22/08/2026
အမှားလုပ်မိတိုင်း ဒီမေးခွန်း ၄ ခုမေးပြီးရှေ့ဆက်ပါ။
ဖြိုးအခု လူတစ်ယောက် တော်တယ်ဆိုတာကို
သူဘယ်လောက်အမှားနည်းလဲဆိုတာနဲ့
မကြည့်တော့ဘူး။
ဘာနဲ့ကြည့်လဲဆိုတော့
သူမှားသွားပြီးနောက် ဘယ်လောက်မြန်မြန်
ပြန်ထနိုင်လဲ ဆိုတာကို ကြည့်တယ်။
ဘာကြောင့်လဲဆိုတော့
ဘဝမှာလူတိုင်းမှားတယ်။
ဖြိုးဆို ဖြိုးလုပ်တဲ့ စီးပွားရေးလည်း မှားမယ်။
ဖြိုး အလုပ်ခန့်တဲ့အချိန်
လူရွေးတာလည်း မှားမယ်။
တချို့ဆို အလုပ်လည်း မှားမယ်။
ဆုံးဖြတ်ချက်ချတာလည်း မှားနိုင်တယ်။
ဘယ်သူမှ အမြဲမှန်နေလို့ မရဘူး။
ဒါကြောင့် ဖြိုးနားလည်လာတာ
လူတစ်ယောက်အောင်မြင်ပျော်ရွှင်ဖို့က
မမှားအောင် နေနိုင်ခြင်း မဟုတ်ဘူး။
မှားသွားတဲ့နေရာမှာ အကြာကြီး မနေတတ်ခြင်းပါ။
အခု ဖြိုးကိုယ်တိုင် မှားသွားတိုင်း
မေးတတ်တာ ၄ ခုရှိတယ်။
၁။ ဘာမှားသွားလဲ။
၂။ ဘာသင်ယူလိုက်ရလဲ။
၃။ နောက်တစ်ခါ ဘာပြောင်းရမလဲ။
၄။ အခု ဘာဆက်လုပ်မလဲ။
သင်ခန်းစာယူပြီးရင်
အဲဒီအမှားထဲမှာ ဆက်မနေတော့ဘူး။
ဆက်သွားတယ်။
ဖြိုးအတွက် စိတ်ကြံ့ခိုင်မှု ဆိုတာ
ဘယ်တော့မှ မလဲကျတာ မဟုတ်ဘူး။
လဲကျတဲ့အချိန်နဲ့ပြန်ထတဲ့အချိန်ကြားက
အချိန်ကို တိုသည်ထက်တိုအောင်
တဖြည်းဖြည်း လေ့ကျင့်ထားတာပါ။
အခု ကိုယ်က အမှားတစ်ခု၊ အရှုံးတစ်ခု၊
မမျှော်လင့်ထားတဲ့ ပြောင်းလဲမှုတစ်ခုထဲမှာ
ပိတ်မိနေတယ်ဆိုရင်
အဲဒီနေရာမှာပဲ အကြာကြီးမနေပါနဲ့။
ကိုယ့်စိတ်ကို ဘယ်လိုပြန်တည်ဆောက်မလဲ၊
အမှားကနေ ဘယ်လိုသင်ယူမလဲ၊
ပြောင်းလဲမှုကြားမှာ
ဘယ်လိုဆက်သွားမလဲဆိုတာကို
စပြီးလေ့လာပါ။
ShweNote App ထဲမှာ
စိတ်ကြံ့ခိုင်မှု၊ အတွေးအခေါ်ပြောင်းလဲမှုနဲ့
ကိုယ့်ကိုယ်ကိုယ် ပြန်တည်ဆောက်နိုင်စွမ်းဆိုင်ရာ
စာအုပ်တွေကို ရွေးဖတ်ကြည့်ပါ။
တစ်ခါတလေ ကိုယ်လိုအပ်နေတာက
အားပေးစကားတစ်ခွန်း မဟုတ်ဘူး။
ပြန်ထဖို့ အတွေးအသစ်တစ်ခုပါ။
ရေရှည်မှာ အနိုင်ရသူက
အမှားအနည်းဆုံးသူ မဟုတ်ဘူး။
အမှားတစ်ခုကို ဘဝတစ်ခုလုံး
ဆုံးဖြတ်ပေးလိုက်တာမျိုးဖြစ်အောင်မလုပ်ဘဲ
အမြန်ဆုံး သင်ခန်းစာအဖြစ် ပြောင်းနိုင်တဲ့သူပါ။
#လန်းလန်းဆန်းဆန်းကံ့ကော်ပန်း
