري مجهود في الايام الاولى باش توقفي على رجليك ، هاكا غاتشفاي ان شاء بالزربة.
انت ام رائعة، تاواحد ماعاندو الحق يقلل من داكشي اللي كديري ، كفمممممممما درتي ليه هوا هاداك، ديري جهدك والله المعين
بزوات
Send a message to learn more
