27/01/2025
ယောက်ျားလေးလိုချင်တာလား မိန်းကလေးလိုချင်တာလား❓
တစ်ချို့မေမေတွေက သားဦးကို ယောက်ျားလေးလိုချင်တာတို့၊ မိန်းကလေးတွေပဲ မွေးထားလို့ ဒီတစ်ခေါက်တော့ ယောက်ျားလေးပဲ လိုချင်တာတို့တွေ ရှိပါတယ်။
မြန်မာတွေရဲ့ ရှေးအယူအဆမှာလည်း ယောက်ျားလေးမွေးမှ မြတ်တယ်၊ ယောက်ျားလေးမွေးရင် အပ္ပါယ်တံခါးပိတ်တယ်၊ ယောက်ျားလေး မမွေးနိုင်တဲ့ မိန်းမဟာ မိန်းမမြတ်ထဲ မပါဘူး၊ ပစ်ပယ်အပ်တဲ့ မိန်းမထဲပါတယ် ဆိုတာမျိုးတွေ ရှိပါတယ်။
အဲ့တော့ ယောက်ျားလေးမမွေးနိုင်တာက အမျိုးသမီးနဲ့ပဲဆိုင်တာလို့ သတ်မှတ်ပြီး မမွေးပေးနိုင်တဲ့ မိန်းမဆို ခင်ပွန်းနဲ့ ခင်ပွန်းရဲ့ မိသားစုဘက်က အပြစ်တင်တာတွေရှိသလို အမျိုးသမီးတွေ ကိုယ်တိုင်ကလည်း ကိုယ့်ဘာသာ အပြစ်မကင်းသလို ခံစားရတာတွေ ရှိတတ်ပါတယ်။ တစ်ချို့အမျိုးသမီးတွေဆို ဗိုက်ထဲက ကလေးက မိန်းကလေးမလို့ သူကိုယ်တိုင်က လုံးဝကို မလိုချင်တာတွေရှိတာတောင် တွေ့ရတတ်ပါတယ်။
တကယ်က ယောက်ျားလေးဖြစ်ဖြစ်၊ မိန်းကလေးဖြစ်ဖြစ် လိုချင်တာမွေးအောင် လုပ်ယူလို့ မရပေမယ့် သိပ္ပံနည်းကျအရဆိုရင်တော့ ယောက်ျားလေးလား၊ မိန်းကလေးလားဆိုတာ အမျိုးသားတွေနဲ့တောင် ပိုပြီးသက်ဆိုင်ပါတယ်။
ကလေးတစ်ယောက်ဖြစ်လာဖို့ဆိုတာ အမျိုးသမီးရဲ့ သားအိမ်ထဲက မျိုးဥနဲ့ အမျိုးသားတွေရဲ့ သုတ်ရည်ထဲက သုတ်ကောင်နဲ့ ပေါင်းပြီး အမေရဲ့ သားအိမ်ထဲမှာ သားလောင်းလေးအဖြစ်စတင် သန္ဓေတွယ်ပါတယ်။
အမျိုးသမီးတွေရဲ့မျိုးဥဟာ X chromosoneကိုသာ သယ်ဆောင်ပြီး အမျိုးသားတွေရဲ့ သုတ်ကောင်တွေကတော့ X chromosoneရော Y chromosoneကိုပါ သယ်ဆောင်ထားပါတယ်။ အမျိုးသမီးရဲ့ မျိုးဥနဲ့ အမျိုးသားရဲ့ X chromosoneကို သယ်ဆောင်ထားတဲ့ သုတ်ကောင်က ပေါင်းစပ်မိရင် (X + X) မိန်းကလေးဖြစ်ပါတယ်။ Y နဲ့ ပေါင်းမိရင်တော့ ( X + Y) ယောက်ျားလေးပါ။
Y spermတွေက X spermတွေထက် ပိုသေးငယ်ပြီး ပိုပေါ့ပါးတဲ့အတွက် အစ ပထမမှာ ပိုပြီး မြန်မြန်ကူးခတ်နိုင်ကြပါတယ်။ ဒါပေမယ့် X spermတွေက ပိုပြီး ကြံ့ခိုင်တဲ့အတွက် Y spermတွေထက် အမျိုးသမီးမျိုးပွါး အဂ်ါအတွင်းမှာ ပိုမိုကြာရှည်အသက်ရှင်နိုင်ပါတယ်။ အဲ့တော့ အချိန်ကြာကြာကူးခတ်ကြရင် Yတွေကို Xတွေက ကျော်တက်သွားနိုင်သွားပါတယ်။
ယောက်ျားလေးတွေက သားအိမ်နဲ့ ဝေးတဲ့ မွေးလမ်းကြောင်းအတွင်းမှာ သုတ်ရည်ကို လွှတ်ရင် မိန်းကလေးရနိုင်ခြေများပြီး သားအိမ်နဲ့ နီးသွားရင်တော့ ယောက်ျားလေးရနိုင်ခြေရှိပါတယ်။ ဒါမယ့် သဘာဝအရတော့ တမင်လုပ်ယူလို့ မရပါဘူး။
အဲ့တော့ အမျိုးသမီးတွေအနေနဲ့ ယောက်ျားလေးမမွေးနိုင်လို့ ကိုယ့်ဘာသာ အပြစ်တင်တာ၊ ကိုယ်မှားနေသလို၊ အပြစ်ရှိသလို ခံစားနေရတာတွေရှိရင် လုံးဝကို မဖြစ်သင့်ပါဘူးနော်။ အမျိုးသားနဲ့ အမျိုးသားဘက်က မိဘ၊ဆွေမျိုးတွေက ပြောရင်တောင် အမျိုးသားနဲ့ပဲဆိုင်တာ ပြန်ပြောပါ။ ကိုယ်မွေးလာမယ့် ကိုယ့်သားသမီးကို သားဖြစ်ဖြစ် သမီးဖြစ်ဖြစ် ဘယ်နှယောက်မြောက်ပဲ ဖြစ်ဖြစ် ချစ်ပါ၊ ကာကွယ်ပါ။ လောကမှာမိခင်တွေကသာ အကြံ့ခိုင်ဆုံး၊ သားသမီးကို အချစ်နိုင်ဆုံး၊ အကာအကွယ်အပေးနိုင်ဆုံး လူသားတွေပါ။
#ခရမ်းချဉ်သီးလေးကလေးအဝတ်အထည်
