Mihaingo by Jacy

06/06/2026

10/11/2025

📖 Ohabolana 3:5-6

"Matokia an’i Jehovah amin’ny fonao rehetra, ary aza miankina amin’ny fahalalanao manokana."
➡️ Aza manahy loatra amin’ny fikasanao, fa ampifanaraho amin’ny sitrapon’Andriamanitra.

29/06/2025

Ry Andriamanitra Ray be fitiavana,
Andriamanitra mpamorona sy mpiaro ny ainay rehetra,
Miantso Anao amin’ny fo torotoro sy feno fangorahana izahay,
Mba hijery amin’ny maso mamy ireo taninay, ireo fianakavianay,
Ireo ankizy kely sy zokiolona,
Tratran’ny ady sy ny herisetra.

Ry Tompo ô,
Mamindra fo amin’ireo tsy manan-tsiny ao anatin’ireo ady mafy any Ukraine sy Russie, Israel sy Iran, ary amin’ireo tany rehetra miady.
Esory amin’ny fon’ny olona ny fankahalana sy ny fandravaravana,
Arosoy eo amin’izao tontolo izao ny fitiavana sy ny famelan-keloka,
Ampodio amin’ny maha-olona azy ny fon’ireo miady, ary asio fahendrena ireo mpitondra firenena.

Miantso izahay ankehitriny, miaraka amin’ireo Arkanjely Masina rehetra:

🌟 Ry Arkanjely Michel, mpiady amin’ny ratsy,
Miady amin’ny fanahy manafika sy mandratra; arovy ireo tsy manan-tsiny amin’ny fanafihana sy ny herisetra.

🌟 Ry Arkanjely Gabriel, mpitondra hafatra,
Mampitondrà hafatra fiadanana sy fifankahazoana eny amin’ireo mpitondra sy vahoaka.

🌟 Ry Arkanjely Raphaël, mpanasitrana,
Manasà ireo ferin’ny fo sy vatana, ireo zaza voa, ireo reny very vady, ireo tanàna rava.

🌟 Ry Arkanjely Raguel, mpiaro ny rariny sy ny filaminana,
Avereno amin’ny fifandanjana sy fahamarinana ny fifandraisan’ireo firenena sy foko.

🌟 Ry Arkanjely Uriel, mpitondra fahazavana,
Hazavao ny saim-pirenena sy ny fony mba hiala amin’ny lalana mankany amin’ny fandringanana.

🌟 Ry Arkanjely Barachiel, mpitondra fitahiana,
Arotsaho amin’ny tany rehetra ny fahasoavana sy fiadanana, hanarina indray izay rava.

🌟 Ry Arkanjely Jérémiel, mpitondra fanantenana,
Tazomy ny fanahy reraka sy kivy, mba tsy ho kivy amin’ny ho avy tsara kokoa.

Ry Tompo ô,
Tsindrio ny rivotra misy bala sy baomba,
Aoka hisy fifampihavanana mitondra fanorenana vaovao,
Ho tonga ao anaty fo maneran-tany ny fahanginana masina mitondra fiadanana.

Amena.

28/06/2025

Ry Andriamanitra be famindram-po sy fitiavana,

Amin’izao fotoana sarotra iainan’ny maro izao,
Miaraka amin’ny fo feno fangorahana sy vavaka izahay.
Miantso Anao amin’ny Anaran’i Jesoa Kristy sy ny Fanahy Masina izahay,
Mba hijery amin’ny maso feno fitiavana ireto havana sy namana anaty fahoriana ireto.

Tsinjovy, Tompo ô,
🌾 ireo fianakaviana tra-pahavoazana noho ny fahapoizinana ara-tsakafo,
Arotsahy eo amboniny ny fanafahana sy fanasitranana,
Ary ankaherezo sy omeo fitaizana ara-panahy ny havany sy mpiara-miaina aminy.

Miantso Anao izahay ho an’ireo
🌾 matrongo vao mahita hanina,
Ampionao izy hahita fiainana sy fanantenana,
Ary tsinjovy amin’ny alalan’ny olona tsara sitrapo sy fitsinjovana ara-tsosialy.

Mametraka aminao izahay, Tompo,
🌾 ireo manana ny marary anaty fianakaviany,
Omeo hery ara-panahy sy ara-batana, faharetana ary fanantenana,
Ary iraho ireo Arkanjely hanisy fihavanana sy fitsaboana azy ireo.

Ary amin’ny fony reraka sy manirery izahay miantso ho an’ireo
🌾 misara-toerana lavitra ny fianakaviany noho ny fitadiavana,
Ampio izy ho tafaray indray amin’ny fitiavana sy fahasalamana,
Aoka ny fahalaviran-tany tsy hanimba ny fifankatiavana.

Tsy adino ihany koa,
🌾 ireo mipetraka anaty fiadanana sy fiainana milamina,
Isaorana Ianao noho izany, ry Tompo ô!
Omeo fahatsiarovana feno fisaorana ny fony, mba hahavita hifampizara, sy hitsinjo ny hafa.

Ry Tompo ô, henoy ny vavakay.
Arotsaho eo aminay sy amin’izy ireo rehetra ny fitahianao sy fiarovana.
Aoka ny fahazavanao hanilo ny aloky ny fahoriana,
Ary ny fitiavanao hanindrona ao anaty fahanginana sy alahelo.

Amin’ny Anaran’i Jesoa Kristy Tomponay,
sy miaraka amin’ny vavaky ny Arkanjely Masina rehetra,
Amen.

"Indraindray teny iray sy vavaka iray no afaka manandratra fanahy anjatony. Raha azonao zaraina, aoka tsy hisalasala. Ho aminareo anie ny fiadanana."

26/06/2025

" Arahaba nahatratra ny asaramanitra e "

Ry Tanindrazanay malala ô!
Ry Madagasikara soa
Ny Fitiavanay anao tsy miala,
Fa ho anao doria tokoa

Tahionao Ry Zanahary
’Ty Nosindrazanay ity,
Hiadana sy ho finaritra
He! Sambatra tokoa izahay.

Ry Tanindrazanay malala ô!
Irinay mba hanompoanao anao
Ny tena, fo, fanahy anananay
Izay sarobidy sy mendrika tokoa;

Tahionao ry Zanahary...

Ry Tanindrazanay malala ô!
Irinay mba hitahiana anao
Ka Ilay Nahary izao tontolo izao
No fototra hijoroan’ny satanao!

Tahionao ry Zanahary...

Tonony : Pasteur Rahajason
Feony : Norbert Raharisoa

25/06/2025

Un grand merci à mes nouveaux followers ! Miary Nirina, Mikajy Nayah, Kyle Johnson