Fashion Vibes

26/01/2026

-သေနှုန်းမြင့်တဲ့ နီပါ (Nipah) ဗိုင်းရပ်စ်အကြောင်း သိထားသင့်တဲ့ (၅) ချက်�

- အိမ်နီးချင်းနိုင်ငံတွေမှာ ဖြစ်နေတဲ့ နီပါ (Nipah) ဗိုင်းရပ်စ် - မြန်မာတွေ ဘာတွေသတိထားရမလဲ? 🦇🚨

မင်္ဂလာပါ... ဒေါက်တာရဲ ဖြစ်ပါတယ်။

ဒီရက်ပိုင်း သတင်းတွေမှာ အိမ်နီးချင်း အိန္ဒိယနဲ့ ဘင်္ဂလားဒေ့ရှ်ဘက်မှာ နီပါ (Nipah Virus) ပြန်တွေ့နေရသလို၊ ထိုင်းနိုင်ငံဘက်ကလည်း သတိပေးချက်တွေ ထုတ်ပြန်ထားတာ တွေ့ရပါတယ်။ ဒါကြောင့် ကိုယ့်မြန်မာနိုင်ငံက ပြည်သူတွေလည်း ကြိုတင်သတိထားနိုင်အောင် ဒီဗိုင်းရပ်စ်အကြောင်းလေး အရေးပေါ် မျှဝေပေးချင်ပါတယ်။

Nipah ဆိုတာက သာမန်တုပ်ကွေးလိုလိုနဲ့ အသက်အန္တရာယ်အထိ ပေးနိုင်တဲ့ ဗိုင်းရပ်စ်တစ်မျိုးပါ။ ဒီရောဂါအတွက် အတိအကျ ကုသပျောက်ကင်းနိုင်တဲ့ ဆေးမရှိသေးသလို၊ ကြိုတင်ကာကွယ်ဖို့ ကာကွယ်ဆေး (Vaccine) လည်း ကမ္ဘာပေါ်မှာ မပေါ်သေးပါဘူး။
သေဆုံးနှုန်းက (၄၀% ကနေ ၇၅%) အထိ မြင့်မားနိုင်တာမို့ လုံးဝပေါ့ဆလို့ မရပါဘူး။

🔍 ဘယ်လိုကူးစက်နိုင်လဲ?
အဓိကကတော့ တိရစ္ဆာန်ကနေ လူကို ကူးစက်တာပါ။

(၁) လင်းနို့များ
လင်းနို့တွေက အသီးမှည့်ရင် အရမ်းကြိုက်ပါတယ်။ သရက်သီး၊ မာလကာသီး စတာတွေပေါ့။
* ❌ အပင်အောက် ပြုတ်ကျနေတဲ့ အသီးတွေကို ကောက်မစားပါနဲ့။
* ❌ ငှက်ဆိတ်ရာ၊ အကောင်ကိုက်ရာ ပါတဲ့ အသီးဆိုရင် နှမြောပြီး လှီးထုတ်စားတာမျိုး လုံးဝ မလုပ်ပါနဲ့။ တစ်လုံးလုံး လွှင့်ပစ်လိုက်ပါ။ အဲ့ဒီအသီးမှာ လင်းနို့တံတွေးကနေတဆင့် ဗိုင်းရပ်စ်ပါလာနိုင်ပါတယ်။

လင်းနို့တွေက ထန်းရည်အိုးတွေမှာ လာတွဲခိုတတ်သလို၊ အိုးထဲကို အညစ်အကြေးစွန့်တာတွေ ရှိနိုင်ပါတယ်။
* ❌ ထန်းရည်အိုးဖွင့်ထားတာတွေကို သောက်တာက အရမ်းအန္တရာယ်များပါတယ်။

(၂) ရောဂါပိုးရှိတဲ့ ဝက် တွေကနေတဆင့်လည်း ကူးစက်နိုင်ပါတယ်။

(၃) ရောဂါပိုးရှိတဲ့ လူနာ ရဲ့ ခန္ဓာကိုယ်အရည် (တံတွေး၊ သွေး၊ ဆီး) နဲ့ အနီးကပ်ထိတွေ့မိရင်လည်း လူအချင်းချင်း ကူးစက်နိုင်ပါတယ်။

🚨 သတိထားရမည့် လက္ခဏာများ (Symptoms)
ဗိုင်းရပ်စ်ဝင်ပြီး (၄) ရက်ကနေ (၁၄) ရက်အတွင်းမှာ လက္ခဏာပြတတ်ပါတယ်။
1. ဖျားခြင်း၊ ခေါင်းအရမ်းကိုက်ခြင်း။
2. ကြွက်သားတွေ နာကျင်ကိုက်ခဲခြင်း။
3. အော့အန်ခြင်း၊ လည်ချောင်းနာခြင်း။
4. မောပန်းခြင်း၊ အသက်ရှူရခက်ခဲခြင်း
5. အရေးကြီးဆုံးအဆင့် - ရောဂါရင့်လာရင် ဦးနှောက်ရောင်ရမ်းခြင်း (Encephalitis) ဖြစ်လာမယ်။ ခေါင်းမူးဝေမယ်၊ ကယောင်ကတမ်းဖြစ်မယ်၊ သတိလစ်မလိုဖြစ်မယ်။ ဒီအဆင့်ရောက်ရင် (၂၄) နာရီကနေ (၄၈) နာရီအတွင်း ကိုမာ (Coma) ဝင်ပြီး အသက်ဆုံးရှုံးနိုင်ပါတယ်။

-လောလောဆယ် နီပါဗိုင်းရပ်စ်အတွက် တိကျတဲ့ ကုသဆေးနဲ့ ကာကွယ်ဆေး မရှိသေးပါဘူး။ ဒါကြောင့် ကာကွယ်ခြင်းကသာ အထိရောက်ဆုံး ကုသမှုပါ။

🛡️ ဘယ်လိုကာကွယ်ကြမလဲ?

✅ (၁) အသီးအနှံများကို သတိထားစားသုံးပါ - အသီးတွေကို ရေစင်စင်ဆေးပြီးမှ စားပါ။ အခွံနွှာစားပါ။ ငှက်/လင်းနို့ ကိုက်ရာပါတဲ့ အသီးတွေကို လုံးဝ(လုံးဝ) မစားပါနဲ့။ မြေကြီးပေါ် ကြွေကျနေတဲ့ အသီးတွေကို ကောက်မစားပါနဲ့။

✅ (၂) လက်သန့်ရှင်းရေး - ဆပ်ပြာနဲ့ ရေကိုသုံးပြီး မကြာခဏ လက်ဆေးပါ။ အထူးသဖြင့် အစားမစာခင်နဲ့ တိရစ္ဆာန်တွေနဲ့ ထိတွေ့ပြီးချိန်မှာ လက်ဆေးပါ။

✅ (၃) ထန်းရည် - ထန်းရည်အိုးတွေမှာ လင်းနို့တွေ လာပြီးတွဲခိုနေတတ်တာကြောင့် သတိထား သောက်သုံးပါ။

✅ (၄) လူနာနှင့် ထိတွေ့မှု - ဖျားနာနေတဲ့လူနာကို ပြုစုရမယ်ဆိုရင် Mask တပ်ပါ၊ လက်အိတ်စွပ်ပါ၊ တစ်ကိုယ်ရေ သန့်ရှင်းရေး ဂရုစိုက်ပါ။

ဒီရောဂါက ကုဆေးမရှိပေမယ့် "ဆင်ခြင်မှု" နဲ့ ၁၀၀% ကာကွယ်လို့ ရပါတယ်။

ကျန်းမာရေးသတိ၊ အမျိုးသားသတိ ဆိုသလိုပဲ ကိုယ့်ကျန်းမာရေးကို ကိုယ်တိုင် ဂရုစိုက်ကြပါခင်ဗျာ။

ဒီအကြောင်းအရာလေးကို ကိုယ်ချစ်ရတဲ့ သူတွေလည်း သိရအောင် Share လုပ်ပြီး သတိပေးလိုက်ကြပါဦးနော်။

(Update ဖြစ်သော ကျန်းမာရေးဗဟုသုတများကို နေ့စဉ်ဖတ်ရှုရန် Dr. Ye Page ကို See First လုပ်ထားပါ)

#နီပါဗိုင်းရပ်စ် #ကျန်းမာရေး
#နီပါဗိုင်းရပ်စ် #ကျန်းမာရေးဗဟုသုတ
#ဒေါက်တာရဲ

26/01/2026

📌အရေးပေါ်သတင်း။ ။ အိန္ဒိယတွင် နီပါးဗိုင်းရပ်စ် (Nipah Virus) အန္တရာယ်ကြောင့် အကျပ်အတည်းဆိုက်၊ လူရာချီ Quarantine လုပ်ကာ Lockdown ချမှတ်
၁၉ နှစ်အတွင်း ပထမဆုံးအကြိမ် ပြန်လည်ပေါ်ပေါက်လာသည့် နီပါးဗိုင်းရပ်စ်မှာ ကိုဗစ်ထက် ပိုမိုပြင်းထန်ပြီး အနောက်ဘင်္ဂလားပြည်နယ်တွင် ကူးစက်မှုများပြားနေ။ လင်းနို့မှတစ်ဆင့် ကူးစက်ပြီး ကုသရန် ကာကွယ်ဆေးမရှိသေး။ တုပ်ကွေးနှင့်တူသော်လည်း သေဆုံးမှုနှုန်းမြင့်မားကာ ဦးနှောက်ရောင်ခြင်းနှင့် သတိလစ်မေ့မြောခြင်းတို့ ဖြစ်ပွားနိုင်ကြောင်း သတိပေး။
ဇန်နဝါရီ ၂၃ ရက် — အိန္ဒိယနိုင်ငံ၊ အနောက်ဘင်္ဂလားပြည်နယ်တွင် နီပါးဗိုင်းရပ်စ် (Nipah virus) ကူးစက်ခံရသူ ၅ ဦး တွေ့ရှိပြီးနောက် ဗိုင်းရပ်စ်ပြန့်ပွားမှုကို ထိန်းချုပ်ရန် အိန္ဒိယအစိုးရက အရေးပေါ် လုပ်ဆောင်နေကြောင်း သတင်းရရှိသည်။ ရောဂါပိုးရှိသူနှင့် ထိတွေ့ခဲ့သူပေါင်း ၁၀၀ နီးပါးကို သီးသန့်ခွဲခြား (Quarantine) ကာ စောင့်ကြည့်လျက်ရှိသည်။
နီပါးဗိုင်းရပ်စ်သည် တိရစ္ဆာန်မှတစ်ဆင့် လူသို့ကူးစက်သောရောဂါ (Zoonotic disease) ဖြစ်ပြီး သစ်သီးစားလင်းနို့များမှာ အဓိကရောဂါသယ်ဆောင်သူများဖြစ်သည်။ ထို့ပြင် ဝက်များမှတစ်ဆင့်လည်းကောင်း၊ ရောဂါပိုးရှိသူ၏ ခန္ဓာကိုယ်ထွက်ရည်များကို တိုက်ရိုက်ထိတွေ့ခြင်းဖြင့်လည်းကောင်း ကူးစက်နိုင်သည်။ ဤဗိုင်းရပ်စ်သည် ကူးစက်ပြန့်ပွားမှုနှုန်း မြင့်မားသည့်အပြင် သေဆုံးမှုနှုန်းမှာလည်း အလွန်စိုးရိမ်စရာကောင်းသည်။
ဆေးရုံဝန်ထမ်းများအတွင်း ကူးစက်မှုဖြစ်ပွား
Press Trust of India သတင်းဌာန၏ ဖော်ပြချက်အရ အတည်ပြုလူနာသစ်များတွင် ဆရာဝန်၊ နာပြုနှင့် ကျန်းမာရေးဝန်ထမ်းများ ပါဝင်နေသည်။ အစောပိုင်းက လူနာတစ်ဦးမှာ အလားတူလက္ခဏာများဖြင့် သေဆုံးသွားခဲ့ပြီးနောက် ၎င်းအား ပြုစုခဲ့သည့် နာပြုများထံတွင် ရောဂါပိုး ထပ်မံတွေ့ရှိခဲ့ခြင်းဖြစ်သည်။
ကိုလ်ကတ္တားမြို့အနီးရှိ ဘာရာဆပ် (Barasat) မြို့ ဆေးရုံအတွင်း ကူးစက်မှုမှာ အဆိုပါသေဆုံးသွားသော လူနာထံမှ စတင်ခဲ့ခြင်းဖြစ်နိုင်ကြောင်း တာဝန်ရှိသူများက ယူဆထားကြသည်။
• လူနာများအခြေအနေ: အတည်ပြုလူနာ ၅ ဦးအနက် နာပြုဆရာမတစ်ဦးမှာ သတိလစ်မေ့မြောနေပြီး အသက်ရှူစက် တပ်ထားရသည်။ အခြားနာပြုဆရာတစ်ဦးမှာ အခြေအနေပြန်လည်ကောင်းမွန်လာပြီး ပထမအကြိမ် စစ်ဆေးမှုတွင် Negative ထွက်ထားသော်လည်း ဆက်လက်စောင့်ကြည့်နေရဆဲဖြစ်သည်။
ဗိုင်းရပ်စ်၏ ပြင်းထန်မှုနှင့် လက္ခဏာများ
ကမ္ဘာ့ကျန်းမာရေးအဖွဲ့ (WHO) က နီပါးဗိုင်းရပ်စ်ကို ကုသရန် ကာကွယ်ဆေးနှင့် သီးသန့်ဆေးဝါး မရှိသေးသည့်အတွက် အန္တရာယ်အရှိဆုံးရောဂါပိုးစာရင်းတွင် ထည့်သွင်းထားသည်။ လက်ရှိတွင် လူနာ၏ဝေဒနာကို သက်သာစေရန်သာ ပြုစုကုသပေးနိုင်သည်။
• ရောဂါပျိုးချိန်: ပျမ်းမျှ ၄ ရက်မှ ၁၄ ရက်အထိ ကြာတတ်သော်လည်း အချို့ကိစ္စများတွင် ၄၅ ရက်အထိ ကြာမြင့်နိုင်သဖြင့် အစောပိုင်းစစ်ဆေးရန် ခက်ခဲသည်။
• ရောဂါလက္ခဏာ: အဖျားတက်ခြင်း၊ ခေါင်းကိုက်ခြင်း၊ ချောင်းဆိုးခြင်းနှင့် လည်ချောင်းနာခြင်းစသည့် တုပ်ကွေးနှင့်တူသော လက္ခဏာများဖြင့် စတင်တတ်သည်။
• ပြင်းထန်သောအခြေအနေ: ဗိုင်းရပ်စ်သည် အာရုံကြောစနစ်ကို တိုက်ခိုက်ကာ ရုတ်တရက် ဦးနှောက်ရောင်ခြင်းကို ဖြစ်စေသည်။ လူနာသည် စိတ်ရှုပ်ထွေးခြင်း၊ မူးဝေခြင်းများဖြစ်ကာ ၂၄ နာရီမှ ၄၈ နာရီအတွင်း သတိလစ်မေ့မြော (Coma) သွားနိုင်သည်။
• သေဆုံးမှုနှုန်း: ဤဗိုင်းရပ်စ်၏ သေဆုံးမှုနှုန်းမှာ ၄၀% မှ ၇၅% အထိ ရှိပြီး ကိုဗစ်-၁၉ ထက် အဆပေါင်းများစွာ မြင့်မားသည်။
ကြိုတင်ကာကွယ်ရေး
တိရစ္ဆာန်များ ကိုက်ထားသည့် အသစ်အဆန်း သစ်သီးများ၊ လင်းနို့တံတွေး သို့မဟုတ် ဆီးနှင့် ထိတွေ့ထားနိုင်သော လတ်ဆတ်သည့် စွန်ပလွံရည်များကို မစားသုံးရန် သတိပေးထားသည်။ ထို့ပြင် ရောဂါဖြစ်ပွားရာဒေသရှိ ဖျားနာနေသော တိရစ္ဆာန်များနှင့် တိုက်ရိုက်ထိတွေ့ခြင်းကို ရှောင်ကြဉ်ရမည်။
၁၉ နှစ်အကြာတွင် ပြန်လည်ပေါ်ပေါက်လာခြင်း
အနောက်ဘင်္ဂလားပြည်နယ်တွင် ၂၀၀၁ ခုနှစ် (စီလီဂူရီမြို့) နှင့် ၂၀၀၇ ခုနှစ် (နာဒီယာခရိုင်) တို့တွင် ကူးစက်မှုဖြစ်ပွားခဲ့ပြီးနောက် ယခု ၂၀၂၆ ခုနှစ် ဇန်နဝါရီလတွင် ဖြစ်ပွားမှုမှာ ၁၉ နှစ်အတွင်း ပထမဆုံးအကြိမ် ပြန်လည်ပေါ်ပေါက်လာခြင်းဖြစ်သည်။ အိန္ဒိယတောင်ပိုင်း ကီရာလာပြည်နယ်တွင် နှစ်စဉ်နီးပါး ကူးစက်မှုများရှိသော်လည်း အနောက်ဘင်္ဂလားပြည်နယ်သို့ ပြန်လည်ရောက်ရှိလာခြင်းမှာ အထူးဂရုပြုစောင့်ကြည့်ရမည့် အခြေအနေဖြစ်ကြောင်း ကျွမ်းကျင်သူများက ဆိုသည်။

22/01/2026

မုန်လာဥနီ ဖျော်ရည်ကို ၈ လ ဆက်တိုက် မနက်တိုင်း စွဲစွဲ မြဲမြဲ သောက်ပြီးတဲ့နောက် ကြုံတွေ့ခဲ့ရတဲ့ မယုံနိုင်စရာ အဖြစ်အပျက်****

ကလေးစာပေတွေကို ရေးသားတဲ့ နာမည်ကျော် စာရေးဆရာမ Mrs Ann Cameron ကတော့ သူမရဲ့ အံသြစရာ အတွေ့အကြုံကို ဝေမျှ ခဲ့ပါတယ်..

သူမ ဘ၀ မှာ ပထမဆုံးခါးသီးစွာ ကြုံတွေ့ခဲ့ရတဲ့ ရောဂါ ကတော့ ဓာတု ကုထုံး နဲ့ ကုသမှူ ခံယူရင်း ၂၀၀၅ ခုနှစ်မှာ ကွယ်လွန်ခဲ့တဲ့ သူမ ခင်ပွန်းသည် ခံစားခဲ့ရတဲ့ ရက်စက်လှတဲ့အဆုတ် ကင်ဆာ ပါပဲ..

သူမကိုယ်တိုင် အူမကြီး ကင်ဆာ တတိယ အဆင့်ကို ခံစားနေရတယ်လို့ သိလိုက်ရချိန်မှာ သူမဟာ သူမ ရဲ့ ခင်ပွန်းသည်လို ဓာတုကုထုံး နဲ့ ကုသမှူ ခံယူဖို့ကို ငြင်းဆိုခဲ့ပါတယ် ၂၀၁၂ ခုနှစ် ဇွန်လ မှာ ခွဲစိတ်ကုသမှု ခံယူခဲ့ပါတယ် အဲ့ဒီနောက် တစ်ရက်ထက် တစ်ရက် သက်သာ သလို ခံစားခဲ့ရပေမဲ့ ၆ လ အကြာ စမ်းသပ်စစ်ဆေးမှူတွေ ပြုလုပ်ချိန်မှာတော့ ကင်ဆာဆဲလ် တွေဟာ သူမ ရဲ့ အဆုတ်အထိ ပြန့်နှံ့လာပြီး ကင်ဆာ စတုတ္ထ အဆင့်အထိ ရောက်နေကြောင်း သိလိုက်ရပါတယ်

Ann ဟာ ဒီရောဂါဆိုး ကြီးကို တိုက်ထုတ်နိုင်မဲ့ နည်းမျိုးစုံ ကို လေ့လာရှာဖွေတဲ့အခါ အရေပြားရောဂါဆိုးကြီးကို ခံစားခဲ့ရတဲ့ Ralph Kalley ရဲ့ ဖြစ်စဉ်ကို သိလာခဲ့ပါတယ်.. Ralph Kalley ရဲ့ အပြော အရဆိုရင်တော့ သူဟာ ၂.၅ ကီလိုဂရမ် အလေးချိန်ရှိတဲ့ မုန်လာဥနီ ဖျော်ရည်ကို နေ့စဉ် တိုင်း တစ်နေကုန်သောက်သုံးရင်းနဲ့ သူ့ရဲ့ အရေပြားကင်ဆာ ကို ကုသနိုင်ခဲ့တယ်လို့ ဆိုပါတယ်

Annကတော့ အောက်ပါ နည်းများနဲ့ သူမရဲ့ကျန်းမာရေးကို တိုးတက် စေခဲ့တယ် လို့ဆိုပါတယ်..

မုန်လာဥနီ ဖျော်ရည်ကို ၈ ပတ် ဆက်တိုက် သောက်ပြီးနောက် ကင်ဆာဆဲလ် တွေ ပြန့်နှံ့ခြင်း မရှိတော့ပဲ အသားပိုတွေဟာလည်း ကျုံ့လာတယ်ဆိုတာကို စမ်းသပ် တွေ့ရှိခဲ့ရပါတယ်.

၄ လ ခန့် ဆက်တိုက် သောက်ပြီးချိန်မှာ တော့ အဖုအကျိတ်လေးတွေ ဟာ ပုံမှန်အတိုင်းပြန်ဖြစ်သွားပြီး ကင်ဆာဆဲလ်တွေကိုလည်း ဆက်လက် ထိန်းချုပ် ကုသနိုင်ကြောင်းတွေ့ရှိခဲ့ ပါတယ်..

၈ လ ပြည့်တဲ့ အချိန်မှာတော့ နေ့စဉ် တစ်နေကုန် မုန်လာဥနီ ဖျော်ရည်ကို မပျက်မကွက် သောက်ခဲ့ တဲ့ ကျေးဇူးနဲ့ ကင်ဆာရောဂါ လုံး၀ ပျောက်ကင်းသွားကြောင်း စစ်ဆေး တွေ့ရှိခဲ့ရပါတယ်

အခုလို အံ့သြစရာ ရလာဒ် များ ကို ရစေခဲ့တာကတော့ မုန်လာဥနီ ဖျော်ရည်မှာ ပါ၀င်တဲ့ Fatty Alcohol ၊ ကင်ဆာဖြစ်စေသော ဆဲလ်များကို သဘာ၀အလျောက် သေစေတဲ့ ဓါတ်များ နဲ့ မုန်လာဥမှာ ပါ၀င်တဲ့ Carotene တို့က ကင်ဆာဆဲလ်များ ဖြစ်ပွားခြင်းကို ထိထိရောက်ရောက် ကာကွယ်ပေးခဲ့ခြင်း ကြောင့်ဖြစ်ပါတယ်။

သူမရဲ့ မုန်လာဥနီ ဖျော်ရည် ကုထုံး ကို ဆောင်ရွက်လို့အပြီးမှာ အခုလို ထိရောက်တဲ့ ရလာဒ်ကောင်းများ ရခဲ့ပြီးတဲ့နောက် Ann Cameron ဟာ မုန်လာဥနီ ဖြင့် ကင်ဆာရောဂါကို ကုသခြင်း ဆိုတဲ့ စာအုပ် ကို ရေးသား ထုတ်ဝေခဲ့ပါတယ်။

မုန်လာဥနီ ဖျော်ရည်ပြုလုပ်ရန် လိုအပ်သော ပစ္စည်းများ (တစ်ခွက်စာ)
- မုန်လာဥနီ ၆ တောင့်
- သံပုရာသီး တစ်ခြမ်း (အနံ့မွှေးကြိုင်စေရန်)
- ၁ လက်မ ခန့် အရွယ် ဂျင်း တစ်တက်
- နနွင်းမှုန့် လက်ဖက်ရည်ဇွန်း တစ်၀က် သို့မဟုတ် ၄ ပုံ ၁ ပုံ
- သစ်ဂျပိုးခေါက် အမှုန့် လက်ဖက်ရည်ဇွန်း ၈ ပုံ ၁ ပုံ
- ရေဖန်ခွက် တစ်၀က်

ပြင်ဆင်ပုံ
ပါ၀င်သည့် ပစ္စည်းများအားလုံးကို (သစ်ဂျပိုးခေါက်မှုန့်မှ လွဲပြီး) သစ်သီးဖျော်စက်ထဲသို့ ထည့်ကြိတ်ပါ၊ ထို့နောက် အဖတ်များကို သေချာစွာ စစ်ထုတ်ပြီး သစ်ဂျပိုးခေါက်မှုန့်ထည့်ပြီး သေချာစွာမွှေပါ။ ခပ်ကျဲကျဲ သောက်လိုပါက ရေထပ်ထည့် နိုင်ပါသည်။

ပြန်လည်မျှဝေပေးခြင်းဖြစ်ပါသည်
ကျန်းမာပျော်ရွှင်ကြပါစေ🙏🙏🙏
အခြားသူများလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးကြပါရန် မေတ္တာရပ်ခံအပ်ပါသည်။

ကျန်းမာရေးအတွက်တဆင့်ပြန်လည်မျှဝေပေးခြင်းဖြစ်ပါတယ်ရှင်

😘🥰🥰🥰🥰🥰🥰🥰🥰🥰

ယနေ့ ကမ္ဘာပေါ်မှာ ကင်ဆာရောဂါ ဖြစ်ပွားမှုနှုန်းဟာ တစ်စထက်တစ်စ မြင့်တက်နေပါတယ်။ သဘာဝအသီးအနှံတွေကို စားသုံးခြင်းဖြင့် ကင်ဆာရောဂါကို ကာကွယ်နိုင်တယ်ဆိုတာကို သိပ္ပံနည်းကျ တွေ့ရှိပြီးဖြစ်တာကြောင့် ကင်ဆာရောဂါ ကာကွယ်နိုင်စွမ်းရှိတဲ့ အသီးအနှံတွေကို စားသုံးပေးရပါမယ်။

အဲ့ဒီအသီးအနှံတွေထဲမှ မုန်လာဥနီစားသုံးရင် ကင်ဆာရောဂါအများစုကို ကာကွယ်နိုင်စွမ်းရှိကြောင်း လေ့လာရပါတယ်။ အထူးသဖြင့် မုန်လာဥနီမှာပါဝင်တဲ့ ပေါ်လီအဆီတိုင်လင်း (Polyacetylene) ဟာ အူမကြီးကင်ဆာ ကာကွယ်ရာမှာ အလွန်အစွမ်းထက်ပါတယ်။ ဒါ့အပြင် မုန်လာဥနီမှာပါဝင်တဲ့ အမျှင်ဓာတ်တွေဟာ (Dietary fibers) ဝမ်းမှန်စေတာကြောင့် အစာအိမ်နဲ့ အူလမ်းကြောင်းတစ်လျှောက်မှာ အူမကြီးကင်ဆာ မဖြစ်စေဖို့ ကာကွယ်ပေးပါတယ်။ သူ့မှာပါဝင်တဲ့ ဓာတ်ပစ္စည်းတွေဖြစ်တဲ့ ကယ်ရိုတီနွိုက်တွေ၊ဗီတာမင်တွေနဲ့ အိုမီဂါ-၃ ဟာ ကင်ဆာကာကွယ်ရေးအတွက် အဓိက အထောက်အကူပြုပါတယ်။

ကျန်းမာရေးအတွက် အထောက်အကူပြုတဲ့ မုန်လာဥနီကို စားသုံးတဲ့အခါ ဘယ်လိုပုံစံမျိုးတွေနဲ့ စားသုံးသင့်ပါသလဲ❓❓

မုန်လာဥနီရဲ့ အပေါ်ယံအလွှာကို ဖယ်ရှားပြီး မလှီးခင် ရေဆေးပြီးမှသာ အစိမ်းအတိုင်းဖြစ်ဖြစ်၊ ကြော်လှော်ချက်ပြုတ်ပြီးဖြစ်ဖြစ် စားသုံးရပါမယ်။ ဒါ့အပြင် မုန်လာဥနီကို အပူချိန်များများနဲ့ အချိန်အကြာကြီး ချက်ပြုတ်တာကို ရှောင်ကြဉ်ရပါမယ်။ အဲ့ဒါမှ အာဟာရဓာတ်တွေပြည့်ဝပြီး ကျန်းမာရေးနဲ့ ညီညွတ်တဲ့ ဟင်းကောင်းတစ်ခွက်ကို ရရှိနိုင်မှာ ဖြစ်ပါတယ်။

မုန်လာဥနီကို ဖျော်ရည် ပြုလုပ်သောက်သုံးရာမှာလည်း အနေတော်လေးတွေတုံးပြီး နို့အနည်းငယ်ထည့်ပြီး သဘာဝအတိုင်း ဖျော်သောက်သင့်ပါတယ်။ သတိပြုရမယ့် အချက်အနေနဲ့ကတော့ မုန်လာဥနီဟာ မြေကြီးထဲမှာရှိတဲ့ ဓာတ်ပစ္စည်းတွေကို စုပ်ယူလေ့ရှိတာကြောင့် စိုက်ပျိုးထုတ်လုပ်ရာမှာ ပိုးသတ်ဆေး၊ ဓာတ်မြေသြဇာတွေ မသုံးထားတဲ့ အော်ဂဲနစ်မုန်လာဥ အမျိုးအစားဖြစ်ရင် အကောင်းဆုံးဖြစ်ပါတယ်။ အထူးသဖြင့် ကင်ဆာရောဂါ တိုက်ဖျက်တဲ့နေရာမှာ စားသုံးမယ်ဆိုရင် ဒီအချက်ဟာ အထူးအရေးပါလှပါတယ်။ ဒါ့ကြောင့် စိုက်ပျိုးထုတ်လုပ်သူတွေအနေနဲ့လည်း ကျန်းမာရေးနဲ့ ညီညွတ်တဲ့ အော်ဂဲနစ်မုန်လာဥ အမျိုးအစားကို ပြောင်းလဲစိုက်ပျိုးသင့်ပါတယ်။

ဒုတိယအချက်ကတော့ မုန်လာဥနီမှာပါဝင်တဲ့ ဗီတာမင်အေဟာ အဆီမှာပျော်ဝင်တဲ့ ဗီတာမင် အမျိုးအစား (Fat soluble vitamin) ဖြစ်တာကြောင့် စားသုံးဆီအနည်းငယ် ထည့်ပြီး ချက်ပြုတ်စားသုံးပါက အူနံရံကနေ စုပ်ယူမှု အရမ်းကောင်းမွန်စေပြီး အာနိသင် ပိုမိုထိရောက်စေပါတယ်။

ဒေါက်တာခင်မောင်လွင် (FAME)
Crd to original writer 🤍🤍
#ကျန်းမာရေးဗဟုသုတရကြပါစေ #ပြန်လည်မျှဝေတင်ဆက်ပါသည် #သင့်ကိုယ်သင်ချစ်ပါ

27/12/2025

03/12/2025

🐶အာဝုလေးတွေ မြောင်လေးတွေကိုခွင့်ပြုသည့် မြန်မာနိုင်ငံတစ်ဝမ်းမှ Hotel များ❤️🏠

🐾
ငွေဆောင်-Emerald Sea
ငွေဆောင်-Ocean Blu
ငွေဆောင်-Ria resort
ငွေဆောင်-Silver coast
ငွေဆောင်- The sea
ငွေဆောင်-ယမုံနာဦး
ငွေဆောင်- Ngwe Saung Yacht Club & Resort
ငွေဆောင်-Aureum Ngwesaung
ငွေဆောင်- BOB

🐾
ချောင်းသာ-ရွှေသောင်ယံဟိုတယ်
ချောင်းသာ-Akariz Resort(fees charge)
ချောင်းသာ-Diamond hotel
ချောင်းသာ - Amazing Hotel ( Fees charge - only small )
ချောင်းသာ - Coral view ( ဖိုးကုလားကျွန်း )
ချောင်းသာ - Golden Beach
ချောင်းသာ-Belle Hotel Chaung Tha
ချောင်းသာ- Hill Garden Hotel
ချောင်းသာ- New Chaung Tha Hotel
ချောင်းသာ-Azura Hotel
ချောင်းသာ - သီရိ hotel
ချောင်းသာ -belle hotel
ချောင်းသာ-ထိုက်သူစံHotel

ငပလီ-Silver Beach Hotel
ထားဝယ်-မောင်းမကန်ဟိုတယ်
ထားဝယ်-Star Hotel

🐾
ကျိုက်ထို-Golden Bliss Hotel
ကျိုက်ထို-သုဝဏ္ဏဘူမိ
ကျိုက်ထို-Shwe Hin Tha Hotel
ကျိုက်ထီးရိုး-ရိုးရိုးလေး
ကျိုက်ထီးရိုး-ကျိုက်ထိုဟိုတယ်
ဘားအံ-Hpa-An Breeze Hotel
မော်လမြိုင်/စက်စဲ-21 Paradise Hotel
မော်လမြိုင်/စက်စဲ-ထွန်းguesthouse
မော်လမြိုင်-ဆဝါဒီ ဟိုတယ်
ဘားအံ- My Hpa-An Residence by Amata
မော်လမြိုင်- Zabu Kyaw

🐾
ပုဂံ-ခရေ တည်းခိုရိပ်သာ(ရွှေစည်းခုံဘုရားနား)
ပုဂံ-မြပြည့်စုံ
ပုဂံ-လွင် ပုဂံ မိုတယ်
ပုဂံ-We Stay Bagan Lotus Hotel(ကျောက်ပန်းတောင်းလမ်း)
ပုဂံ - မြရတနာ ဟိုတယ်
ပုဂံ-Fortune Bagan Hotel
ပုဂံ - Hotel Amazing
ပုဂံ- Thiri Mingalar Hotel Naung U
ပုဂံ-rain Hotel
ပုပ်ပါး-Hotel King
ပုဂံ-Bagan View Hotel
ပုပ္ပါး-Poppa Garden Resoet
ပုဂံ Northern Breeze Hotel

🐾
ရန်ကုန်-Reallink Hotel
ရန်ကုန်-383Villa(မြောက်ဒဂုံ)
ရန်ကုန် - Inya Lake Hotel
ရန်ကုန်-KC hotel မင်္ဂလာဒုံ

🐾
က​လော-Seint Hotel
ကလော-Hill Lodge
ကလော-Kalaw 225 hotel
ကလော- Pineland Oasis
ကလော- Dream Mountain
ကလော -snow white hotel

🐾
မန္တလေး-Kyi Tin hotel
မန္တလေး - Oasis Inn Hotel
မန္တလေး-Power Hotel (ခွေးသေး Only)
မန္တလေး - Hotel 78 ( training small pet များသာ )
မန္တလေး -Hotel To To Mandalay
ပြင်ဦးလွင်-မောင်တို့ချယ်ရီမြေ
ပြင်ဦးလွင်-Agga Tiny House
ပြင်ဦးလွင်-Tiger Hotel
ပြင်ဦးလွင် - Royal Reward Resort
ပြင်ဦးလွင်-Mount Strawberry
ပြင်ဦးလွင် - white rose hotel
ပြင်ဦးလွင် - Pyin Oo Lwin Triplet Hotel
ပြင်ဦးလွင် -Hotel Spring
ပြင်ဦးလွင်-Serviced Villa Pyinoolwin
ပြင်ဦးလွင်-Yadanarpone City Hotel
ပြင်ဦးလွင်-Smile House Pyin Oo Lwin

🐾
တောင်ကြီး - Hotel La Vista ( Fees charge)
ပြည်-Golden Dragon HotelCharge ပေးရပါတယ်)
ပြည်-Sweet golden land hotel
ဇလွန်က တည်းခိုရိပ်သာ၂ ခုလုံးတည်းခိုလို့ရပါတယ်
တောင်ငူ-Hotel Amazing
ဂေါ်ရန်ဂျီကျွန်း-Adventure Paradise Hotel
ဖိုးကုလားကျွန်း- coral resort
အင်းလေး- weaver’s Boutique Homestay
မြစ်ကြီးနား- Plam spring resort
သီပေါ- Hsipaw resort
ချင်း-Sor long cbt community lodge
နေပြည်တော်- Royal Lotus

အဝုလေးတွေလက်ခံပေးတဲ့ဟိုတယ်တွေသိရင်လည်းပြောပေးနော်ပြန် Editပေးထားမယ်😍

Cbမှာလည်းလာပြောပေးလို့လည်းရတယ်နော်❤️

Credit ©May Thiri Khin
Paoh Stars

26/11/2025

သင့်ခန္ဓာကိုယ်က ဘယ်ဗီတာမင်တွေလိုအပ်နေကြောင်းအချက်ပြတဲ့ လက္ခာများ

• ဆံပင်ကျွတ်ခြင်း : Vitamin D

• အသားအရေခြောက်သွေ့ခြင်း : Vitamin E

• စိတ်တိုလွယ်/ဒေါသထွက်လွယ် : Vitamin B1, D

• ခဏခဏနေမကောင်း/ ခုခံအားနည်း: Vitamin C

• ခံတွင်းပျက်/ ဆံပင်ပါး : Lysine

• ပင်ပန်းနွမ်းနယ်လွယ်: Vitamin B, D, Magnesium

• လက်သည်းပေါ် အဖြူစက်ဖြစ်: Iron, Vitamin B12

• ညောင်းညာကိုက်ခဲ/အကြောတက် : Vitamin D

• ခြေ/လက် ကျင်လွယ်/ မောလွယ်ပန်းလွယ် : Vitamin B12

•မျက်လုံးမှူန်/ကြည်ကြည်လင်လင်မမြင်ရ : Vitamin A

• မောပန်း အားနည်းလာခြင်း၊ ခေါင်းခဏခဏကိုက် : Vitamin B5

• နှုတ်ခမ်းခြောက်၊နှခမ်းအပူဖြစ် : Vitamin B12
• အသားအရေခြောက်ပြီး အမည်းစက်လေးများဖြစ်ခြင်း : Vitamin A, E

• သွားဖုံးအရေပြားရောင်ရမ်းခြင်း၊ သွားဖုံးသွေးထွက်လွယ် : Vitamin C, K

• ဆံပင်မြန်မြန်ဖြူလာခြင်း : Vitamin B12, Folate

• အထိမခံ ညိုမဲစွဲလွယ်ခြင်း : Vitamin B1, D

ဗီတာမင်ရရှိနိုင်သော အစားအစာများ
• Vitamin A : အသည်း, ကြက်ဥအနှစ်/ အဝါ/လိမ္မော်/အစိမ်းရောင်ရှိတဲ့အသီးအရွက်များ (carrots , pumpkin)
• Vitamin B : ပဲစုံများ, အသား၊ ငါး, ကြက်ဥ, နို့နှင့် နို့ထွက်ပစ္စည်းများ

• Vitamin C : ချ်ုချဉ်အရသာရှိသည့် အသီးများ (လိမ္မော်, စတော်ဘယ်ရီ, etc)

• Vitamin D : အဆီများသော ငါးမျိုးများ, liver oil, ဥ အနှစ်
• Vitamin E : သစ်ဆံအဆီများ, ပဲအမျ်ူးမျိူး/ (Almond, Walnut)
• Vitamin K : ဗရိုကိုလီ, ဂေါ်ဖီ, အသည်း

• Lysine : အမဲသား, ဝက်သား, ကြက်သား, ဆယ်လ်မွန်, ပဲနီ
• Magnesium :,ဗရိုကိုလီ, ပဲမဲ/ ပဲနီ, Banana/ အာဗိုကာဒို, ဆယ်လ်မွန်

21/11/2025

ခန္ဓာကိုယ်က တောင်းဆိုနေတဲ့ အာဟာရဓါတ် (၂၀) ✅

၁။ နှလုံး (Heart) ❤️
----------------
✔️အလိုအပ်ဆုံးက - Potassium (ပိုတက်ဆီယမ်)
✔️ရနိုင်တာ - ငှက်ပျောသီး၊ ထောပတ်သီး၊ အာလူး။ (သွေးပေါင်ချိန်ကို ထိန်းညှိပေးပါတယ်)

၂။ ကျောက်ကပ် (Kidneys) 💧
-----------------
✔️အလိုအပ်ဆုံးက - Water (သန့်ရှင်းသော ရေ)
✔️ရနိုင်တာ - ရေများများသောက်ခြင်း။ (အဆိပ်အတောက်တွေကို ဆီးကနေတဆင့် စွန့်ထုတ်ဖို့ အဓိကလိုပါတယ်)

၃။ အသည်း (Liver) 🥦
------------------
✔️အလိုအပ်ဆုံးက - Sulphur & Antioxidants
✔️ရနိုင်တာ - ကြက်သွန်ဖြူ၊ ဂေါ်ဖီ၊ ပန်းဂေါ်ဖီစိမ်း။ (အသည်းက အဆိပ်အတောက်ပြေစေဖို့ ကူညီပါတယ်)

၄။ ဦးနှောက် (Brain) 🧠
-----------------
✔️အလိုအပ်ဆုံးက - Omega-3 Fatty Acids
✔️ရနိုင်တာ - ဆော်လမွန်ငါး၊ ငါးကြီးဆီ၊ သစ်ကြားသီး (Walnuts)။ (မှတ်ဉာဏ်ကောင်းစေပါတယ်)

၅။ မျက်လုံး (Eyes) 👁️
-----------------
✔️အလိုအပ်ဆုံးက - Vitamin A & Lutein
✔️ရနိုင်တာ - မုန်လာဥနီ၊ ရွှေဖရုံသီး၊ ဟင်းနုနွယ်။ (အမြင်အာရုံ ကြည်လင်စေပါတယ်)

၆။ အရိုး (Bones) 🦴
-----------------
✔️အလိုအပ်ဆုံးက - Calcium & Vitamin D
✔️ရနိုင်တာ - နွားနို့၊ ဒိန်ချဉ်၊ မနက်ခင်းနေရောင်ခြည်။ (အရိုးပါးခြင်းကို ကာကွယ်ပါတယ်)

၇။ အဆုတ် (Lungs) 🫁
------------------
✔️အလိုအပ်ဆုံးက - Vitamin C & Magnesium
✔️ရနိုင်တာ - ပန်းသီး၊ ပန်းဂေါ်ဖီစိမ်း။ (လေပြွန်ကျန်းမာရေးအတွက် ကောင်းပါတယ်)

၈။ အူလမ်းကြောင်း (Gut) 🦠
-------------------
✔️အလိုအပ်ဆုံးက - Probiotics & Fiber (အကျိုးပြုဘက်တီးရီးယား နှင့် အမျှင်ဓါတ်)
✔️ရနိုင်တာ - ဒိန်ချဉ်၊ ကောက်ပဲသီးနှံများ။ (ဝမ်းမှန်စေပြီး အစာချေဖျက်မှု ကောင်းစေပါတယ်)

၉။ အရေပြား (Skin) ✨
-----------------
✔️အလိုအပ်ဆုံးက - Collagen & Vitamin C
✔️ရနိုင်တာ - လိမ္မော်သီး၊ သံပုရာသီး၊ ခရမ်းချဉ်သီး။ (အသားအရေ တင်းရင်းစေပါတယ်)

၁၀။ ဆံပင် (Hair) 💇‍♀️
----------------
✔️အလိုအပ်ဆုံးက - Biotin & Zinc
✔️ရနိုင်တာ - ကြက်ဥ၊ အခွံမာသီးများ။ (ဆံပင်ကျွတ်သက်သာပြီး သန်စွမ်းစေပါတယ်)

၁၁။ ကြွက်သား (Muscles) 💪
-----------------------
✔️အလိုအပ်ဆုံးက- Protein (ပရိုတင်း)
✔️ရနိုင်တာ - ကြက်သား၊ ပဲအမျိုးမျိုး၊ အသားငါး။ (ကြွက်သားတည်ဆောက်ဖို့ မရှိမဖြစ်ပါ)

၁၂။ သွေး (Blood) 🩸
-----------------
✔️လိုအပ်တာ - Iron (သံဓါတ်)
✔️အလိုအပ်ဆုံးက - ဟင်းနုနွယ်၊ အသည်း၊ အနီရောင်အသားများ။ (သွေးအားနည်းရောဂါကို ကာကွယ်ပါတယ်)

၁၃။ သိုင်းရွိုက် (Thyroid) 🦋
------------------------
✔️လိုအပ်တာ - Iodine (အိုင်အိုဒင်း)
✔️အလိုအပ်ဆုံးက - ပင်လယ်စာ၊ ရေညှိ၊ အိုင်အိုဒင်းဆား။ (ဟော်မုန်းထွက်ရှိမှု မှန်ကန်စေပါတယ်)

၁၄။ အာရုံကြော (Nerves) ⚡
--------------------
✔️လိုအပ်တာ - Vitamin B Complex (B1, B6, B12)
✔️အလိုအပ်ဆုံးက - ဆန်လုံးညို၊ အသား၊ ဥအမျိုးမျိုး။ (ထုံကျင်တာတွေ သက်သာစေပါတယ်)

၁၅။ ပန်ကရိယ (Pancreas) 🧬
-------------------
✔️အလိုအပ်ဆုံးက - Low Glycemic Foods
✔️ရနိုင်တာ - ကြက်ဟင်းခါးသီး၊ ရုံးပတီသီး။ (အင်ဆူလင်ထွက်တာကို ကူညီပြီး ဆီးချိုထိန်းပေးပါတယ်)

၁၆။ သွားနှင့် သွားဖုံး (Teeth) 🦷
-------------------
✔️အလိုအပ်ဆုံးက - Calcium & Phosphorus
✔️ရနိုင်တာ - ဒိန်ခဲ (Cheese)၊ နွားနို့။ (သွားကြွေလွှာ ခိုင်မာစေပါတယ်)

၁၇။ ကိုယ်ခံအား (Immune System) 🛡️
----------------------
✔️အလိုအပ်ဆုံးက - Zinc & Vitamin C
✔️ရနိုင်တာ - မာလကာသီး၊ ဂျင်း၊ ပျားရည်။ (ဖျားနာခြင်းကို ကာကွယ်ပေးပါတယ်)

၁၈။ အဆစ်အမြစ် (Joints) 🦵
----------------------
✔️အလိုအပ်ဆုံးက - Collagen & Omega-3
✔️ရနိုင်တာ - အရိုးပြုတ်ရည်၊ ငါးအမျိုးမျိုး။ (အဆစ်နာတာတွေ သက်သာစေပါတယ်)

၁၉။ သွေးကြောများ (Arteries) 🛑
-------------------
✔️အလိုအပ်ဆုံးက - Nitrates
✔️ရနိုင်တာ - မုန်လာဥနီ (Beetroot)၊ ဖရဲသီး။ (သွေးလည်ပတ်မှု ကောင်းစေပါတယ်)

၂၀။ စိတ်ကျန်းမာရေး (Mood/Mind) 😌
-------------------
✔️လိုအပ်တာ - Magnesium
✔️အလိုအပ်ဆုံးက - ငှက်ပျောသီး၊ dark chocolate။ (စိတ်ဖိစီးမှုလျော့ကျပြီး အိပ်ပျော်စေပါတယ်)

ဒီ Post လေးကို Save ထားပြီး နေ့စဉ် စားသောက်တဲ့အခါ လိုအပ်တာလေးတွေ ဖြည့်စွက်စားသောက်ကြပါနော်။ ❤️

Crdcrddrkhant