05/04/2026
| အတိတ်နေ့ရက်များရဲ့ပုံရိပ်
Nike Football က ကျွန်တော်တို့ကို
အတိတ်စီပြန်ခေါ်သွားပြီး Cristiano Ronaldoနဲ့
သူရဲ့ Mercurial V***r Superfly 1 'CR7' တို့ကို
တစ်ကျော့ပြန် မြင်တွေ့ခွင့်ပေးလိုက်ပြန်ပါပြီ
အဲဒီဂန္ထဝင်အရောင် "Remake" ပြန်လုပ်ထားတဲ့
ဖိနပ်သစ်ကို ရော်နယ်ဒိုဟာ Al Nassr အသင်းရဲ့
နောက်ဆုံးလေ့ကျင့်ရေးကွင်းမှာစီးပြသွားခဲ့ပါတယ်။
2009 ခုနှစ်တုန်းက ရော်နယ်ဒိုဟာမန်ယူအသင်းမှာ
နောက်ဆုံးကစားခဲ့တဲ့ရာသီပါ အဲဒီရာသီ 2008-09
မှာ သူဟာ 53 ပွဲကစားပြီး 26 ဂိုးပဲ သွင်းနိုင်ခဲ့ပေမဲ့
အရင်ရာသီမှာတင် Ballon d'Or ဆုကို ရယူထားပြီး
ဖြစ်လို့ ကမ္ဘာ့အာရုံစိုက်ဆုံးPlayer ဖြစ်နေခဲ့ပါတယ်။
အဲဒီအချိန်မှာ သူစီးတဲ့ဖိနပ်ကလည်း
လူပြောအများဆုံးပေါ့။ အရောင်းပိတ်ခဲ့ရတဲ့
ဂန္ထဝင်အရောင် အနက်ရောင် Nike အမှတ်တံဆိပ်
(Swoosh) ပါတဲ့ အနီရောင်နဲ့ငွေရောင်စပ် Superfly
ဟာ အဲဒီတုန်းက တကယ့်ကို ခေတ်စားခဲ့ပါတယ်။
ဒါပေမဲ့ စိတ်မကောင်းစရာက အဲဒီအရောင်ကို
ရောင်းချဖို့ အစီအစဉ်ရှိခဲ့ပေမဲ့ Nike က
နောက်ဆုံးမိနစ်မှာ ဖျက်သိမ်းလိုက်ရပါတယ်။
အကြောင်းရင်းကတော့ အဲဒီတုန်းက
Didier Drogba, Andrey Arshavin နဲ့ Luis
Fabiano တို့လို နာမည်ကြီးကစားသမားတွေ
ပွဲကစားနေရင်း ဖိနပ်တွေ ခဏ"ပြဲထွက်ကုန်လို့ပါ။
Nike က အပေါ့ပါးဆုံးနဲ့အမြန်ဆုံးဖြစ်ဖို့ အပေါ်သား
(Upper) ကို အပါးဆုံးလုပ်ခဲ့ပြီး Flywire နည်းပညာ
ကို စသုံးခဲ့ပေမဲ့ တာရှည်မခံတဲ့ ပြဿနာ ရှိခဲ့ပါတယ်။
2020 မှာ "Future DNA" ဆိုပြီး တစ်ကြိမ်
ပြန်ထွက်ခဲ့သလို အခု 2026 မှာလည်း တစ်ခါ
ထပ်ထွက်လာပြန်ပါပြီ 2009 ခုနှစ်က မူလအရောင်
အတိုင်းဖြစ်ပေမဲ့ အောက်ခြေ (Soleplate) ကတော့
ခေတ်မီ Mercurial နည်းပညာကို သုံးထားပါတယ်။
ဖိနပ်မှာ CR7 logo နဲ့ 'Made for Greatness' ဆိုတဲ့
စာသား ပါဝင်ပါတယ် Air Zoom စနစ်နဲ့ Flywire
ကြိုးတွေပါဝင်လို့ ပေါ့ပါးပြီး အရှိန်မြှင့်တဲ့အခါမှာ
မြေပြင်ကပ်အားမှာပါ အကောင်းဆုံး ခံစားချက်ကို
ပေးပါလိမ့်မယ် ဒါဟာ ရော်နယ်ဒိုရဲ့ အတိတ်ကပုံရိပ်
တွေကို ပရိသတ်တွေရင်ထဲ ပြန်ရောက်လာအောင်
ဖန်တီးလိုက်တာပါ။
ဂန္ထဝင်ကစားသမားနဲ့ ဂန္ထဝင်ဖိနပ်အရောင်တို့
ပေါင်းစပ်တွေ့မြင်လိုက်တာမို့ ဖိနပ်ချစ်သူတွေ
အတွက်တော့ မဟန့်တားနိုင်တဲ့ဆွဲဆောင်မှုပါပဲ။
