Donald Khai

13/12/2024

Sermon

Visit the post for more.

13/12/2024

Thungetna ih cisia bang ziam?

Thungetna ih cisia bang ziam?

13/12/2024

Bible Study

Visit the post for more.

01/12/2024

Sizang (Siyin) kam tawh lai ih at ciang laimalngawm (spelling) leh laimal kingawm (collocation) ih tel bua leh Sizang kam a pau thei ngawl khat in ih lai hong simsak ciang a maan in a sim tu leh a …

01/12/2024

Pathian in leitung mite hong it mama ahikom, khat bek a nei a Tapa hong pia a, ama a um peuma in thi nawn ngawlin tawntung nuntakna a nga natu ahi hi.

30/11/2024

Sizang (Siyin) kam tawh lai ih at ciang laimalngawm (spelling) leh laimal kingawm (collocation) ih tel bua leh Sizang kam a pau thei ngawl khat in ih lai hong simsak ciang a maan in a sim tu leh a khiakna a tel tu uh sia haksa mama tu thu khat ahi hi. Eima Sizang kam tawh lai at te mama in ih kidop mama tu thu khat ahi hi....

Sizang (Siyin) kam tawh lai ih at ciang laimalngawm (spelling) leh laimal kingawm (collocation) ih tel bua leh Sizang kam a pau thei ngawl khat in ih lai hong simsak ciang a maan in a sim tu leh a …

29/11/2024

BIBLE STUDY
(About Salvation in Siyin Version)

Lesson #002
KUA BANGTE IN NGUPKHIATNA NGA THEI TU ZIAM?

A kua bang mite ngupkhiatna nga thei tu ziam cisia T**a Jesus in John 3:16 na sungah thiangtak in hong hil zo hi. “Pathian in leitung mite hong it mama ahikom, khat bek a nei a Tapa hong pia a, ama a um peuma in thi nawn ngawlin tawntung nuntakna a nga natu ahi hi” (John 3:16).

Study:
I Timothy 2:3-6, 4:10
Titus 2:11
II Peter 3:9
Hi a tung a Laithiangtho munte sim in a, hi sungpan in a kua bangte Pathian in ngupkhiatna pia nuam hi tu na um ziam? A kua in eite hong ngumkhia tu ziam?

Eima mihing hanciamna tawh kuama ngupkhiatna ih nga thei natu lampi a om ngawl hun lam sia Laithiangtho in thiangtak in hong hi. zo hi. “Mihing theampo maw siat zo a, Pathian ii ngumtu hong om puina tawh ki khuala siat zo uh hi” (Romans 3:23). Psalm late at pa in hi bang in ci lai hi “…Nang mu na ah a maw ngawl kuama a om bua hi” (Psalm 143:2). Paul in Rome te tung a lai thakna ah, “….a thumaan a thutang kuama om ngawl hi, khat zong om gnawl hi” (Roman 3:10) ci in kipsak va ngeu lai hi.

Ngamtat phat tu hanciam keei hang suak thei mama ngawl hi. Thukhaam zui tu ih hanciam zong suak thei ngawl hi. Ei le ei peuma ki ngum khia thei ngawl, thutang ki suak thei ngawl hi. Ahizong Jesus Christ sia ih up, ih saan ciang in hong ki ngum hi. English in ci leang ngupkhiatna sia ih sepna (Active) hi ngawl in hong kipia (Passive) ih saan ahi hi.

Tua ahiman Laithiangtho sungah hi bang na ci hi, “Banghang ziam cile note in upna tungtawnin Pathian ii thuthiamna taw ngup sa na hi uh hi. Tua in note hanciamna hang hi ngawlin, note kisuantaak thaak ngawl natu in Pathian letsong ahi hi” (Ephessians 2:8-9). Ngupkhiatna sia Thuthiamna (Grace) tungtawn hi a, Thuthiamna (Grace) ii a khiakna sia ih thalaw hi ngawl in hong kipia ahi hi. A tatak in ngupkhiatna sia a ngatu in ih kilawm bua hi. Khat zong ih kilawm bua hi. Ngupkhiatna sia Pathian ii hong Thuthiamna (Grace) hang bebek in upna (Faith) tawh ih saan letsong tatak ahi hi.

Study:
Ol lei na sa ziam? Ahibua le haksa lei na sa ziam? Comment ah hong at tan.

Tua ahiman Ngupkhiatna sia a kua bangte na nga thei tu ziam?
A hanciamte ziam?
Ngamtat pa te ziam?
Biakna kin te na nga tu ziam?
Thukham zui te na nga tu ziam?
Christian te na nga tu ziam?
A tungah study ih vawtna Laithiangtho te phatak ih sim ciang Jesus Christ sia ka ngumpa leh ka T**a hi ci in ama aituam atu in upna tawh a saang theampo sia ngupkhiatna nga hi. “Whoever believe in him shall not perish but have eternal life” (John 3:16)

Lesson #003 Coming Friday!
LUNGDAMNA THUPHA IH KI TAANGSAPNA TATAK SIA BANG TENG ZIAM?

Pathian in leitung mite hong it mama ahikom, khat bek a nei a Tapa hong pia a, ama a um peuma in thi nawn ngawlin tawntung nuntakna a nga natu ahi hi.

23/11/2024

Pathian Umngawl Tapidaw
(The Christian Atheist)

Oklahoma State sungah a om Edmond khuapi sia population 100,000 kiim pha a khuapi no khat ahi hi. Tua khuapi sungah pawlpi lian mama khat LIFE.CHURCH ii founder leh senior Pastor ahi Pr. Craig Groeschel in 2010 k*m in ZONDERVAN te tungtawn in laibu pha mama khat hong published khia a, a laibu min sia "The Christian Atheist: Believing in God but living as if He doesn't exist" ci ahi hi.

Tapidaw (Christian) ih ciciang (a tom in son pak leang) na theampo a bitphua Pathian om hi ci in upna nei a, a tapa Jesus Christ sia ka ngumpa le ka T**a hi ci in saang a, Jesus Christ nung a zuite ahi hi. Thu um ngawlte (Atheist) ih cite sia Pathian om bo. Na theampo a ma thuthu in piang hi ci in a piangsak pa (Creator) om ngawl hi a cite ahi hi.

Tua leh Pastor pa in bang hang in "Pathian Umngawl Tapidaw" (The Christian Atheist) bang hang in ci thei ziam? ci in a laibu ka sim hi. Ama ci na ah "Thu um mi khi hi, Pathian um khi hi ci napi in ih nuntakna sungah Pathian om ngawl bang in ih nungta leh tasia ciang Pathian Umngawl Tapidaw ih suak hi ci in thu nam (12) at hi.

Tu ni nam khat na tawm kong pualaak kik tu hi.
(Every Saturday in thu khat veo kong pualaak tu hi)

Book Sharing
001: Pathian um khi hi ci napi in Ama kua ziam ci na teltakpi bua leh Pathian Umngawl Tapidaw (A Christian Atheist) ni hi ci hi.

(a) Upna (Believing) versus Heaktelna (Knowing)
Pr. Craig ii 2010 k*m ciangdong research a vawt na ah America ngam sung a teang population ii 94 percent te in a nungta Pathian (or) Universal Spirit sia ka um uh hi ci tek uh hi. A hizong Pathian thu um te ii nuntakna sia koi bang hitu ci in Laithiangtho sungah hong hilna tawh teekaak tu hi leang Pathian he ngawl, Pathian a telngawl sia 94 percent bang om tu hi ci hi.

Khangtampi tak Tapidaw ih hi zo a, Pathian sia ih um (believe) hi. Ahizong Pathian sia a kua tatak ziam ci in ih nuntakna sungah ih hee, ih tel bua leh tua ih upna in bangma na seam ngawl hi ci hi.

(b) Pathian Heakngawlna (Not Knowing God)
Pawlkhat te in, "Pathian um khi hi. Tua ka upna sia ki cing lel ngawl ziam? Mihing tampi te na Pathian um ngawl a, kei um veang, tusia hi lel ngawl ziam" ci thei tha tu hi. Ahizong James laithak sungah en leang (James 2:19) Doaite zong na Pathian sia om takpi hi ci um bek dom ngawl ling vadil uh hi ci hi.

Pathian heakna ih cisia amatawh kizopna (relationship) ahi hi. Doaite in Pathian om takpi ci um uh a, ahizong amate sia Pathian tawh bangma hun in kizom thei ngawl tu uh hi. Sizang pasal nupi te in a tate, a tanu te uh zi nei pasal nei le a oai uh ciang, a deisak uh khat tawh "tua nu tawh, tuapa tawh ki he thei leu te dik tu ve" ci uh hi. Tua "ki he thei leute" ci kammal sia khat le khat kizop kipee awna (relationship) a son nuam ahi hi.

Tua leh koibang in Pathian he tu hi ziam cileh 1 John 2:3 na sungah "...khat pa in Pathian ka he hi ci napi in a thupiak a zui bua leh tua nu tua pa sia a lei lot hi..." ci hi. Pathian um leh Pathian he (Believing versus knowing) sia ki bang ngawl hi.

(c) Pathian he tatak ngawl (Not Knowing God Well)
Pathian ih heakdan sia ama tawh kizopna nei a ih heakna leh amatawh kizopna nei ngawl a, ama ii thu (information) heakna ci in nam ni om thei hi. Sonteena in Leitung bup ah a haubel Elon Musk sia a kua ziam? ama bangteng seam ziam? ci a ma thu (Information) sia ki he hi kaleh ama tawh ih kizopna bangma om ngawl ahiman Leitung a haubelpa ih heakna in ei atu bangma phattuamna hong pia ngawl hi.

Tabangma in Pathian sia na no lai Church School pan Sya/Syama te ii hong son na tungtawn in Pathian ii thu (information) na heak na in na nuntakna bangma hong lamdang sak ngawl tu a, Pathian ama mama tawh ki paupui in, na kizop ciang bek in ama sia he tatak pheang tu ni hi.

(d) A sungtawng pan Pathian heakna (Knowing Intimately)
A sungtawng pan Pathian heakna (Knowing Intimately) ih cisia na lungtang tawng pan in telsinsen na ahi hi. (Kei ma nuntakna mama ah Pathian na kasep zawk khua ngeipi ciang a sungtawng pan Pathian heakna ka nga pheang hi-laibu sungpan hi ngawl). Hi bang in Pathian sia a sungtawng pan in ih heak thei natu sia eima hi theina ih zak thei nawn ngawl hun ciang in ki cian bel hi.

Psalm Late at pa David in Psalm 63:1-4 na ah Pathian tawh nai tak in a kizopna thu at hi. David in Pathian sia a thu in za in um hi ngawl a, a mi (person) in he a, nai tak in kizom ahi hi. "T**a awng nang sia ka T**a ni hi, kei Tuu bang in hong cing pa ni hi, Nang sia kuama dang ii Pathian hi ngawl, keima tatak ma ii ka Pathian ni hi" a ci theina sia Ama le Pathian a kizopna a sungsang tawng pan ahi hunlam sia hong lak hi.

Tua ahiman "Pathian um khi hi ci napi in Ama kua ziam ci na hetakpi bua lai leh .... Pathian om bo a ci thu-umngawl te tawh na ki lamdanna om ngawl hi a ci nuam ahi hi.

Next Lesson: #002 "Pathian um khi hi ci napi in na nungsang thute tawh na mai a zum tawntung lai leh thu-umngawl tapidaw hi tu ni hi.... coming soon....

23/11/2024

BIBLE STUDY
(About Salvation in Siyin Version)

Lesson #001
BANGHANG IN NGUPKHIATNA KISAM HI ZIAM?

Sawltak Paul le Silas te Philippian thonginn sungah T**a a pok na uh pan in thonginn kongkha te ki hong a, a kolte a kisuut hun laitak in thong cingpa in lamdang sa mama ahikom, "...to te awng, ngupna ka nga natu bang vawt tu khi ziam?" ci in a dok ciang, "T**a Jesus um in, tuaciang, nang hong ki ngum tu hi..." (Sawltakte 16:31). Paul le Silas te ii kammal hi sia Laithiangtho bubup sungah a nuai a ki ngiit tam bel phiat tu hi. Pathian in a bo, a mangthang mite atu in ngupkhiatna (Salvation) ih cisia hong pia ahi hi. Leitung mihing a minpiang a kua ma theampo sia ngupkhiat tu a kisam ih hina sia Laithiangtho sungah thiangtak in hong son hi. Hi bible study sungah banghang in ngupkhiatna kisam hi ziam ci a hang sali ih son tu hi.

01. Mawna sungah taak siat zo hi hing
Banghang in ngupkhiatna kisam hi ziam cileh, mihing theampo mawna sungah taaksiat, mangthang, bo ih hi man in hong zong tu kisam hi hing. Ei le ei ih ki ngup tu kisam ci nopna hi ngawl hi - ei le ei ki ngum thei ngawl hi hing, ahizong ngupkhiatna ih nga tu kisam hi. Hong ngum tu khat kisam hi. Laithiangtho ii hong hilna ah mihing nam theampo sia mawna sungah lalcip (total depravity) siat zo hi ci in hong hil hi. "...A thumaan thutang kuama om ngawl hi. A ciim kuama om ngawl a, Pathian a bia kuama om ngawl hi. Mihingte a vekpi in Pathian sang pan in lampial zo a, amate lamkhial siat zo uh hi. Amaan na a seam kuama om ngawl a, khat bebeak zong om ngawl hi" (Romete 3:10-12) ci hi, Tua ahiman eite in a bo, a mangthang tuu te, amate leh amate tuukhawk sungah a zuan kik thei nawnngawl te ih hi a, tuukhawk sungah hong zotpui kik tu Tuucing pha ih kisam hi (Luke 15:3-6).
(Hi anuai a Laithiangtho mun teng na sim in; tuateng in mihing ii ih hina (humanity) leh ih mawna (sin) teng hong telsak tu hi.
Psalm Late 58:3
Isaiah 64:6-7
Jeremiah 17:9
John 3:19
John 8:34
Romete 3:9-11
Romete 8:6-7
Ephessuste 2:1-5

02. Pathian thinukna nuai ah ki om zo hi.
Ngupkhiatna ih kisapna a hang nina sia Adam leh Eve te tungtawn in Pathian thu ih nit ngawlna hang in mawna sungah ih taak ciang in mihing nam theampo sia Pathian thinukna nuai ah a theng ih hi hi. Eite sia "...ih pian lilim in Pathian thinukna thuak tu in a kiciangtan sa hi hi hi" (Ephesuste 2:3). Ngupkhiatna om bua thong leh eite sia thukhenna a thuak tute ih hi hi: "Tapa a umte thukhenna thuak ngawl hi; a um ngawlte ahile thukhenna a thuaksa hi zo hi, banghang ziamcile amate in Pathian ii Tapa khat bek sia a um bua uh hi" (John 3:18). Eite in Pathian thinukna tawh thukhenna ih thuak natu pan in eite tangin hong thuaksak a, eite Pathian tawh ih kilem kik thei natu palai hong sepsak tu a thumaan a thutang khat bebek ahi Jesus Christ ih kisam hi.

03. Hell sung thengtu dinmun ih hi hi.
Ngupkhiatna ih kisamna a hang thumna sia; "Eite maw nei ih hi kom in Hell sung a thengtu dinmun ah ih om hi. Ih thi zawk ciang thukhenna hong om tu hi (Hebrewte 9:27), taciang Pathian ii hong ngupkhiatna om ngawl in ih thi leh Laithiangtho sungah ih mu ahi sumhaupa bangin "hell khuksung ah ih theng tu hi" (Luke 16:23). Tua ahiman tawntung ngimna, kaan le meikuang sungah ih taak natu pan in hong ngumkhia tu ngumpa ih kisam hi.

04. Ih thaa a thi ahi hi.
Ngupkhiatna ih kisapna a hang lina sia; Eite mawna sungah ih taak hun pan kipan ih thaa a thi ahi hi. Ngupkhiatna a om ma in, eite sia mawna sungah ih thi zo hi (Colossaete 2:13). A thisa te in amate atu bang mama seam thei nawn ngawl hi. Tua ahiman thina pan ih thaw kik natu in thina a zo, nuntakna leh thawkikna zong ahi Jesus Christ ama khat bebek in hong ngum thei a, ama ih ki tangsam hi.

05. Ih lungtang te doaimangpa in sak sak zo hi.
Ngupkhiatna ih kisapna a hang ngana sia: Eite ii ih lungtang sia suang bang in sak cip zo a, doai mangpa in hong saksak cip zo hi: "A kua in mihingte thinsung tel thei ziam? tua bangza a ngualtheam thei dang bangma om ngawl hi; a natna sia na sia leih ahikom dam thiang zo ngawl tu hi" (Jeremiah 17:9). Ngupkhiatna nga ngawl mite sia hibang hi; "Amate thinsung sia khuazing cip hi. Pathian piak nuntak ziate sungah amate atu bangma om ngawl hi, banghang ziam cile amate in heakna nei ngawl in a thin uh pui hi" (Ephesuste 4:19). Tua ahiman hi za in thinsung pha ngawl, thinsak, thin pui mihingte ii ih lungtang, ih thin hong puaphatsak tu leh tua lungtangte Pathian tawh hong ki zom sak kik tu Thaa Thiangtho ii a tumdang mama (supernatural) nasepna ih kisam hi.

06. Mawna leh Satan ii Sila in ih om zo hi.
Ngupkhiatna ih kisapna a hang lukna sia; Eite mawna leh Satan ii sila ih suak siat zo hi... eima uk bang in ih ngam ta nawn bua a, mawna leh Satan deina bang in ih ngamta zo ta hi; "Tua ahile Jew te in Gentitle te sangin phazaw ih hi ziam? Hi tuan ngawl hi! Ka sonsa bangma in Jew te le Gentitle te sia a ki bangin mawna vaangletna nuai ah om siat hi" (Romete 3:9). Eite ii cilesa sia ngupkhiatna om bua thong leh Satan ii deibang in hong zeak na sungah a ki om tu ahi hi; "Tua sia zawk ciangin amate sia khuphawk tu a, ama thu nisak nuamin a manpa Doaimangpa thaang sung panin amate suakta tu uh hi" (2Timothy 2:26). Tua ahiman eite in suataakna hong pia tu ngumpa ih tangsam hi. Christ sung bek ah tua suatakna om hi (Romete 6:18).

07. Pathian ngalte ih suak zo hi.
Ngupkhiatna ih kisapna a hang sali na sia; eite Pathian ngal ih suak zo a, Pathian thupiak ih ni bua hi. Zong ih ni thei nawn bua hi. "Tua ahiciang mihing khat sia mihing pianzia in a uk le Pathian ngal suak hi; banghang ziam cile ama in Pathian thukham ni ngawl hi, a tatak in ni thei ngawl hi. Mihing pian zia a zuite in Pathian a lungdamsak thei bua hi" (Romete 8:7-8).

Tua ahiman eite in Pathian tawh hong kilem sak kik tu, Pathian innkuan sungah, Pathian tapa, tanu te ahi kik tu in, Kilemna k*mpi tapa ahi Jesus Christ ih kitang sam hi.

T**a Jesus in Nicodemus mun ah; "...ni vei na sua kik kul tu hi..." (John 3:7) a cisia a pealmaw thu a son ahi hi. Ni vei suak kik le te phatu, tusia idea pha mama khat hi ci khawng hi vazeang ngawl a, a pealmaw suak kik ngawl in a phamaw (must be born again) a ci na ahi hi.



Next lessons are coming soon!

Lesson #002
Kua bangte in ngupkhiatna nga thei tu ziam?

18/11/2024

12/11/2024

CHRISTIAN THEOLOGY
Sizang kam tawh a ki vawt, laibu sia a sim nuam, a dei ih om leh, A nuai Address ah ki nga thei lai tu hi…

နယ်မြေ ၁၀/၁၀၆ တောင်ဖီလာ
ကလေးမြို့
Ph .09258116954, 09261462015

၉၄ ရပ်ကွက် A၅ လမ်း ၊
တိုက် ၄/၃၀၄ ၊ဒဂုံဆိပ်ကမ်းမြို့နယ် ၊ရန်ကုန်မြို့။
ph 09258116954 , 09984911903

Bu khat -10000 ks