12/02/2026
ငါတို့ အရွယ်တစ်ခု ရောက်လာကြပြီ…။
ငယ်ရွယ်မှုတွေ ချနင်းနေရတဲ့အရွယ်၊
မလုပ်ချင်တဲ့အရာတွေ သည်းခံပြီး လုပ်နေရတဲ့အရွယ်၊
မဆက်ဆံချင်လည်း ပြုံးပြီး ဖော်ရွေနေရတဲ့အရွယ်၊
ဘဝအခြေကျဖို့ စိတ်လောနေရတဲ့အရွယ်၊
ငွေနောက်လိုက်ရင်း ရှင်သန်မှုဟာ စက်ရုပ်ဆန်လာတဲ့အရွယ်၊
မိဘတွေ အိုမင်းလာတာကို ကြည့်ရင်း ဝမ်းနည်းတတ်လာတဲ့အရွယ်၊
အပေါင်းသင်းအသစ်တွေ မထားတတ်တော့သလို
ရှိပြီးသားတွေနဲ့လည်း စကားလက်ဆုံမကျဖြစ်တော့တဲ့အရွယ်၊
ဘဝထဲကနေ တစ်ယောက်ပြီး တစ်ယောက် ထွက်သွားနေကြတဲ့အရွယ်၊
အထီးကျန်ခြင်းတွေနဲ့ နေသားကျလာတဲ့အရွယ်၊
အသက်မငယ်တော့သလို
ထင်သလောက်လည်း အသက်မကြီးသေးတဲ့အရွယ်၊
ဘဝက ဒီလိုပါပဲ၊
မျက်စိတစ်မှိတ်အတွင်း ငါတို့ အရွယ်ရောက်ကြတယ်၊
မျက်စိတစ်မှိတ်အတွင်း ငါတို့ အိုမင်းကြတယ်၊
ကျန်ခဲ့တာတွေလည်း ရှိတယ်၊
ချန်ခဲ့တာတွေလည်း ရှိတယ်၊
ဘာပဲဖြစ်ဖြစ်
ရောက်လာတဲ့ အချိန်ခဏလေးကိုတော့ နောင်တမရှိဘဲ တန်တန်ကြီးဖြတ်သန်းချင်တယ်။
Crd
