Magway online shop

03/07/2022

12/06/2022

" နယုန်လပြည့် " - " မဟာသမယအခါတော်နေ့ "
____________________________________________

🖊 နယုန်လသည် မြန်မာလများတွင် တတိယမြောက်လဖြစ်သည်။
နယုန်လ၏ ရာသီပန်းကား စံပါယ် မြတ်လေးပန်းဖြစ်၏။
နယုန်လတွင် ရှေးမြန်မာမင်းများ လက်ထက်အခါက စာတော်ပြန်ပွဲများ ကျင်းပလေ့ရှိ၏။
ယခုခေတ်ပထမပြန်စာမေးပွဲသည် ရှေးခေတ်နယုန်လ စာတော်ပြန်ပွဲမှ ဆင်းသက်လာခြင်းဖြစ်သည်။

🖊 နယုန်လပြည့်နေ့တွင် ကပိလဝတ်ပြည်မဟာဝုန်တောကြီး အတွင်း၌ မဟာသမယသုတ်တော်ကို မြတ်စွာဘုရားဟောကြားတော်မူသည်ကို အကြောင်းပြု၍ နယုန်လပြည့်နေ့ကို မဟာသမယအခါတော်နေ့အဖြစ် သတ်မှတ်ကြပါသည်။

🖊 မြတ်စွာဘုရား သက်ရှိထင်ရှားရှိစဉ်အခါက ကပိလဝတ်ပြည်မှ လယ်သမားများနှင့် ကောလိယပြည်မှ လယ်သမားများ ရောဟိနီမြစ်ရေကို အကြောင်းပြု၍ ရေလုပွဲကြီးဆင်နွှဲခဲ့ကြ၏။
နှစ်ဖက်နိုင်ငံမှ လူအများသည် တိုက်ခိုက်ကြတော့မည့် အခြေအနေသို့ရောက်ရှိနေကြ၏။
လယ်သမားများကို အကြောင်းပြု ၍ နှစ်ဖက်နိုင်ငံမှ မင်းညီမင်းသားများ စစ်သည်တော်များသည်လည်း ရောဟိနီမြစ်သို့ ရောက်လာကြ၏။

🙏 ပဋိပက္ခဖြစ်မည့်နေရာသို့ မြတ်စွာဘုရားရောက်ရှိလာပြီး ငြိမ်းချမ်းရေးကို ရှေးရှု၍ ဇာတ်ဝတ္ထု များကို သာဓကထုတ်ကာ ငြိမ်းချမ်းရေးတရား ဟောကြားတော်မူပါသည်။

🙏 မြတ်စွာဘုရားသည် ဖန္ဒနဇာတ်၊ ပထဝီဥန္ဒြိယဇာတ်၊ လဋုကိကဇာတ်၊ သမ္မောဒမာနဇာတ်၊ ရုက္ခဓမ္မဇာတ်၊ အတ္ထဒဏ္ဍဇာတ် တို့ကို ဟောကြားတော်မူပါသည်။

🙏 တရားနာကြားပြီးသောအခါ နှစ်ဖက်နိုင်ငံမှ လူအများသည် ဒေါသငြိမ်းကာ လက်နက်စွန့်၍ မေတ္တာဓာတ် သက်ဝင်လာကြပါသည်။
တစ်ဖက် ၂၅၀စီသော နှစ်ပြည်ထောင်မှ မင်းသားငါးရာတို့ သာသနာ့ဘောင်ဝင်၍ ရဟန်းပြု ကြပါသည်။

🙏 မြတ်စွာဘုရားသည် ထိုရဟန်းငါးရာကို ဟိဝန္တာတောအတွင်းရှိ ကုဏာလရေအိုင်သို့ တန်ခိုးတော်ဖြင့် ခေါ်ဆောင်၍ ကုဏာလဇာတ်ကို ဟောတော်မူပါသည်၊တရားအဆုံး၌ ရဟန်းငါးရာလုံး သောတာပန် ဖြစ်တော်မူကြပါသည်။

🙏 မြတ်စွာဘုရားသည် ကုဏာလရေအိုင်မှ ကပိလဝတ်ပြည် အနီးမဟာဝုန်တောကြီးသို့ ပြန်လည်ကြွရောက်တော်မူရာ အပြန်ခရီးတွင် သောတာပန်ရဟန်း ငါးရာလုံးမိမိတို့ ၏ တန်ခိုးဖြင့် လိုက်ပါလာကြပါသည်။
ထိုရဟန်းငါးရာတို့သည် မဟာဝုန်တောကြီးထဲ၌ ဆက်လက်တရားအားထုတ်ရာ အားလုံးရဟန္တာ ဖြစ်တော်မူကြပါသည်။

📕 ရဟန္တာငါးရာတို့သည် မိမိတို့ ရရှိပြီးသော တရားထူးကို လျှောက်ထားရန် မြတ်စွာဘုရားကို ဖူးမြော်ရန် နယုန်လပြည့်နေ့ ညချမ်းအချိန်တွင် မြတ်စွာဘုရား ထံတော်မှောက်စုရုံးရောက်ရှိ လာကြပါသည်။
ဤကဲ့သို့ ထူးခြားသောသံဃာ့အစည်းအဝေးကြီးကို တွေ့မြင်ကြည်ညိုကြသော နတ်၊ ဗြဟ္မာ၊ အသုရာနှင့် ဂဠုန် နှင့် နဂါးတို့သည် မဟာဝုန်တောကြီးသို့ အုပ်စုလိုက် စုရုံးရောက်ရှိလာကြပါသည်။

🖊 နတ်ဗြဟ္မာများ စုရုံးစည်းဝေးမိကြသော အချိန်ကို မဟာသမယဟု ခေါ်ဆိုကြပါသည်။
ရောက်ရှိလာသော နတ်ဗြဟ္မာတို့က တလှည့်စီ မြတ်စွာဘုရားကို အနီးကပ် ဖူးမြော်ကြသည့်အခါ နတ်ဗြဟ္မာတို့ကို ရဟန္တာငါးရာတို့နှင့် မိတ်ဆက်ပေးသည့်အနေဖြင့် နတ်ဗြဟ္မာတို့၏ အမည်နာမ၊ ဘုံဋ္ဌာန၊ တန်ခိုးဣဒ္ဓိပါဒ်၊ အခြွေအရံတို့ကို ထုတ်ဖော်မြွတ်ကြားချက်ကို မဟာသမယသုတ်ဟု ခေါ်ပါသည်။

🖊 မဟာသမယသုတ် ဟောကြားပြီးနောက် စရိုက်အားလျှော်စွာ အောက်ပါသုတ်တော်များကို ဆက်လက်ဟောကြားတော်မူပါသည်။

📕 ရာဂစရိုက်အားကြီးသူတို့အတွက် - သမ္မာပရိဗ္ဗာဇနိယသုတ်။

📗 ဒေါသစရိုက်အားကြီးသူတို့အတွက် - ကလဟဝိဝါဒသုတ်။

📘 မောဟစရိုက်အားကြီးသူတို့အတွက် - မဟာဗျူ ဟသုတ်။

📒 ဝိတက်စရိုက်အားကြီးသူတို့အတွက် - စူဠဗျူဟသုတ်။

📔 သဒ္ဓါစရိုက်အားကြီးသူတို့အတွက် - တုဝဋကသုတ်။

📙 ပညာစရိုက်အားကြီးသူတို့အတွက် - ပုရာဘေဒသုတ်။

တို့ကို ဟောကြားတော်မူရာ နတ်ဗြဟ္မာပေါင်း ကုဋေတစ်သိန်းစီ ကျွတ်တန်းဝင်ကြပါသည်၊
စရိုက်ခြောက်ပါး အားလျှော်စွာ သုတ်တော်များကို ဟောကြားသည့်အခါ နတ်ဗြဟ္မာတို့ လွယ်ကူးနားလည်နိုင်စေရန် နိမ္မိတရုပ်ပွားတော်တစ်ဆူ ဖန်ဆင်းတော်မူပါသည်။
နိမ္မိတဘုရားက မေး၍ ပကတိဘုရားက ဖြေဆိုကာ အမေး အဖြေ နည်းဖြင့် ဟောကြားတော်မူပါသည်။

🙏🌹နယန်လပြည့်နေ့တွင်

✅ ရေလုကြသော လယ်သမားများ ငြင်းခုံခိုက်ရန်ဘေးမှ ကင်းဝေးခဲ့ပါသည်။
✅ ကပိလဝတ်နှင့် ကောလိယနှစ်ပြည်ထောင် စစ်ခင်းတော့မည့် ဘေးအန္တရာယ်မှ ကင်းဝေးစေခဲ့ပါသည်။
✅ မြတ်စွာဘုရားလက်ထက်က ရဟန်းတော်များနှင့် နတ်ဗြဟ္မာ၊ အသုရာနှင့်ဂဠုန် နဂါးများ ဤတစ်ကြိမ်သာ စုရုံးမိကြပါသည်။
✅ မင်းသားငါးရာ တပြိုင်နက် သာသနာ့ဘောင်သို့ ဝင်ရောက်ခဲ့ကြပါသည်။
✅ ထိုရဟန်းငါးရာလုံး ရဟန္တာချည်းဖြစ်ခဲ့ကြပါသည်။
✅ နိမ္မိတဘုရားက မေး၍ ပကတိဘုရားက ဖြေဆိုကာ တရားဟောတော်မူခဲ့ကြပါသည်။
✅ မဟာသမယသုတ်ကို အကြောင်းပြု ၍ ဂဠုန်နှင့်နဂါးတို့ ခိုက်ရန်မဖက် မေတ္တာသက်ဝင်ခဲ့ကြပါသည်။
✅ မဟာသမယဆိုင်ရာ သုတ်တော်ခုနှစ်သုတ်ကို ဟောကြားခဲ့ပါသည်။
✅ ဘိက္ခုနီ သာသနာ လမ်းစပေါ်သော နေ့လည်းဖြစ်ပါသည်။

🖊 ဤကဲ့သို့ အကြောင်းအချက်များကို အကြောင်းပြု ၍နယုန်လပြည့်နေ့ကို မဟာသမယအခါတော်နေ့အဖြစ်သတ်မှတ်ကြပါသည်။
နယုန်လပြည့် မဟာသမယနေ့တွင်လမဟာသမယသုတ်ကို ရွတ်ဖတ်ပူဇော်သင့်ပါသည်။

🖊မဟာသမယသုတ်ကို အစဉ်အမြဲရွတ်ဖတ်ပူဇော်နေပါကနတ်များ၏ ချစ်ခင်မှုကို ခံရကြောင်း၊ အိမ်သစ်တိုက်သစ်နေရာသစ်တို့၌ မင်္ဂလာယူလိုသောသူတို့သည်လည်းမဟာသမယသုတ်ကို ရွတ်ဖတ်သင့်ကြောင်းအဋ္ဌာကထာဆရာ တိုက်တွန်းခဲ့ပါသည်။

ဗဟုသုတရစေမဲ့ ဂရု(Group)လေးပါ လူတိုင်းဝင် ထားသင်တယ်နော်😍💡
https://www.facebook.com/groups/647935105856550/?ref=share
crd မူရင်းရေးသားသူ

- ဒေါက်တာအရှင်သူရိယ

🖊 ပြန်လည်ပြုပြင်ရေးသားပါသည်။
ရှင်နန္ဒဝံသ

07/05/2022